ಜೂನಿಯರ್‌ ಹಾಕಿ: ಪಂಜಾಬ್‌ಗೆ ಪ್ರಶಸ್ತಿ

ಜಲಂಧರ್‌: ಪೆನಾಲ್ಟಿ ಶೂಟೌಟ್‌ನಲ್ಲಿ ಉತ್ತರ ಪ್ರದೇಶವನ್ನು ಮಣಿಸಿದ ಪಂಜಾಬ್‌ ತಂಡವು ಗುರುವಾರ ಹಾಕಿ ಇಂಡಿಯಾ ಜೂನಿಯರ್‌ ಬಾಲಕರ ರಾಷ್ಟ್ರೀಯ ಚಾಂಪಿಯನ್‌ಷಿಪ್‌ನ ಪ್ರಶಸ್ತಿಯನ್ನು ಗೆದ್ದುಕೊಂಡಿತು.

ಇಲ್ಲಿ ನಡೆದ ಫೈನಲ್‌ನ ಪಂದ್ಯವು ನಿಗದಿತ ಅವಧಿಯಲ್ಲಿ ತಲಾ ಮೂರು ಗೋಲುಗಳೊಂದಿಗೆ ಸಮಬಲ ಕಂಡಿತು. ಪಂಜಾಬ್ ಪರ ಸುಖ್ವಿಂದರ್ ಸಿಂಗ್ (5ನೇ ನಿಮಿಷ), ಜರ್ಮನ್ ಸಿಂಗ್ (33ನೇ), ಮತ್ತು ಜೋಬನ್‌ಪ್ರೀತ್ ಸಿಂಗ್ (39ನೇ) ಗೋಲು ಗಳಿಸಿದರೆ, ಉತ್ತರ ಪ್ರದೇಶದ ಪರ ಅಜಿತ್ ಯಾದವ್ (31ನೇ), ಸೂರಜ್ ಪಾಲ್ (48ನೇ) ), ಮತ್ತು ಆಕಾಶ್ ಪಾಲ್ (54ನೇ) ಚೆಂಡನ್ನು ಗುರಿ ಸೇರಿಸಿದರು. ನಂತರ ನಡೆದ ಪೆನಾಲ್ಟಿ ಶೂಟೌಟ್‌ನಲ್ಲಿ 4–3ರಿಂದ ಪಂಜಾಬ್‌ ಮೇಲುಗೈ ಸಾಧಿಸಿತು.

ಮೂರನೇ ಸ್ಥಾನಕ್ಕಾಗಿ ನಡೆದ ಪಂದ್ಯದಲ್ಲಿ ಹರಿಯಾಣ ತಂಡವು 5–0ಯಿಂದ ಕರ್ನಾಟಕ ತಂಡವನ್ನು ಸುಲಭವಾಗಿ ಮಣಿಸಿತು. ಅಮಿತ್ ಖಾಸಾ (30ನೇ), ನವರಾಜ್ ಸಿಂಗ್ (50ನೇ), ನಿತಿನ್ (54ನೇ), ಮನೀಶ್ ಕುಮಾರ್ (55ನೇ) ಮತ್ತು ಸಾಹಿಲ್ ರುಹಾಲ್ (59ನೇ) ಗೋಲು ಗಳಿಸಿದರು. ಕರ್ನಾಟಕ ನಾಲ್ಕನೇ ಸ್ಥಾನ ಪಡೆಯಿತು.