ಎನ್‌ಬಿಎನಲ್ಲಿ ಅಪ್ಪ–ಮಗನ ಆಟ: ಇತಿಹಾಸ ಬರೆದ ಲೆಬ್ರಾನ್, ಬ್ರೋನಿ

ಲಾಸ್ ಏಂಜಲೀಸ್, ಅಮೆರಿಕ: ಬ್ಯಾಸ್ಕೆಟ್‌ಬಾಲ್ ದಂತಕತೆ ಲೆಬ್ರಾನ್ ಜೇಮ್ಸ್ ಮತ್ತು ಅವರ ಮಗ ಬ್ರೋನಿ ಜೇಮ್ಸ್ ಅವರು ಮಂಗಳವಾರ ಕಣಕ್ಕಿಳಿಯುವ ಮೂಲಕ ಚಾರಿತ್ರಿಕ ಸಾಧನೆ ಮಾಡಿದರು. ಎನ್‌ಬಿಎ ಇತಿಹಾಸದಲ್ಲಿ ಆಡಿದ ಮೊದಲ ಅಪ್ಪ, ಮಗನ ಜೋಡಿ ಇದಾಯಿತು.

ಅಪ್ಪ, ಮಗ ಇಬ್ಬರೂ ಲಾಸ್‌ ಏಂಜಲೀಸ್ ಲೇಕರ್ಸ್ ತಂಡದಲ್ಲಿ ಸ್ಥಾನ ಪಡೆದಿದ್ದಾರೆ. 

ಎನ್‌ಬಿಎ ಪಂದ್ಯದಲ್ಲಿ ಲೇಕರ್ಸ್ ತಂಡವು 110–103 ರಿಂದ ಮಿನೆಸೊಟಾ ಟಿಂಬರ್‌ವೋಲ್ವಸ್‌ ವಿರುದ್ಧ ಜಯಗಳಿಸಿತು.