ಕೋವಿಡ್‌–19 ವಿರುದ್ಧದ ಸಮರ: ಮೋಹನ್‌ ಬಾಗನ್‌ ನೆರವು

ಕೋಲ್ಕತ್ತ: ಕೋವಿಡ್‌–19 ಪಿಡುಗಿನ ವಿರುದ್ಧದ ಸಮರಕ್ಕೆ ಐ–ಲೀಗ್‌ ಫುಟ್‌ಬಾಲ್‌ ಚಾಂಪಿಯನ್‌ ಮೋಹನ್ ಬಾಗನ್ ಕೂಡ ಕೈಜೋಡಿಸಿದ್ದು, ₹ 20 ಲಕ್ಷ ನೀಡಿದೆ.

‘ಕೊರೊನಾ ಸೋಂಕಿನ ವಿರುದ್ಧದ ಹೋರಾಟಕ್ಕೆ ಪಶ್ಚಿಮ ಬಂಗಾಳ ರಾಜ್ಯ ತುರ್ತು ಪರಿಹಾರ ನಿಧಿಗೆ ನೆರವು ನೀಡುತ್ತಿರುವುದಾಗಿ’ ತನ್ನ ಫೇಸ್‌ಬುಕ್‌ ಪೇಜ್‌ನಲ್ಲಿ ಕ್ಲಬ್‌ ಪ್ರಕಟಿಸಿದೆ.

‘ಫುಟ್‌ಬಾಲ್‌ ಎಂದರೆ ಏಕತೆ, ಮಾನವೀಯತೆ. ಪರಿಹಾರ ನಿಧಿಗೆ ನೆರವು ನೀಡಲು ಎಲ್ಲರೂ ಕೈಜೋಡಿಸಬೇಕು’ ಎಂದು ಕ್ಲಬ್‌ ಹೇಳಿದೆ.