ಡಕಾರ್ ರ‍್ಯಾಲಿ: ಅಫಘಾತದಲ್ಲಿ ಗಾಯಗೊಂಡಿದ್ದ ರೇಸರ್ ಸಾವು
Published 15 ಜನವರಿ 2021, 12:39 IST
ಡಕಾರ್ ರ‍್ಯಾಲಿಯಲ್ಲಿ ಪಿಯರ್ ಚೆರ್ಪಿನ್
ಜೆಡ್ಡಾ, ಸೌದಿ ಅರೇಬಿಯಾ: ಡಕಾರ್ ರ‍್ಯಾಲಿಯ ವೇಳೆ ತೀವ್ರವಾಗಿ ಗಾಯಗೊಂಡಿದ್ದ ಬೈಕ್ ರೇಸರ್ ಪಿಯರ್ ಚೆರ್ಪಿನ್ ಅವರು ಸೌದಿ ಅರೇಬಿಯಾದಿಂದ ಫ್ರಾನ್ಸ್‌ಗೆ ಕರೆದೊಯ್ಯುವ ವಿಮಾನದಲ್ಲಿ ಮಾರ್ಗಮಧ್ಯೆ ಸಾವನ್ನಪ್ಪಿದ್ದಾರೆ ಎಂದು ರ‍್ಯಾಲಿಯ ಸಂಘಟಕರು ಶುಕ್ರವಾರ ತಿಳಿಸಿದ್ದಾರೆ.
52 ವರ್ಷದ ಚೆರ್ಪಿನ್ ಅವರು ನಾಲ್ಕು ದಿನಗಳ ಹಿಂದೆ ರ‍್ಯಾಲಿಯ ಏಳನೇ ಹಂತದಲ್ಲಿ(ಹೈಲ್‌ನಿಂದ ಸಕಾಕ ನಗರದವರೆಗೆ) ಸ್ಪರ್ಧಿಸಿದ್ದಾಗ ಅಪಘಾತ ಸಂಭವಿಸಿ ತಲೆಗೆ ತೀವ್ರ ಪೆಟ್ಟಾಗಿತ್ತು.
‘ಚರ್ಪಿನ್ ಅವರಿಗೆ ಸಕಾಕದಲ್ಲಿ ಶಸ್ತ್ರಚಿಕಿತ್ಸೆ ನಡೆಸಿದ ಬಳಿಕ ಕೋಮಾಕ್ಕೆ ಜಾರಿದ್ದರು. ಆ ಬಳಿಕ ಜೆಡ್ಡಾ ಆಸ್ಪತ್ರೆಗೆ ಕರೆದೊಯ್ಯಲಾಗಿತ್ತು‘ ಎಂದು ಸಂಘಟಕರು ಹೇಳಿದ್ದಾರೆ.
ಚೆರ್ಪಿನ್ ನಾಲ್ಕನೇ ಬಾರಿ ಡಕಾರ್ ರ‍್ಯಾಲಿಯಲ್ಲಿ ಪಾಲ್ಗೊಂಡಿದ್ದರು.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.