ವಿಶ್ವ ಯೂತ್‌ ಅಥ್ಲೆಟಿಕ್ಸ್‌: ಉನ್ನತಿ ಸೇರಿ ರಾಜ್ಯದ ಆರು ಮಂದಿ ಸ್ಪರ್ಧೆ
ವಿಶ್ವ ಅಥ್ಲೆಟಿಕ್ಸ್‌ (20 ವರ್ಷದೊಳಗಿನವರ) ಚಾಂಪಿಯನ್‌ಷಿಪ್‌ನಲ್ಲಿ ಭಾಗವಹಿಸಲಿರುವ ಕರ್ನಾಟಕದ ಅಥ್ಲೀಟ್‌ಗಳಾದ (ಎಡದಿಂದ) ಪಾವನಾ ನಾಗರಾಜ್‌, ರಿಹಾನ್‌ ಸಿ.ಎಚ್‌, ನಿಯೋಲ್ ಕಾರ್ನೆಲಿಯೊ, ಸುದೀಕ್ಷಾ ವಿ, ಶ್ರೇಯಾ ರಾಜೇಶ್‌ ಮತ್ತು ಉನ್ನತಿ ಅಯ್ಯಪ್ಪ
ಬೆಂಗಳೂರು: ಉನ್ನತಿ ಅಯ್ಯಪ್ಪ ಸೇರಿದಂತೆ ಕರ್ನಾಟಕದ ಆರು ಅಥ್ಲೀಟ್‌ಗಳು ಇದೇ 27ರಿಂದ 31ರವರೆಗೆ ಪೆರುನಲ್ಲಿ ನಡೆಯುವ ವಿಶ್ವ ಅಥ್ಲೆಟಿಕ್ಸ್‌ (20 ವರ್ಷದೊಳಗಿನವರ) ಚಾಂಪಿಯನ್‌ಷಿಪ್‌ನಲ್ಲಿ ಭಾರತವನ್ನು ಪ್ರತಿನಿಧಿಸಲಿದ್ದಾರೆ.
ಉನ್ನತಿ (100 ಮೀಟರ್‌ ಹರ್ಡಲ್ಸ್‌ ಮತ್ತು 200 ಮೀ), ಶ್ರೇಯಾ ರಾಜೇಶ್‌ (400 ಮೀ ಹರ್ಡಲ್ಸ್‌), ಪಾವನಾ ನಾಗರಾಜ್‌ (ಲಾಂಗ್‌ಜಂಪ್‌), ನಿಯೋಲ್ ಕಾರ್ನೆಲಿಯೊ, ಸುದೀಕ್ಷಾ ವಿ. (4x100 ಮೀ ರಿಲೆ) ಮತ್ತು ರಿಹಾನ್‌ ಸಿ.ಎಚ್‌. (4x400 ಮೀ. ರಿಲೆ) ಅವರು ಸ್ಪರ್ಧಿಸಲಿದ್ದಾರೆ.
ಮಾಜಿ ಅಥ್ಲೀಟ್‌ ಸಹನಾ ಕುಮಾರಿ ತಂಡಕ್ಕೆ ಮಾರ್ಗದರ್ಶನ ನೀಡುವರು ಎಂದು ಕರ್ನಾಟಕ ಅಥ್ಲೆಟಿಕ್ಸ್‌ ಸಂಸ್ಥೆಯ ಕಾರ್ಯದರ್ಶಿ ಎ.ರಾಜವೇಲು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.