ಪ್ರೊ ಕಬಡ್ಡಿ: ಪಟ್ನಾ ಪೈರೇಟ್ಸ್‌ಗೆ ಜಯ

ನೊಯ್ಡಾ (ಪಿಟಿಐ): ದೇವಾಂಕ್ ದಲಾಲ್ ಮತ್ತು ಅಯಾನ್ ಲೋಚಬ್ ಅವರ ರೇಡಿಂಗ್‌ ಬಲದಿಂದ ಪಟ್ನಾ ಪೈರೇಟ್ಸ್‌ ಶುಕ್ರವಾರ ಪ್ರೊ ಕಬಡ್ಡಿ ಲೀಗ್‌ನ ಪಂದ್ಯದಲ್ಲಿ 52–31ರಿಂದ ಬೆಂಗಾಲ್‌ ವಾರಿಯರ್ಸ್‌ ತಂಡವನ್ನು ಮಣಿಸಿತು.

ದೇವಾಂಕ್‌ 15 ಅಂಕ ಗಳಿಸಿದರೆ, ಅಯಾನ್‌ 11 ಪಾಯಿಂಟ್ಸ್‌ ಗಳಿಸಿ ಗೆಲುವಿನ ರೂವಾರಿಯಾದರು. ವಾರಿಯರ್ಸ್‌ ಪರ ನಿತಿನ್‌ ಕುಮಾರ್‌ (11) ಏಕಾಂಗಿ ಹೋರಾಟ ನಡೆಸಿದರು.

ಮತ್ತೊಂದು ಪಂದ್ಯದಲ್ಲಿ ಜೈಪುರ ಪಿಂಕ್‌ ಪ್ಯಾಂಥರ್ಸ್ 32–24ರಿಂದ ಗುಜರಾತ್‌ ಜೈಂಟ್ಸ್‌ ತಂಡವನ್ನು ಮಣಿಸಿತು.