26ರಂದು ‘ಬೆಂಗಳೂರು ಚಳಿಗಾಲದ ಡರ್ಬಿ’
ಬೆಂಗಳೂರು: ಇಲ್ಲಿನ ರೇಸ್‌ಕೋರ್ಸ್ ಅಂಗಳದಲ್ಲಿ ಪ್ರತಿಷ್ಠಿತ ‘ದಿ ವಿನ್‌ಫೇರ್‌247 ಬೆಂಗಳೂರು ಡರ್ಬಿ’ ಶುಕ್ರವಾರ (ಜ.26) ನಡೆಯಲಿದ್ದು, 10 ಕುದುರೆಗಳು ಪೈಪೋಟಿ ನಡೆಸಲಿವೆ.
‘51ನೇ ಆವೃತ್ತಿಯ ಚಳಿಗಾಲದ ಡರ್ಬಿಯು ಒಟ್ಟು ₹1.70 ಕೋಟಿ ಬಹುಮಾನ ಮೊತ್ತವನ್ನು ಒಳಗೊಂಡಿರಲಿದೆ. ವಿಜೇತ ಕುದುರೆಯು ತನ್ನ ಮಾಲೀಕನಿಗೆ ₹ 83.72 ಲಕ್ಷ ದೊರಕಿಸಿಕೊಡಲಿದೆ’ ಎಂದು ಬೆಂಗಳೂರು ಟರ್ಫ್‌ ಕ್ಲಬ್‌ (ಬಿಟಿಸಿ) ಅಧ್ಯಕ್ಷ ಮತ್ತು ಸೀನಿಯರ್‌ ಸ್ಟೀವರ್ಡ್‌ ಅರವಿಂದ್ ರಾಘವನ್‌ ಸುದ್ದಿಗೋಷ್ಠಿಯಲ್ಲಿ ಮಾಹಿತಿ ನೀಡಿದರು.
ವಿನ್‌ಫೇರ್‌247 ಪ್ರಾಯೋಜಕತ್ವ: ಆನ್‌ಲೈನ್‌ ಗೇಮಿಂಗ್ ಆ್ಯಪ್ ಮತ್ತು ಈ ಗೇಮಿಂಗ್ ಬ್ರಾಂಡ್‌ ‘ವಿನ್‌ಫೇರ್‌ 247’ ಈ ರೇಸ್‌ನ ಪ್ರಾಯೋಜಕತ್ವ ಪಡೆದಿದೆ. ಶುಕ್ರವಾರ ಚಳಿಗಾಲದ ಡರ್ಬಿಯ ‘ಟೈಟಲ್‌ ಪ್ರಾಯೋಜಕತ್ವ’ವನ್ನೂ ವಿನ್‌ಫೇರ್‌
ತನ್ನದಾಗಿಸಿಕೊಂಡಿದೆ ಎಂದು ಅರವಿಂದ್ ತಿಳಿಸಿದರು.
ಇದೇ ವೇಳೆ ಟ್ರೋಫಿಗಳನ್ನು ಅನಾವರಣ ಮಾಡಲಾಯಿತು. ಬಳಿಕ ಡರ್ಬಿ ಕುದುರೆಗಳ ‘ಡ್ರಾ’ ಸಂಖ್ಯೆ ನಿಗದಿಪಡಿಸಲಾಯಿತು.
ಡರ್ಬಿಯಲ್ಲಿ ಪಾಲ್ಗೊಳ್ಳುವ ಕುದುರೆಗಳು ಹಾಗೂ ಡ್ರಾ ಸಂಖ್ಯೆ: 1.ಪ್ರಾಣ (4), 2. ರೂಲಿಂಗ್‌ ಡೈನಾಸ್ಟಿ (9), 3.ಸಾಯ್ಗಾನ್‌ (7), 4.ಆಗಸ್ಟ್‌ (3), 5.ಫಾಸ್ಟ್‌ ಪೇಸ್‌ (1), 6.ಜಮಾರಿ (6), 7.ಮೇಡಮ್‌ ರಿಚ್‌ (10), 8.ಸ್ನೋಪಿಯರ್ಸರ್‌ (5), 9.ಸಂಥಿಂಗ್‌ ರಾಯಲ್‌ (2), 10. ಟೆಹಾನಿ (8).
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.