ಬ್ಯಾಸ್ಕೆಟ್‌ಬಾಲ್‌: ನೆಟ್ಟಕಲ್ಲಪ್ಪ ತಂಡಗಳಿಗೆ ಜಯ

ಬೆಂಗಳೂರು: ಧನುಷ್‌ (16) ಮತ್ತು ವೈಭವ್‌ (15) ಅವರ ಆಟದ ಬಲದಿಂದ ನೆಟ್ಟಕಲ್ಲಪ್ಪ ಬಿ.ಸಿ ತಂಡವು ಕರ್ನಾಟಕ ರಾಜ್ಯ ಬ್ಯಾಸ್ಕೆಟ್‌ಬಾಲ್‌ ಸಂಸ್ಥೆಯ ಆಶ್ರಯದಲ್ಲಿ ನಡೆಯುತ್ತಿರುವ ರಾಜ್ಯ ಸಬ್‌ ಜೂನಿಯರ್‌ (13 ವರ್ಷದೊಳಗಿನವರ) ಚಾಂಪಿಯನ್‌ಷಿಪ್‌ನ ಬಾಲಕರ ಪಂದ್ಯದಲ್ಲಿ 53–7 ರಿಂದ ಸಿನ್ಸಿನಾಟಿಕ್ಸ್ ಬಿ.ಸಿ ತಂಡವನ್ನು ಸುಲಭವಾಗಿ ಮಣಿಸಿತು.

ಕಂಠೀರವ ಕ್ರೀಡಾಂಗಣದ ಬ್ಯಾಡ್ಮಿಂಟನ್‌ ಅಂಕಣದಲ್ಲಿ ಬುಧವಾರ ನಡೆದ ಪಂದ್ಯದಲ್ಲಿ ಮಧ್ಯಂತರದ ವೇಳೆ 27–3ರಿಂದ ಮುನ್ನಡೆ ಸಾಧಿಸಿದ್ದ ನೆಟ್ಟಕಲ್ಲಪ್ಪ ತಂಡವು ಉತ್ತರಾರ್ಧದಲ್ಲೂ ಪ‍್ರಾಬಲ್ಯ ಮುಂದುವರಿಸಿತು.

ಬಾಲಕಿಯರ ವಿಭಾಗದಲ್ಲಿ  ನೆಟ್ಟಕಲ್ಲಪ್ಪ ತಂಡವು 28–4ರಿಂದ ಧಾರವಾಡ ತಂಡವನ್ನು ಸೋಲಿಸಿತು. ಓಜಸ್ವಿ ಅವರು ನೆಟ್ಟಕಲ್ಲಪ್ಪ ತಂಡಕ್ಕೆ 16 ಪಾಯಿಂಟ್ಸ್‌ ತಂದಿತ್ತರು.

ಫಲಿತಾಂಶ: ಬಾಲಕರು: ವಿಮಾನಪುರ ಎಸ್‌.ಸಿ ತಂಡವು 51–10ರಿಂದ ಅಪ್ಪಯ್ಯ ಬಿ.ಸಿ ವಿರುದ್ಧ; ಭಾರತ್‌ ಎಸ್‌.ಯು ತಂಡವು 57–20ರಿಂದ ಬೆಂಗಳೂರು ಸ್ಪೋರ್ಟಿಂಗ್‌ ವಿರುದ್ಧ; ಬೆಂಗಳೂರು ವ್ಯಾನ್ಗಾರ್ಡ್ಸ್ ತಂಡವು 56–12ರಿಂದ ಪಟ್ಟಾಭಿರಾಮ್‌ ಎಸ್‌.ಸಿ ವಿರುದ್ಧ; ಧಾರವಾಡ ಜಿಲ್ಲಾ ಬಿ ತಂಡವು 40–16ರಿಂದ ಡಿಆರ್‌ಡಿಒ ವಿರುದ್ಧ; ಮೈಸೂರು ಜಿಲ್ಲಾ ಎ ತಂಡವು 66–42ರಿಂದ ಬೀಗಲ್ಸ್‌ ಬಿ.ಸಿ. ವಿರುದ್ಧ ಗೆಲುವು ಸಾಧಿಸಿತು.

ನೆಟ್ಟಕಲ್ಲಪ್ಪ ಬಿ.ಸಿ ತಂಡವು 53–7ರಿಂದ ಸಿನ್ಸಿನಾಟಿಕ್ಸ್ ಬಿ.ಸಿ ವಿರುದ್ಧ; ಜೆಎಸ್‌ಸಿ ತಂಡವು 44–26ರಿಂದ ವಿವೇಕ್ಸ್‌ ಎಸ್‌.ಸಿ ವಿರುದ್ಧ; ಎಂಎನ್‌ಕೆ ರಾವ್‌ ಪಾರ್ಕ್‌ ಬಿ.ಸಿ ತಂಡವು 64–10ರಿಂದ ಧಾರವಾಡ ಜಿಲ್ಲಾ ಎ ವಿರುದ್ಧ; ಎಸ್‌.ಬ್ಲೂ ತಂಡವು 62–20ರಿಂದ ದಾವಣಗೆರೆ ಬಿ.ಸಿ ವಿರುದ್ಧ; ಎಚ್‌ಬಿಆರ್‌ ಬಿ.ಸಿ ತಂಡವು 55–18ರಿಂದ ಹಾಸನ ಜಿಲ್ಲಾ ತಂಡದ ವಿರುದ್ಧ; ಯಲಹಂಕ ನ್ಯೂಟೌನ್‌ ತಂಡವು 42–23ರಿಂದ ಮೈಸೂರು ಜಿಲ್ಲಾ ಬಿ ತಂಡದ ವಿರುದ್ಧ ಜಯ ಸಾಧಿಸಿತು.

ಬಾಲಕಿಯರು: ಎಂಎನ್‌ಕೆ ರಾವ್‌ ಪಾರ್ಕ್‌ ಬಿ.ಸಿ ತಂಡವು 40–34ರಿಂದ ಹಲಸೂರು ಬಿ.ಸಿ. ಎದುರು; ಮೌಂಟ್ಸ್‌ ಕ್ಲಬ್‌ ತಂಡವು 55–19ರಿಂದ ಹೆಬ್ಬಾಳ ಬಿ.ಸಿ ಎದುರು; ಎಂಸಿಎಚ್‌ಎಸ್‌ ತಂಡವು 40–10ರಿಂದ ಓರಿಯನ್ಸ್‌ ಎಸ್‌.ಸಿ ಎದುರು; ನೆಟ್ಟಕಲ್ಲಪ್ಪ ಬಿ.ಸಿ. ತಂಡವು 28–4ರಿಂದ ಧಾರವಾಡ ಜಿಲ್ಲಾ ಬಿ ಎದುರು; ಬೆಂಗಳೂರು ಸ್ಪೋರ್ಟಿಂಗ್‌ ತಂಡವು 43–15ರಿಂದ ದೇವಾಂಗ ಯೂನಿಯನ್‌ ಎದುರು; ಬೆಂಗಳೂರು ವ್ಯಾನ್ಗಾರ್ಡ್ಸ್ ತಂಡವು 34–9ರಿಂದ ಯಲಹಂಕ ನ್ಯೂಟೌನ್‌ ಎದುರು; ರಾಜ್‌ಮಹಲ್‌ ಬಿ.ಸಿ ತಂಡವು 64–17ರಿಂದ ಸಿನ್ಸಿನಾಟಿಕ್ಸ್ ಬಿ.ಸಿ ಎದುರು ಗೆಲುವು ಸಾಧಿಸಿತು.