ಪ್ರೊ ಕಬಡ್ಡಿ: ಪಿಂಕ್‌ ಪ್ಯಾಂಥರ್ಸ್‌ ವಿರುದ್ಧ ಗೆಲುವು ಸಾಧಿಸಿದ ಪೈರೇಟ್ಸ್‌

ಹೈದರಾಬಾದ್‌: ರೇಡರ್‌ಗಳ ಅಬ್ಬರಕ್ಕೆ ಸಾಕ್ಷಿಯಾದ ಹೈವೋಲ್ಟೇಜ್‌ ಹಣಾಹಣಿಯಲ್ಲಿ ಮೂರು ಬಾರಿಯ ಚಾಂಪಿಯನ್ಸ್‌ ಪಟನಾ ಪೈರೇಟ್ಸ್‌ ತಂಡ ಎರಡು ಅಂಕಗಳಿಂದ ಜೈಪುರ ಪಿಂಕ್‌ ಪ್ಯಾಂಥರ್ಸ್‌ ತಂಡದ ವಿರುದ್ಧ ಎರಡು ಅಂಕಗಳ ರೋಚಕ ಗೆಲುವು ದಾಖಲಿಸಿತು.

ಗಚ್ಚಿಬೌಲಿ ಒಳಾಂಗಣ ಕ್ರೀಡಾಂಗಣದಲ್ಲಿ ಶುಕ್ರವಾರ ನಡೆದ ಈ ಪ್ರೊ ಕಬಡ್ಡಿ ಲೀಗ್‌ ಪಂದ್ಯದಲ್ಲಿ ಪಟನಾ 43- 41 ಅಂಕಗಳಿಂದ ಜೈಪುರ ತಂಡಕ್ಕೆ ಆಘಾತ ನೀಡಿತು. ಇದರೊಂದಿಗೆ ಟೂರ್ನಿಯಲ್ಲಿ ಶುಭಂ ಶಿಂದೆ ನೇತೃತ್ವದ ಪಟನಾ ನಾಲ್ಕನೇ ಜಯ ದಾಖಲಿಸಿತು.

ನಾಯಕ ಅರ್ಜುನ್ ದೇಸ್ವಾಲ್ (20 ಅಂಕ) ಅವರ ರೈಡಿಂಗ್ ಪರಾಕ್ರಮ ಜೈಪುರ ತಂಡಕ್ಕೆ ಗೆಲುವು ತಂದುಕೊಡಲು ಸಾಧ್ಯವಾಗಲಿಲ್ಲ. ದಿನದ ಮತ್ತೊಂದು ಪಂದ್ಯದಲ್ಲಿ ಡೆಲ್ಲಿ ದಬಾಂಗ್‌ 39–26ರಿಂದ ತಮಿಳು ತಲೈವಾಸ್‌ ತಂಡವನ್ನು ಮಣಿಸಿತು.