ಹಾಕಿ: ಭಾರತ ಓಟಕ್ಕೆ ಆಸ್ಟ್ರೇಲಿಯಾ ತಡೆ

ಜೊಹೊರ್ ಬಾರು, ಮಲೇಷ್ಯಾ: ಆಸ್ಟ್ರೇಲಿಯಾ ತಂಡವು ಸುಲ್ತಾನ್ ಆಫ್ ಜೊಹೊರ್ ಕಪ್ ಜೂನಿಯರ್ ಹಾಕಿ ಟೂರ್ನಿಯಲ್ಲಿ ಭಾರತದ ಗೆಲುವಿನ ಓಟಕ್ಕೆ ತಡೆಯೊಡ್ಡಿತು. 

ಬುಧವಾರ ನಡೆದ ಪಂದ್ಯದಲ್ಲಿ ಆಸ್ಟ್ರೇಲಿಯಾ ತಂಡವು 4–0ಯಿಂದ ಭಾರತ ತಂಡವನ್ನು ಮಣಿಸಿತು. 

ಭಾರತ ತಂಡದ ಫಾರ್ವರ್ಡ್ ಆಟಗಾರರು ಆಸ್ಟ್ರೇಲಿಯಾದ ರಕ್ಷಣಾ ಕೋಟೆಯನ್ನು ದಾಟಲು ವಿಫಲವಾಯಿತು. ಡೇಕಿನ್ ಸ್ಟೇಂಜರ್ (33ನಿ, 39ನಿ ಮತ್ತು 53ನಿ) ಗೋಲುಗಳ ಹ್ಯಾಟ್ರಿಕ್ ಸಾಧನೆ ಮಾಡಿದರು. ಪ್ಯಾಟ್ರಿಕ್ ಆ್ಯಂಡ್ರ್ಯೂ (29ನೇ ನಿ) ಒಂದು ಗೋಲು ಗಳಿಸಿದರು. 

ಈ ಸೋಲಿನ ನಂತರವೂ ಭಾರತ ತಂಡವು (9 ಅಂಕ) ಪಾಯಿಂಟ್ ಪಟ್ಟಿಯಲ್ಲಿ ಅಗ್ರಸ್ಥಾನದಲ್ಲಿ ಮುಂದುವರಿಯಿತು. ಆಸ್ಟ್ರೇಲಿಯಾ (7 ಅಂಕ) ತಂಡವು 3ನೇ ಸ್ಥಾನದಲ್ಲಿದೆ. ನ್ಯೂಜಿಲೆಂಡ್ (8) ಎರಡನೇ ಸ್ಥಾನದಲ್ಲಿದೆ.