ಪ್ರೊ ಕಬಡ್ಡಿ ಲೀಗ್: ಹೋರಾಡಿ ಸೋತ ಬುಲ್ಸ್‌

ನೊಯ್ಡಾ: ಕೊನೆಗಳಿಗೆಯಲ್ಲಿ ಒತ್ತಡ ಅನುಭವಿಸಿದರೂ ಯು–ಮುಂಬಾ ತಂಡ, ರೋಚಕವಾದ ಪ್ರೊ ಕಬಡ್ಡಿ ಲೀಗ್ ಪಂದ್ಯದಲ್ಲಿ ಸೋಮವಾರ ಬೆಂಗಳೂರು ಬುಲ್ಸ್‌ ಮೇಲೆ 34–32 ಪಾಯಿಂಟ್‌ಗಳಿಂದ ಜಯಗಳಿಸಿತು. ವಿರಾಮದ ವೇಳೆ ವಿಜೇತರು 10 (18–10) ಪಾಯಿಂಟ್‌ಗಳಿಂದ ಮುಂದಿದ್ದರು.

ಮುಂಬಾ ಪರ ಮಂಜಿತ್ (8) ಮತ್ತು ಅಜಿತ್ (7) ಮತ್ತು ಬುಲ್ಸ್‌ ಪರ ಸುಶೀಲ್ (8) ಮತ್ತು ಪ್ರದೀಪ್ ನರ್ವಾಲ್ (6) ಬುಲ್ಸ್ ಪ್ರತಿಹೋರಾಟಕ್ಕೆ ನೆರವಾದರು.

‘ರೇಡ್‌ ಮಷೀನ್‌’ ಖ್ಯಾತಿ ಹೊಂದಿರುವ ಅರ್ಜುನ್‌ ದೇಸ್ವಾಲ್ ಅವರ 16 ಅಂಕಗಳ ನೆರವಿನಿಂದ ಜೈಪುರ ಪಿಂಕ್‌ ಪ್ಯಾಂಥರ್ಸ್‌ ತಂಡ, ಇನ್ನೊಂದು ಪಂದ್ಯದಲ್ಲಿ ಹಾಲಿ ಚಾಂಪಿಯನ್‌ ಪುಣೇರಿ ಪಲ್ಟನ್ ಮೇಲೆ 37–23 ಅಂಕಗಳ ಸುಲಭ ಜಯ ಸಾಧಿಸಿತು. ಜೈಪುರ ತಂಡ ಸೀಸನ್‌ 11ರಲ್ಲಿ ಎರಡನೆ ಬಾರಿ ಪುಣೇರಿ ತಂಡವನ್ನು ಮಣಿಸಿದಂತಾಯಿತು.