ಪ್ರೊ ಕಬಡ್ಡಿ: ಯೋಧಾಸ್‌ಗೆ ಜಯ

ನೊಯ್ಡಾ: ಕನ್ನಡಿಗ ಗಗನ್ ಗೌಡ (11) ಮತ್ತು ಭವಾನಿ ರಜಪೂತ್ (10) ಅವರ ಸೂಪರ್‌ ಟೆನ್‌ ಸಾಹಸದಿಂದ ಯು.ಪಿ ಯೋಧಾಸ್ ತಂಡ, ಪ್ರೊ ಕಬಡ್ಡಿ ಲೀಗ್‌ನ ತೀವ್ರ ಹೋರಾಟದ ಪಂದ್ಯದಲ್ಲಿ ಪಟ್ನಾ ಪೈರೇಟ್ಸ್ ತಂಡವನ್ನು 44–42 ಅಂಕಗಳಿಂದ ಸೋಲಿಸಿತು.

ಭಾನುವಾರ ನಡೆದ ಈ ಪಂದ್ಯದಲ್ಲಿ ಪಟ್ನಾದ ರೇಡರ್‌ಗಳಾದ ದೇವಾಂಕ್ (18) ಮತ್ತು ಅಯಾನ್ (10) ಉತ್ತಮ ಪ್ರದರ್ಶನ ನೀಡಿದರೂ ಅದರು ಗೆಲುವಿಗೆ ಸಾಲಲಿಲ್ಲ.

ದಿನದ ಮೊದಲ ಪಂದ್ಯದಲ್ಲಿ ಪುಣೇರಿ ಪಲ್ಟನ್‌ 51–34 ಪಾಯಿಂಟ್‌ಗಳಿಂದ ಬೆಂಗಾಲ್‌ ವಾರಿಯರ್ಸ್ ತಂಡವನ್ನು ಸುಲಭವಾಗಿ ಸೋಲಿಸಿತು. ವಿಜೇತ ತಂಡದ ಪರ ಆಕಾಶ್‌ ಶಿಂದೆ ಮತ್ತು ಮೋಹಿತ್‌ ಗೋಯತ್ (ತಲಾ 9) ಮತ್ತು ವಾರಿಯರ್ಸ್‌ ಪರ ನಿತಿನ್ ಕುಮಾರ್ (13) ಉತ್ತಮವಾಗಿ ಆಡಿದರು.