ಬ್ಯಾಡ್ಮಿಂಟನ್‌: ಪುಷ್ಕರ್, ಶೈನಾಗೆ ಪ್ರಶಸ್ತಿ

ಬೆಂಗಳೂರು: ಕರ್ನಾಟಕದ ಪುಷ್ಕರ್‌ ಮತ್ತು ಶೈನಾ ಮಣಿಮುತ್ತು ಅವರು ಕೋಲ್ಕತ್ತದಲ್ಲಿ ಸೋಮವಾರ ಕೊನೆಗೊಂಡ ಅಖಿಲ ಭಾರತ ಸಬ್‌ ಜೂನಿಯರ್‌ ರಾಷ್ಟ್ರೀಯ ರ್‍ಯಾಂಕಿಂಗ್‌ ಬ್ಯಾಡ್ಮಿಂಟನ್‌ ಟೂರ್ನಿಯಲ್ಲಿ ಚಾಂಪಿಯನ್‌ ಆದರು.

13 ವರ್ಷ ವಯಸ್ಸಿನೊಳಗಿನವರ ಬಾಲಕರ ವಿಭಾಗದ ಫೈನಲ್‌ನಲ್ಲಿ ಪುಷ್ಕರ್‌ 21–9, 21–5 ರಲ್ಲಿ ಸ್ವಯಂದ್ಯುತಿ ಘೋಷ್‌ ಅವರನ್ನು ಮಣಿಸಿದರು.

ಬಾಲಕಿಯರ ವಿಭಾಗದ ಫೈನಲ್‌ನಲ್ಲಿ ಶೈನಾ 21–10, 21–12 ರಲ್ಲಿ ಅವನಿ ವಿಕ್ರಮ್‌ ವಿರುದ್ಧ ಗೆದ್ದರು. ಕರ್ನಾಟಕದ ಆಟಗಾರ್ತಿ ಎರಡೂ ಗೇಮ್‌ಗಳಲ್ಲಿ ಪೂರ್ಣ ಪ್ರಭುತ್ವ ಸಾಧಿಸಿದರು.