ವಿಶ್ವ ಮಹಿಳಾ ಬಾಕ್ಸಿಂಗ್‌ ಚಾಂಪಿಯನ್‌ಷಿಪ್ | ನಿಖತ್, ನೀತು ಫೈನಲ್‌ಗೆ ಲಗ್ಗೆ

ನವದೆಹಲಿ: ವಿಶ್ವ ಮಹಿಳಾ ಬಾಕ್ಸಿಂಗ್‌ ಚಾಂಪಿಯನ್‌ಷಿಪ್‌ನಲ್ಲಿ ಭಾರತದ ನಿಖತ್ ಜರೀನ್ ಮತ್ತು ನೀತು ಗಂಗಾಸ್‌ ಫೈನಲ್‌ಗೆ ಪ್ರವೇಶಿಸಿದ್ದಾರೆ.

ಮಹಿಳೆಯರ 50 ಕೆ.ಜಿ ವಿಭಾಗದಲ್ಲಿ ನಿಖತ್ ಮತ್ತು 48 ಕೆ.ಜಿ ವಿಭಾಗದಲ್ಲಿ ನೀತು ಪ್ರಶಸ್ತಿ ಸುತ್ತು ತಲುಪಿದ್ದಾರೆ.

ರಿಯೊ ಒಲಿಂಪಿಕ್ಸ್ ಬೆಳ್ಳಿ ಪದಕ ವಿಜೇತೆ ಕೊಲಂಬಿಯಾದ ಇಂಗ್ರಿಟೆ ವಲೆನ್ಸಿಯಾ ವಿರುದ್ಧ ನಿಖತ್ 5-0 ಅಂತರದ ಗೆಲುವು ದಾಖಲಿಸಿದರು.

ಮತ್ತೊಂದೆಡೆ ನೀತು ಅವರು 5-2ರ ಅಂತರದಲ್ಲಿ ಕಜಕಿಸ್ತಾನದ ಅಲುವ ಬಲ್ಕಿಬೆಕೋವಾ ವಿರುದ್ಧ ಗೆಲುವು ಸಾಧಿಸಿದರು.