ಭಾರತ ತಂಡಕ್ಕೆ ಮರಳಿದ ಪೇಸ್

ನವದೆಹಲಿ: ಅನುಭವಿ ಟೆನಿಸ್ ಆಟಗಾರ ಲಿಯಾಂಡರ್ ಪೇಸ್ ಅವರು ಒಂದು ವರ್ಷದ ನಂತರ ಭಾರತ ಡೇವಿಸ್ ಕಪ್ ತಂಡಕ್ಕೆ ಮರಳಲಿದ್ದಾರೆ.

2018ರ ಏಪ್ರಿಲ್ ನಂತರ ಅವರು ತಂಡದಲ್ಲಿ ಆಡಿರಲಿಲ್ಲ. ಇದೀಗ ದೀರ್ಘ ವಿಶ್ರಾಂತಿಯ ನಂತರ ಮರಳಿದ್ದಾರೆ. ಅವರು ಮುಂಬರಲಿರುವ ಪಾಕಿಸ್ತಾನ ಎದುರಿನ ಡೇವಿಸ್ ಕಪ್‌ ಪಂದ್ಯದಲ್ಲಿ ಆಡುವ ನಿರೀಕ್ಷೆ ಇದೆ. ಆದರೆ,ಭಾರತ ತಂಡವು ಪಾಕ್‌ಗೆ ಹೋಗಲು ನಿರಾಕರಿಸಿದ್ದು, ತಟಸ್ಥ ಸ್ಥಳದಲ್ಲಿ ಆಯೋಜಿಸುವ ಬಗ್ಗೆ ವಿಶ್ವ ಟೆನಿಸ್ ಫೆಡರೇಷನ್ ಇನ್ನೂ ನಿರ್ಧಾರ ತೆಗೆದುಕೊಂಡಿಲ್ಲ ಎಂದು ಮೂಲಗಳು ತಿಳಿಸಿವೆ.