ಒಲಿಂಪಿಕ್‌ನಲ್ಲಿ ಚಿನ್ನ ಗೆದ್ದು ನಿವೃತ್ತಿ: ಮೇರಿ

ನವದೆಹಲಿ (ಪಿಟಿಐ): ಹಲವು ದಿನಗಳ ಊಹಾಪೋಹಗಳ ಬಳಿಕ ಆರು ಬಾರಿಯ ಬಾಕ್ಸಿಂಗ್‌ ವಿಶ್ವ ಚಾಂಪಿಯನ್‌ ಭಾರತದ ಮೇರಿ ಕೋಮ್‌ ನಿವೃತ್ತಿ ನಿರ್ಧಾರ ಪ್ರಕಟಿಸಿದರು.

ಟೋಕಿಯೊ ಒಲಿಂಪಿಕ್‌ನಲ್ಲಿ ಚಿನ್ನದ ಪದಕ ಜಯಿಸಿ ಗ್ಲೌಸ್‌ ಕಳಚುವೆ ಎಂದು ಗುರುವಾರ ಮೇರಿ ತಿಳಿಸಿದರು.

’ನನ್ನ ಮುಂದಿರುವ ಪ್ರಮುಖ ಗುರಿ ಒಲಿಂಪಿಕ್‌ ಚಿನ್ನ ಗೆಲ್ಲುವುದು’ ಎಂದು ಖಾಸಗಿ ಕಂಪೆನಿಯೊಂದು ಆಯೋಜಿಸಿದ್ದ ಕಾರ್ಯಕ್ರಮದಲ್ಲಿ
ಪಾಲ್ಗೊಂಡು ಅವರು ಮಾತನಾಡಿದರು.