ಎಐಟಿಎ ಕಿರಿಯರ ಟೆನಿಸ್ ಟೂರ್ನಿ: ತನುಷ್‌, ಅನ್ವಿಗೆ ಪ್ರಶಸ್ತಿ

ಬೆಂಗಳೂರು: ಅಗ್ರಶ್ರೇಯಾಂಕದ ತನುಷ್‌ ಘಿಲದ್ಯಾಳ ಹಾಗೂ ಅನ್ವಿ ಪುನಗಂಟಿ ಅವರು ಎಐಟಿಎ 14 ವರ್ಷದೊಳಗಿನವರ ಟೆನಿಸ್ ಟೂರ್ನಿಯಲ್ಲಿ ಕ್ರಮವಾಗಿ ಬಾಲಕರ ಹಾಗೂ ಬಾಲಕಿಯರ ವಿಭಾಗದಲ್ಲಿ ಪ್ರಶಸ್ತಿ ಜಯಿಸಿದರು.

ಇಲ್ಲಿಯ ಟಾಪ್‌ಸ್ಪಿನ್ ಅಕಾಡೆಮಿಯಲ್ಲಿ ಶುಕ್ರವಾರ ನಡೆದ ಟೂರ್ನಿಯ ಬಾಲಕರ ಸಿಂಗಲ್ಸ್ ಫೈನಲ್‌ನಲ್ಲಿ ತನುಷ್‌ 6-1, 7-5ರಿಂದ ಎರಡನೇ ಶ್ರೇಯಾಂಕದ ಆರಾಧ್ಯ ದ್ವಿವೇದಿ ಅವರನ್ನು ಸೋಲಿಸಿದರು.

ಬಾಲಕಿಯರ ಪ್ರಶಸ್ತಿ ಸುತ್ತಿನ ಪಂದ್ಯದಲ್ಲಿ ಆರನೇ ಶ್ರೇಯಾಂಕದ ಅನ್ವಿ 6-3, 6-4ರಿಂದ ಶ್ರೀ ತನ್ವಿ ಎದುರು ಗೆದ್ದರು.