ಕಬಡ್ಡಿ: ಬೆಂಗಳೂರು ಬುಲ್ಸ್‌ಗೆ ಜಯ
ಸಂಗ್ರಹ ಚಿತ್ರ
ಚೆನ್ನೈ: ಸಾಂಘಿಕ ಆಟ ಪ್ರದರ್ಶಿಸಿದ ಬೆಂಗಳೂರು ಬುಲ್ಸ್‌ ತಂಡ ಭಾನುವಾರ ನಡೆದ ಪ್ರೊ ಕಬಡ್ಡಿ ಲೀಗ್‌ನ ಪಂದ್ಯದಲ್ಲಿ 33–31ರಿಂದ ತೆಲುಗು ಟೈಟನ್ಸ್‌ ತಂಡವನ್ನು ಮಣಿಸಿತು.
ಮಧ್ಯಂತರದಲ್ಲಿ 16–12ರಿಂದ ಮುನ್ನಡೆಯಲ್ಲಿದ್ದ ಬುಲ್ಸ್‌ ತಂಡಕ್ಕೆ ಟೈಟನ್ಸ್‌ ತಂಡ ಪ್ರಬಲ ಪೈಪೋಟಿ ನೀಡಿತು. ಬೆಂಗಳೂರು ತಂಡದ ಪರ ಸುರ್‌ಜಿತ್‌ ಸಿಂಗ್ ಟ್ಯಾಕಲ್‌ನಲ್ಲೇ 7 ಪಾಯಿಂಟ್ಸ್‌ ಗಳಿಸಿ ಮಿಂಚಿದರು. ಭರತ್‌ 6 ಅಂಕ ಗಳಿಸಿದರೆ, ವಿಕಾಶ ಖಂಡೋಲ ಮತ್ತು ನೀರಜ್ ನರ್ವಾಲ್ ತಲಾ ಐದು ಪಾಯಿಂಟ್ಸ್‌ ಪಡೆದರು. ಟೈಟನ್ಸ ಪರ ನಾಯಕ ಪವನ್ ಪವನ್ ಸೆಹ್ರಾವತ್ 13 ಅಂಕ ಗಳಿಸಿದರು.
ಆಡಿರುವ ಎಂಟು ಪಂದ್ಯಗಳಲ್ಲಿ ಮೂರರಲ್ಲಿ ಗೆದ್ದು, 19 ಅಂಕಗಳೊಂದಿಗೆ ಬುಲ್ಸ್‌ ಪಾಯಿಂಟ್‌ ಪಟ್ಟಿಯಲ್ಲಿ ಏಳನೇ ಸ್ಥಾನಕ್ಕೆ ಏರಿದರು.
ಮತ್ತೊಂದು ಪಂದ್ಯದಲ್ಲಿ ಯು ಮುಂಬಾ ತಂಡವು 39–37ರಿಂದ ಬೆಂಗಾಲ್‌ ವಾರಿಯರ್ಸ್‌ ತಂಡವನ್ನು ಮಣಿಸಿತು. ಬೆಂಗಾಲ್‌ ಪರ ಮಣಿಂದರ್ ಸಿಂಗ್ (11) ಸೂಪರ್‌ 10 ಸಾಧನೆ ಮಾಡಿದರು
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.