ಬಿಲಿಯರ್ಡ್ಸ್: ಭಾಸ್ಕರ್‌ ಚಾಂಪಿಯನ್‌

ಬೆಂಗಳೂರು: ಬಿ.ಭಾಸ್ಕರ್‌ ಇಲ್ಲಿ ಸೋಮವಾರ ನಡೆದ ರಾಜ್ಯ ರ‍್ಯಾಂಕಿಂಗ್‌ ಬಿಲಿಯರ್ಡ್ಸ್ ಮತ್ತು ಸ್ನೂಕರ್ ಟೂರ್ನಿಯ‌ ಸೀನಿಯರ್‌ ಪುರುಷರ ಬಿಲಿಯರ್ಡ್ಸ್‌ ಫೈನಲ್‌ನಲ್ಲಿ 4–0 ಯಿಂದ ಎಂ.ಎಲ್‌. ಲಕ್ಷ್ಮಣ್‌ ಅವರನ್ನು ಮಣಿಸಿ ಪ್ರಶಸ್ತಿಯನ್ನು ಮುಡಿಗೇರಿಸಿಕೊಂಡರು.

ಕರ್ನಾಟಕ ರಾಜ್ಯ ಬಿಲಿಯರ್ಡ್ಸ್ ಸಂಸ್ಥೆಯಲ್ಲಿ ನಡೆದ ಟೂರ್ನಿಯಲ್ಲಿ ಡಿ.ರಾಜ್‌ಕುಮಾರ್ ಮೂರನೇ ಸ್ಥಾನ ಪಡೆದರು. ಐ.ಎಚ್‌. ಮನುದೇವ್‌ ನಾಲ್ಕನೇ ಸ್ಥಾನ ಗಳಿಸಿದರು.