400 ಮೀಟರ್ ಓಟ: ಕಿರಣ್‌ಗೆ ಒಲಿಂಪಿಕ್ಸ್‌ ಟಿಕೆಟ್

ಪಂಚಕುಲ (ಹರಿಯಾಣ): ಹರಿಯಾಣದ ಕಿರಣ್ ಪಹಲ್ ಇಲ್ಲಿ ನಡೆಯುತ್ತಿರುವ ರಾಷ್ಟ್ರೀಯ ಅಂತರ್ ರಾಜ್ಯ ಅಥ್ಲೆಟಿಕ್ಸ್ ಚಾಂಪಿಯನ್‌ಷಿಪ್‌ನ ಮಹಿಳೆಯರ 400 ಮೀಟರ್ ಓಟದಲ್ಲಿ 50.92 ಸೆಕೆಂಡುಗಳಲ್ಲಿ ಗುರಿ ತಲುಪಿ ಪ್ಯಾರಿಸ್ ಒಲಿಂಪಿಕ್ಸ್ ಗೆ ಅರ್ಹತೆ ಪಡೆದಿದ್ದಾರೆ.

ಮಹಿಳೆಯರ 400 ಮೀಟರ್ ಓಟದಲ್ಲಿ ಅರ್ಹತಾ ಮಾನದಂಡವನ್ನು 50.95 ಸೆಕೆಂಡುಗಳಿಗೆ ನಿಗದಿ ಪಡಿಸಲಾಗಿತ್ತು. ಪ್ರಸಕ್ತ ಋತುವಿನಲ್ಲಿ ಇದು ಕಿರಣ್‌ ಅವರ ಅತ್ಯುತಮ ಸಾಧನೆಯಾಗಿದೆ.  

ಗುಜರಾತ್‌ನ ದೇವಿ ಅನಿಬಾ ಝಾಲಾ (53.44 ಸೆಕೆಂಡ್) ಎರಡನೇ ಸ್ಥಾನ ಪಡೆದರೆ, ಕೇರಳದ ಸ್ನೇಹಾ ಕೆ (53.51 ಸೆಕೆಂಡ್) ಮೂರನೇ ಸ್ಥಾನ ಪಡೆದರು.