ಬ್ಯಾಸ್ಕೆಟ್‌ಬಾಲ್‌ ಟೂರ್ನಿ: ಯಂಗ್‌ ಓರಿಯನ್ಸ್‌ ತಂಡಗಳಿಗೆ ಜಯ
ಬೆಂಗಳೂರು: ಯಂಗ್‌ ಓರಿಯನ್ಸ್‌ ತಂಡಗಳು ಮಂಗಳವಾರ ಎಸ್‌ಎಸಿ ಕಪ್‌ಗಾಗಿ ರಾಜ್ಯ ಆಹ್ವಾನಿತ ಬ್ಯಾಸ್ಕೆಟ್‌ಬಾಲ್‌ ಟೂರ್ನಿಯಲ್ಲಿ ಪುರುಷರ ಮತ್ತು ಮಹಿಳೆಯರ ವಿಭಾಗದ ಲೀಗ್‌ ಪಂದ್ಯಗಳಲ್ಲಿ ಜಯ ಸಾಧಿಸಿದವು.
ವಿವೇಕ್ಸ್‌ ಬ್ಯಾಸ್ಕೆಟ್‌ಬಾಲ್‌ ಕ್ಲಬ್‌ ಆಶ್ರಯದಲ್ಲಿ ಜಾಲಹಳ್ಳಿಯ ಸೇಂಟ್ ಕ್ಲಾರೆಟ್ ಪದವಿಪೂರ್ವ ಕಾಲೇಜು ಮೈದಾನದಲ್ಲಿ ನಡೆದ ಪುರುಷರ ಪಂದ್ಯದಲ್ಲಿ ಯಂಗ್‌ ಓರಿಯನ್ಸ್‌ ತಂಡವು 74–53ರಿಂದ ಭಾರತ್ ತಂಡವನ್ನು ಮಣಿಸಿತು. ಓರಿಯನ್ಸ್‌ನ ಆರೋನ್‌ 25 ಅಂಕ ಗಳಿಸಿದರೆ, ಭಾರತ್ ತಂಡದ ವಿನುಷ್‌ 20 ಪಾಯಿಂಟ್ಸ್‌ ಕಲೆ ಹಾಕಿದರು. ಮಹಿಳೆಯರ ಪಂದ್ಯದಲ್ಲಿ ಓರಿಯನ್ಸ್‌ ತಂಡವು 23–6ರಿಂದ ಆತಿಥೇಯ ವಿವೇಕ್ಸ್‌ ತಂಡವನ್ನು ಮಣಿಸಿತು.
ಲೀಗ್‌ ಪಂದ್ಯಗಳ ಫಲಿತಾಂಶಗಳು:
ಪುರುಷರು: ಬ್ಯಾಂಕ್‌ ಆಫ್‌ ಬರೋಡಾ 87–39ರಿಂದ ವಿವೇಕ್ಸ್‌ ವಿರುದ್ಧ; ಯಂಗ್‌ ಓರಿಯನ್ಸ್‌ 74–53ರಿಂದ ಭಾರತ್ ವಿರುದ್ಧ; ಜೆಎಸ್‌ಸಿ 79–55 ಮಂಗಳೂರು ಬ್ಯಾಸ್ಕೆಟ್‌ಬಾಲ್‌ ಕ್ಲಬ್‌ ವಿರುದ್ಧ; ಕೆಎಸ್‌ಪಿ 62–49ರಿಂದ ಎಂಸಿಎಚ್‌ಎಸ್‌ ವಿರುದ್ಧ ಜಯ ಸಾಧಿಸಿತು.
ಮಹಿಳೆಯರು: ಡಿವೈಇಎಸ್‌ ಮೈಸೂರು 50–34ರಿಂದ ಸದರ್ನ್‌ ಬ್ಲೂಸ್‌ ಎದುರು; ಬೀಗಲ್ಸ್‌ 54–47 ಬೆಂಗಳೂರು ವ್ಯಾನ್ಗಾರ್ಡ್ಸ್ ಎದುರು; ಯಂಗ್‌ ಓರಿಯನ್ಸ್‌ 23–6ರಿಂದ ವಿವೇಕ್ಸ್‌ ಎದುರು ಗೆಲುವು ಸಾಧಿಸಿತು.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.