200 ಮೀ. ಬ್ರೆಸ್ಟ್‌ಸ್ಟ್ರೋಕ್‌: ಕ್ವಿನ್‌ ವಿಶ್ವದಾಖಲೆ

ಫುಕೊವೊಕಾ (ಜಪಾನ್‌): ಚೀನಾದ ಕ್ವಿನ್‌ ಹೈಯಾಂಗ್ ಅವರು ವಿಶ್ವ ಈಜು ಚಾಂಪಿಯನ್‌ಷಿಪ್‌ನ ಪುರುಷರ 200 ಮೀ. ಬ್ರೆಸ್ಟ್‌ಸ್ಟ್ರೋಕ್‌ನಲ್ಲಿ ವಿಶ್ವದಾಖಲೆ ಸಹಿತ ಚಿನ್ನ ಗೆದ್ದರು. ಅವರು ಶುಕ್ರವಾರ ಈ ಸ್ಪರ್ಧೆಯನ್ನು 2ನಿ.05.48 ಸೆ.ಗಳಲ್ಲಿ ಪೂರೈಸಿದರು.

ಕ್ವಿನ್‌ 2022ರಲ್ಲಿ ಆಸ್ಟ್ರೇಲಿಯಾದ ಝಾಕ್ ಸ್ಟಬ್ಲೆಟಿ ಕುಕ್‌ ಅಡಿಲೇಡ್‌ನಲ್ಲಿ ಸ್ಥಾಪಿಸಿದ (2ನಿ.05.95 ಸೆ.) ದಾಖಲೆಯನ್ನು ಮುಳುಗಿಸಿದರು. ಝಾಕ್‌ ಇಲ್ಲಿ 0.92 ಸೆ.ಗಳಿಂದ ಹಿಂದೆಬಿದ್ದು ಬೆಳ್ಳಿ ಪದಕ ಪಡೆದರು. ಅಮೆರಿಕದ ಮ್ಯಾಟ್‌ ಫಾಲೊನ್ ಕಂಚಿನ ಪದಕ ಪಡೆದರು.