ರಾಯಪುರ: ವೃಂದಾ ದಿನೇಶ್ ಅವರ ಭರ್ಜರಿ ಶತಕದ ನೆರವಿನಿಂದ ಕರ್ನಾಟಕ ತಂಡವು ಬಿಸಿಸಿಐ 23 ವರ್ಷದೊಳಗಿನ ಮಹಿಳೆಯರ ಟಿ20 ಕ್ರಿಕೆಟ್ ಟ್ರೋಫಿ ಟೂರ್ನಿಯಲ್ಲಿ 55 ರನ್ಗಳಿಂದ ಬರೋಡಾ ತಂಡವನ್ನು ಮಣಿಸಿತು.
ರಾಯಪುರದ ಶಹೀದ್ ವೀರ್ ನಾರಾಯಣ್ ಸಿಂಗ್ ಕ್ರೀಡಾಂಗಣದಲ್ಲಿ ಸೋಮವಾರ ನಡೆದ ಪಂದ್ಯದಲ್ಲಿ ಮೊದಲು ಬ್ಯಾಟಿಂಗ್ ಮಾಡಿದ ಕರ್ನಾಟಕ ತಂಡವು ವೃಂದಾ ದಿನೇಶ್ (117; 69ಎ, 4x15, 6x5) ಅವರ ಬ್ಯಾಟಿಂಗ್ ಬಲದಿಂದ 20 ಓವರ್ಗಳಲ್ಲಿ ಎರಡು ವಿಕೆಟ್ಗೆ 181 ರನ್ ಗಳಿಸಿತು.
ಗುರಿಯನ್ನು ಬೆನ್ನಟ್ಟಿದ ಬರೋಡಾ ತಂಡವು ಕರ್ನಾಟಕದ ಬೌಲಿಂಗ್ ದಾಳಿಯ ಎದುರು 20 ಓವರ್ಗಳಲ್ಲಿ 126 ರನ್ಗಳಿಗೆ ಕುಸಿಯಿತು. ಕರ್ನಾಟಕದ ಪರ ಪೂಜಾ ಕುಮಾರಿ ಮತ್ತು ಅನನ್ಯಾ ಹೆಗ್ಡೆ ಕ್ರಮವಾಗಿ ನಾಲ್ಕು, ಮೂರು ವಿಕೆಟ್ ಪಡೆದರು.
ಸಂಕ್ಷಿಪ್ತ ಸ್ಕೋರ್: ಕರ್ನಾಟಕ: 20 ಓವರ್ಗಳಲ್ಲಿ 2 ವಿಕೆಟ್ಗೆ 181 (ವೃಂದಾ ದಿನೇಶ್ 117, ಜಿ.ಆರ್. ಪ್ರೇರಣಾ ಔಟಾಗದೆ 28). ಬರೋಡಾ: 20 ಓವರ್ಗಳಲ್ಲಿ 126 (ಅಮೃತಾ ಜೋಸೆಫ್ 35, ಸಿ.ಜೆ. ದೇಸಾಯಿ 25; ಅನನ್ಯಾ ಹೆಗ್ಡೆ 24ಕ್ಕೆ3, ಎಂ. ಪೂಜಾ ಕುಮಾರಿ 32ಕ್ಕೆ 4)
ಫಲಿತಾಂಶ: ಕರ್ನಾಟಕಕ್ಕೆ 55 ರನ್ ಜಯ
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.