ಬಿಲಿಯರ್ಡ್ಸ್: ಪಂಕಜ್‌ ಅಡ್ವಾಣಿಗೆ ಸಿಂಗಪುರ ಓಪನ್‌ ಕಿರೀಟ

ನವದೆಹಲಿ: ಭಾರತದ ಬಿಲಿಯರ್ಡ್ಸ್ ತಾರೆ ಪಂಕಜ್ ಅಡ್ವಾಣಿ ಭಾನುವಾರ ನಡೆದ ಸೋಂಘೆ ಸಿಂಗಪುರ ಓಪನ್ ಪ್ರಶಸ್ತಿಯನ್ನು ಮುಡಿಗೇರಿಸಿಕೊಂಡರು.

ಸಿಂಗಪುರದ ಲಗೂನ್ ಬಿಲಿಯರ್ಡ್ಸ್ ರೂಮ್‌ನಲ್ಲಿ ನಡೆದ ಫೈನಲ್‌ ಪಂದ್ಯದಲ್ಲಿ ಪಂಕಜ್ 5-1 ಅಂತರದಿಂದ ಸ್ಥಳೀಯ ನೆಚ್ಚಿನ ಆಟಗಾರ ಜೇಡನ್ ಒಂಗ್ ಅವರನ್ನು ಸೋಲಿಸಿದರು.

ಅಡ್ವಾಣಿ ಕ್ವಾರ್ಟರ್‌ ಫೈನಲ್‌ ರೋಚಕ ಹಣಾಹಣಿಯಲ್ಲಿ 4–3 ಅಂತರದಿಂದ ಐಬಿಎಸ್ಎಫ್‌ ವಿಶ್ವ ಸ್ನೂಕರ್ ಮಾಜಿ ಚಾಂಪಿಯನ್, ಥಾಯ್ಲೆಂಡ್‌ನ ಡೆಚಾವತ್ ಪೂಮ್‌ಜೆಂಗ್ ಅವರಿಗೆ ಆಘಾತ ನೀಡಿದ್ದರು.