M4 ಸರಣಿಯ ಹೊಸ MacBook Pro ಬಿಡುಗಡೆ ಮಾಡಿದ Apple

ಬೆಂಗಳೂರು: ಆ್ಯಪಲ್ ಕಂಪನಿಯು M4 ಚಿಪ್‌ಸೆಟ್ ಸರಣಿಯೊಂದಿಗೆ ಹೊಸ MacBook Pro ಅನ್ನು ಬಿಡುಗಡೆ ಮಾಡಿದೆ.

ಲೇಟೆಸ್ಟ್‌ ಮ್ಯಾಕ್‌ಬುಕ್ ಪ್ರೊ, 14 ಮತ್ತು 16 ಇಂಚಿನ ಎರಡು ಗಾತ್ರಗಳಲ್ಲಿ ಲಭ್ಯವಿದೆ. ಲಿಕ್ವಿಡ್ ರೆಟಿನಾ XDR ಡಿಸ್‌ಪ್ಲೆ ಜೊತೆಗೆ ಎಲ್ಲ ಹೊಸ ನ್ಯಾನೊ ಟೆಕ್ಸ್‌ಚರ್ ಡಿಸ್‌ಪ್ಲೆ ಆಯ್ಕೆಯನ್ನು ಹೊಂದಿದೆ. HDR ಕಂಟೆಂಟ್‌ಗಳಿಗೆ 1600 nitsವರೆಗೆ ಬ್ರೈಟ್ನೆಸ್ ಅನ್ನು ಬೆಂಬಲಿಸುತ್ತದೆ. ಮೇಲ್ಭಾಗದಲ್ಲಿ ವಿಡಿಯೊ ಕರೆ ಮಾಡುವುದಕ್ಕಾಗಿ ಸುಧಾರಿತ 12MP ಸೆಂಟರ್ ಸ್ಟೇಜ್ ಕ್ಯಾಮೆರಾವನ್ನು ಹೊಂದಿದೆ.

ಈ ಹೊಸ ಮ್ಯಾಕ್‌ಬುಕ್ ಮೂರು M4 ಸಿಲಿಕಾನ್‌ಗಳೊಂದಿಗೆ ಲಭ್ಯವಿದೆ. ಸ್ಟ್ಯಾಂಡರ್ಡ್ M4, M4 Pro ಮತ್ತು ಟಾಪ್ ಎಂಡ್‌ M4 ಮ್ಯಾಕ್ಸ್.

M4 ಸಿಲಿಕಾನ್ ಶಕ್ತಿಶಾಲಿ 10 ಕೋರ್ CPU ಅನ್ನು ಒಳಗೊಂಡಿದೆ, ಫೋರ್ ಪರ್ಫಾಮೆನ್ಸ್ ಕೋರ್‌ಗಳು ಮತ್ತು ಆರು ಎಫಿಷಿಯನ್ಸಿ ಕೋರ್‌ಗಳು ಹಾಗೂ ಆ್ಯಪಲ್‌ನ ಅತ್ಯಾಧುನಿಕ ಗ್ರಾಫಿಕ್ಸ್ ಆರ್ಕಿಟೆಕ್ಚರ್‌ನೊಂದಿಗೆ ವೇಗವಾದ 10-ಕೋರ್ GPU ಇದೆ. ಹೊಸ ಮ್ಯಾಕ್‌ಬುಕ್ ಪ್ರೊ 16GB ವೇಗದ ಏಕೀಕೃತ ಮೆಮೊರಿ, 32GBವರೆಗೆ ಬೆಂಬಲದೊಂದಿಗೆ 120GB/s ಮೆಮೊರಿ ಬ್ಯಾಂಡ್‌ವಿಡ್ತ್‌ನೊಂದಿಗೆ ಪ್ರಾರಂಭವಾಗುತ್ತದೆ. M4 ಜೊತೆಗೆ, MacBook Pro, 13 ಇಂಚಿನ MacBook Proಗಿಂತ 1.8 ಪಟ್ಟು ವೇಗವಾಗಿ ಕಾರ್ಯನಿರ್ವಹಿಸುತ್ತದೆ. ಗಿಗಾಪಿಕ್ಸೆಲ್ ಫೋಟೊಗಳನ್ನು ಎಡಿಟ್ ಮಾಡಲು ಮತ್ತು ಇತರೆ ಕಾರ್ಯಗಳಿಗಾಗಿ M1 ಚಿಪ್ ಅನ್ನು ಒಳಗೊಂಡಿದೆ.

M4 ಪ್ರೊ ಪ್ರೊಸೆಸರ್ 14-ಕೋರ್ CPU ಜೊತೆಗೆ 10 ಪರ್ಫಾಮೆನ್ಸ್ ಕೋರ್‌ಗಳು ಮತ್ತು ನಾಲ್ಕು ಎಫಿಷಿಯೆನ್ಸಿ ಕೋರ್‌ಗಳೊಂದಿಗೆ ಬರುತ್ತದೆ, ಜೊತೆಗೆ 20 ಕೋರ್ GPUವರೆಗೆ, ಅದು M4ಗಿಂತ ಎರಡು ಪಟ್ಟು ಶಕ್ತಿಶಾಲಿಯಾಗಿದೆ. M4 Proಜೊತೆಗೆ, ಹೊಸ ಮ್ಯಾಕ್‌ಬುಕ್ ಪ್ರೊ ಹಿಂದಿನ ಪುನರಾವರ್ತನೆಗೆ ಹೋಲಿಸಿದರೆ ಮೆಮೊರಿ ಬ್ಯಾಂಡ್‌ವಿಡ್ತ್‌ನಲ್ಲಿ ಶೇ 75 ರಷ್ಟು ಹೆಚ್ಚುವರಿ ಬೆಂಬಲಿಸುತ್ತದೆ. ಯಾವುದೇ AI PCಚಿಪ್‌ಗಿಂತ ಇದರ ಸಾಮರ್ಥ್ಯ ದ್ವಿಗುಣವಾಗಿದೆ. M4 Pro ಮ್ಯಾಕ್‌ಬುಕ್‌ M1 Pro ಹೊಂದಿರುವ ಮಾದರಿಗಳಿಗಿಂತ ಮೂರು ಪಟ್ಟು ವೇಗವಾಗಿರುತ್ತದೆ.

ಟಾಪ್-ಎಂಡ್ M4 ಮ್ಯಾಕ್ಸ್ ಚಿಪ್‌ಸೆಟ್ 16 ಕೋರ್ CPU ಮತ್ತು 40 ಕೋರ್ GPUವರೆಗೆ ಲಭ್ಯವಿದೆ. ಇದು ಯುನಿಫೈಡ್ ಮೆಮೊರಿ ಬ್ಯಾಂಡ್‌ವಿಡ್ತ್‌ನ ಪ್ರತಿ ಸೆಕೆಂಡಿಗೆ ಅರ್ಧ ಟೆರಾಬೈಟ್‌ಗಿಂತ ಹೆಚ್ಚು ಬೆಂಬಲಿಸುತ್ತದೆ ಮತ್ತು M1 ಮ್ಯಾಕ್ಸ್‌ಗಿಂತ ಮೂರು ಪಟ್ಟು ವೇಗದ ನ್ಯೂರಲ್ ಎಂಜಿನ್ ಅನ್ನು ಬೆಂಬಲಿಸುತ್ತದೆ. AI ಮಾದರಿಗಳು ಎಂದಿಗಿಂತಲೂ ವೇಗವಾಗಿ ಕಾರ್ಯನಿರ್ವಹಿಸಲು ಅನುವು ಮಾಡಿಕೊಡುತ್ತದೆ. M4 Max ಹೊಂದಿರುವ ಮ್ಯಾಕ್‌ಬುಕ್ ಪ್ರೊ M1 Maxನ ಕಾರ್ಯಕ್ಷಮತೆಯನ್ನು 3.5 ಪಟ್ಟು ಹೆಚ್ಚಿಸುತ್ತದೆ. ವಿಶುವಲ್ ಎಫೆಕ್ಟ್ ಮತ್ತು 3D ಆ್ಯನಿಮೇಷನ್ ಅಭಿವೃದ್ಧಿಯಂತಹ ಭಾರೀ ಸೃಜನಶೀಲ ಕೆಲಸದ ಹೊರೆಗಳನ್ನು ಇದು ಬೆಂಬಲಿಸುತ್ತದೆ.

M4 Pro ಮತ್ತು M4 ಮ್ಯಾಕ್ಸ್‌ನ ಮ್ಯಾಕ್‌ಬುಕ್ ಪ್ರೊ ಥಂಡರ್ಬೋಲ್ಟ್ 5 ಪೋರ್ಟ್‌ಗಳನ್ನು ಹೊಂದಿದೆ. ಆದರೆ ಸಾಮಾನ್ಯ ಮಾದರಿಯು ಥಂಡರ್ಬೋಲ್ಟ್ 4.0-ಆಧಾರಿತ ಟೈಪ್-ಸಿ ಪೋರ್ಟ್ ಅನ್ನು ಬೆಂಬಲಿಸುತ್ತದೆ. ಎಲ್ಲಾ ಮ್ಯಾಕ್‌ಬುಕ್ ಪ್ರೊ ಮಾದರಿಗಳು 8K ರೆಸಲ್ಯೂಶನ್, SDXC ಕಾರ್ಡ್ ಸ್ಲಾಟ್, ಚಾರ್ಜಿಂಗ್‌ಗಾಗಿ MagSafe 3 ಪೋರ್ಟ್ ಮತ್ತು Wi-Fi 6E ಮತ್ತು ಬ್ಲೂಟೂತ್ 5.3 ಬೆಂಬಲದೊಂದಿಗೆ ಹೆಡ್‌ಫೋನ್ ಜ್ಯಾಕ್ ಅನ್ನು ಬೆಂಬಲಿಸುವ HDMI ಪೋರ್ಟ್ ಅನ್ನು ಒಳಗೊಂಡಿವೆ.

ಪೂರ್ಣ ಚಾರ್ಜಿಂಗ್ ಆಗಿರುವ ಹೊಸ ಮ್ಯಾಕ್‌ಬುಕ್ ಪ್ರೊ ಮಾದರಿಗಳು 24 ಗಂಟೆಗಳವರೆಗೆ ಬ್ಯಾಟರಿ ಸಾಮರ್ಥ್ಯ ಹೊಂದಿವೆ. ಈ ಸಾಧನಗಳಲ್ಲಿ ಮ್ಯಾಕೋಸ್ ಸಿಕ್ವೊಯಾ 15.1 ರನ್ ಆಗುತ್ತದೆ. ಇದು ಎಲ್ಲ ಆ್ಯಪಲ್ ಇಂಟೆಲಿಜೆನ್ಸ್ ವೈಶಿಷ್ಟ್ಯಗಳನ್ನು ಬೆಂಬಲಿಸುತ್ತದೆ.

ಸಾಮಾನ್ಯ 14 ಇಂಚಿನ ಮ್ಯಾಕ್‌ಬುಕ್ ಪ್ರೊ (M4 ಜೊತೆಗೆ) ₹1,69,900 ರಿಂದ ಆರಂಭವಾಗುತ್ತದೆ. ವಿದ್ಯಾರ್ಥಿಗಳು ಮತ್ತು ಶಿಕ್ಷಕರಿಗೆ ಇದು ಶಿಕ್ಷಣ ಯೋಜನೆಗಳ ಮೂಲಕ ₹1,59,900ರಿಂದ ಆರಂಭವಾಗುವ ಬೆಲೆಗಳಲ್ಲಿ ಲಭ್ಯವಿದೆ.

14-ಇಂಚಿನ ಮ್ಯಾಕ್‌ಬುಕ್ ಪ್ರೊ ಮಾದರಿಗಳು (M4 ಪ್ರೊ ಜೊತೆಗೆ) ₹1,99,900ರಿಂದ ಪ್ರಾರಂಭವಾಗುವ ಬೆಲೆಗಳಲ್ಲಿ ಲಭ್ಯವಿವೆ. ವಿದ್ಯಾರ್ಥಿಗಳು ಮತ್ತು ಶಿಕ್ಷಕರಿಗೆ, ಇದು ಶಿಕ್ಷಣ ಯೋಜನೆಗಳ ಮೂಲಕ ₹1,84,900 ಆರಂಭಿಕ ಬೆಲೆಗಳಲ್ಲಿ ಲಭ್ಯವಿದೆ.

ಟಾಪ್ ಎಂಡ್ 16-ಇಂಚಿನ ಮ್ಯಾಕ್‌ಬುಕ್ ಪ್ರೊ ಮಾಡೆಲ್‌ಗಳು (M4 ಪ್ರೊ ಜೊತೆಗೆ) ₹2,49,900ನಿಂದ ಆರಂಭವಾಗುವ ಬೆಲೆಗಳಲ್ಲಿ ಲಭ್ಯವಿವೆ. ವಿದ್ಯಾರ್ಥಿಗಳು ಮತ್ತು ಶಿಕ್ಷಕರಿಗೆ ಇದು ಶಿಕ್ಷಣ ಯೋಜನೆಗಳ ಮೂಲಕ ₹1,29,900ನಿಂದ ಲಭ್ಯವಿದೆ.