ಪ್ರಣೀತ್‌ಗೆ ಕೋವಿಡ್: ಇಂಡಿಯನ್ ಓಪನ್ ಸೂಪರ್‌ 500 ಟೂರ್ನಿಯಿಂದ ಹೊರಗೆ
Published 10 ಜನವರಿ 2022, 4:14 IST
ಬಿ.ಸಾಯ್ ಪ್ರಣೀತ್ –ಎಎಫ್‌ಪಿ ಚಿತ್ರ
ನವದೆಹಲಿ: ಭಾರತದ ಬಿ.ಸಾಯ್ ಪ್ರಣೀತ್ ಅವರಿಗೆ ಕೋವಿಡ್–19 ಇರುವುದ ದೃಢಪಟ್ಟಿದ್ದು ಇಂಡಿಯನ್ ಓಪನ್ ಸೂಪರ್‌ 500 ಟೂರ್ನಿಯಿಂದ ಹೊರಗೆ ಉಳಿಯಲಿದ್ದಾರೆ.ಈ ವಿಷಯವನ್ನು ಭಾನುವಾರ ಅವರೇ ಸ್ಪಷ್ಟಪಡಿಸಿದ್ದಾರೆ. ಟೂರ್ನಿಯಲ್ಲಿ ಅವರು ಆಡುವುದಿಲ್ಲ ಎಂದು ಭಾರತ ಬ್ಯಾಡ್ಮಿಂಟನ್ ಸಂಸ್ಥೆಯ ಪ್ರಧಾನ ಕಾರ್ಯದರ್ಶಿ ಅಜಯ್ ಸಿಂಘಾನಿಯಾ ಕೂಡ ತಿಳಿಸಿದ್ದಾರೆ.
ಧ್ರುವ್ ರಾವತ್‌ ಕೂಡ ಸೋಂಕಿಗೆ ಒಳಗಾಗಿದ್ದಾರೆ ಎಂದಿದ್ದಾರೆ.
ಪಿ.ವಿ.ಸಿಂಧು ಮತ್ತು ಕಿದಂಬಿ ಶ್ರೀಕಾಂತ್ ಅವರಿಗೆ ಕ್ರಮವಾಗಿ ಮಹಿಳೆಯರ ಮತ್ತು ಪುರುಷರ ವಿಭಾಗದಲ್ಲಿ ಅಗ್ರ ಶ್ರೇಯಾಂಕ ನೀಡಲಾಗಿದ್ದು ಸಿಂಧು ಈಗಾಗಲೇ ಇಲ್ಲಿಗೆ ಬಂದಿಳಿದಿದ್ದಾರೆ. ಯುವ ಆಟಗಾರ ಲಕ್ಷ್ಯ ಸೇನ್ ಕೂಡ ಬಂದಿದ್ದಾರೆ. ಇದೇ 11ರಂದು ಟೂರ್ನಿ ಆರಂಭವಾಗಲಿದ್ದು ಪ್ರೇಕ್ಷಕರಿಗೆ ಅವಕಾಶವಿಲ್ಲ.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.