Nokia T10: ದೇಶದ ಗ್ಯಾಜೆಟ್ ಮಾರುಕಟ್ಟೆಗೆ ನೋಕಿಯಾ ಹೊಸ ಟ್ಯಾಬ್ಲೆಟ್ ಎಂಟ್ರಿ
ನೋಕಿಯಾ ನೂತನ ಟ್ಯಾಬ್ಲೆಟ್ ಬಿಡುಗಡೆ
ಬೆಂಗಳೂರು: ಎಚ್‌ಎಂಡಿ ಗ್ಲೋಬಲ್ ಒಡೆತನದ ನೋಕಿಯಾ, ದೇಶದ ಗ್ಯಾಜೆಟ್ ಮಾರುಕಟ್ಟೆಗೆ ನೂತನ ಟ್ಯಾಬ್ಲೆಟ್ ಅನ್ನು ಬಿಡುಗಡೆ ಮಾಡಿದೆ.
ಐಕಾನಿಕ್ ಫೋನ್‌ಗಳ ಮೂಲಕ ಪ್ರಸಿದ್ಧಿ ಪಡೆದಿದ್ದ ನೋಕಿಯಾ ಸಂಸ್ಥೆ, T10 ಹೆಸರಿನ ಟ್ಯಾಬ್ಲೆಟ್ ಅನ್ನು ಪರಿಚಯಿಸಿದೆ.
ನೋಕಿಯಾ T10
ನೂತನ ನೋಕಿಯಾ ಟ್ಯಾಬ್ಲೆಟ್, 8 ಇಂಚಿನ ಎಚ್‌ಡಿ ಡಿಸ್‌ಪ್ಲೇ ಹೊಂದಿದೆ. ಹೀಗಾಗಿ, ವಿಡಿಯೊ ಕರೆ ಮತ್ತು ಮನರಂಜನೆಗಾಗಿ ಉತ್ತಮ ಆಯ್ಕೆ ಎಂದು ಕಂಪನಿ ಹೇಳಿದೆ.
ಆ್ಯಂಡ್ರಾಯ್ಡ್ 12 ಓಎಸ್‌ ಬೆಂಬಲ, ವಿಸ್ತರಿಸಬಹುದಾದ ಮೆಮೊರಿ, ಹಿಂಭಾಗದಲ್ಲಿ 8 ಮೆಗಾಪಿಕ್ಸೆಲ್ ಕ್ಯಾಮೆರಾ ಹಾಗೂ 2 ಮೆಗಾಪಿಕ್ಸೆಲ್ ಸೆಲ್ಫಿ ಇದರಲ್ಲಿದೆ. 5250mAh ಬ್ಯಾಟರಿ, 10W ಚಾರ್ಜಿಂಗ್ ಬೆಂಬಲ ಹೊಂದಿದೆ.
ಬೆಲೆ ಮತ್ತು ಲಭ್ಯತೆ
ಹೊಸ ನೋಕಿಯಾ T10 ಟ್ಯಾಬ್ಲೆಟ್ ಅಮೆಜಾನ್ ಮತ್ತು ನೋಕಿಯಾ.ಕಾಂ ಮೂಲಕ ಲಭ್ಯವಾಗಲಿದೆ. ಪ್ರಸ್ತುತ ವೈ–ಫೈ ಮಾದರಿ ಮಾತ್ರ ಲಭ್ಯವಿದ್ದು, ಎಲ್‌ಟಿಇ ಆವೃತ್ತಿ ಶೀಘ್ರದಲ್ಲೇ ದೊರೆಯಲಿದೆ.
3/32 GB Wi-Fi ಮಾದರಿಗೆ ₹11799 ಮತ್ತು 4/64 GB Wi-Fi ಮಾದರಿಗೆ ₹12799 ದರ ಹೊಂದಿದೆ.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.