ಪ್ರಸಾದ್ ರಾವ್ ಮಿಲಿಯನ್ ಟ್ರೋಫಿ ಅನಾವರಣ
ಬೆಂಗಳೂರು: ಶುಕ್ರವಾರ ಬೆಂಗಳೂರು ಟರ್ಫ್ ಕ್ಲಬ್‌ನಲ್ಲಿ ನಡೆಯಲಿರುವ ಸಿ.ವಿ. ಪ್ರಸಾದ್ ರಾವ್ ಮಿಲಿಯನ್ ಟ್ರೋಫಿಯನ್ನು ಬುಧವಾರ ಅನಾವರಣಗೊಳಿಸಲಾಯಿತು. ಈ ರೇಸ್ ಶುಕ್ರವಾರ ನಡೆಯಲಿದೆ.
ಬಿ.ಟಿ.ಸಿ ಮತ್ತು ಸಿ.ವಿ.ಪ್ರಸಾದ್ ರಾವ್ ಜಂಟಿ ಆಶ್ರಯದಲ್ಲಿ ಏರ್ಪಡಿಸಲಾಗಿರುವ ಈ ರೇಸ್‌ನ ಒಟ್ಟು ಬಹುಮಾನದ ಮೊತ್ತ ₹10 ಲಕ್ಷ. ಇಲ್ಲಿ ಗೆಲ್ಲುವ ಕುದುರೆ ಮಾಲೀಕರಿಗೆ ₹50 ಸಾವಿರ ಮೌಲ್ಯದ ಟ್ರೋಫಿಯೊಂದಿಗೆ ಸುಮಾರು ₹5 ಲಕ್ಷ ನಗದು ದೊರೆಯಲಿವೆ. ರೇಸ್‌ನಲ್ಲಿ ಹತ್ತು ಕುದುರೆಗಳು ಭಾಗವಹಿಸಲಿವೆ.
‘ಕುದುರೆಗಳ ಮೇಲಿನ ಪ್ರೀತಿ ಹಾಗೂ ರೇಸ್ ಮೇಲಿನ ಉತ್ಸಾಹ ಈ ರೇಸ್‌ಗೆ ಪ್ರಾಯೋಜಕತ್ವ ನೀಡಲು ಪ್ರೇರಣೆಯಾಗಿದೆ. ಇನ್ನು ಮುಂದೆ ಪ್ರತಿವರ್ಷ ಇಂತಹ ಒಂದು ರೇಸ್ ಪ್ರಾಯೋಜಿಸಲು ಉತ್ಸುಕನಾಗಿದ್ದೇನೆ ಮತ್ತು ಇದಕ್ಕೆ ಅವಕಾಶ ಕಲ್ಪಿಸಿ ಕೊಟ್ಟ ಬಿ.ಟಿ.ಸಿಗೆ ಧನ್ಯವಾದ ಸಲ್ಲಿಸುತ್ತೇನೆ’ ಎಂದು ಸುದ್ದಿಗೋಷ್ಠಿಯಲ್ಲಿ ಸಿ.ವಿ. ಪ್ರಸಾದ್ ರಾವ್ ಹೇಳಿದರು.
ಈ ಸಂದರ್ಭದಲ್ಲಿ ರೇಸ್ ನ ಡ್ರಾ ಕೂಡ ನಡೆಸಲಾಯಿತು.
ಬಿ.ಟಿ.ಸಿ. ಅಧ್ಯಕ್ಷ ಅರವಿಂದ್ ರಾಘವನ್ ಹಾಜರಿದ್ದರು.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.