ಗ್ಯಾಜೆಟ್ ಮಾರುಕಟ್ಟೆಗೆ ಹೊಸ ಸ್ಮಾರ್ಟ್‌ಫೋನ್ ಪರಿಚಯಿಸಿದ ಟೆಕ್ನೋ
ಬೆಂಗಳೂರು: ಕಡಿಮೆ ಬೆಲೆಗೆ ಉತ್ತಮ ಫೀಚರ್‌ಗಳಿರುವ ಸ್ಮಾರ್ಟ್‌ಫೋನ್ ಬಿಡುಗಡೆ ಮಾಡುವ ಮೂಲಕ ಮಾರುಕಟ್ಟೆಯಲ್ಲಿ ಹೆಸರು ಗಳಿಸಿರುವ ಟೆಕ್ನೋ, ಹೊಸ ಮಾದರಿಯನ್ನು ದೇಶದಲ್ಲಿ ಪರಿಚಯಿಸಿದೆ.
ಟೆಕ್ನೋ ಪಾಪ್ 5 ಸರಣಿಯಲ್ಲಿ ಹೊಸ ಪಾಪ್ 5 ಎಲ್‌ಟಿಇ ಸ್ಮಾರ್ಟ್‌ಫೋನ್ ಬಿಡುಗಡೆಯಾಗಿದೆ.
5000ಎಂಎಎಚ್ ಬ್ಯಾಟರಿ, 6.52 ಇಂಚಿನ ಎಚ್‌ಡಿ+ ಡಿಸ್‌ಪ್ಲೇ ಈ ಸ್ಮಾರ್ಟ್‌ಫೋನ್ ವಿಶೇಷತೆಯಾಗಿದೆ.
ತಾಂತ್ರಿಕ ವೈಶಿಷ್ಟ್ಯ
ಟೆಕ್ನೋ ಪಾಪ್ 5 ಎಲ್‌ಟಿಇ ಮಾದರಿಯಲ್ಲಿ 6.52 ಇಂಚಿನ ಎಚ್‌ಡಿ+ ಡಾಟ್ ನಾಚ್ ಸಹಿತ ಡಿಸ್‌ಪ್ಲೇ, 5000mAh ಬ್ಯಾಟರಿ ಮತ್ತು 8 ಮೆಗಾಪಿಕ್ಸೆಲ್ ಡ್ಯುಯಲ್ ಹಿಂಬದಿ ಕ್ಯಾಮೆರಾ ಇದೆ. ಹಾಗೂ 5 ಮೆಗಾಪಿಕ್ಸೆಲ್ ಸೆಲ್ಫಿ ಕ್ಯಾಮೆರಾ ಇದೆ ಎಂದು ಕಂಪನಿ ತಿಳಿಸಿದೆ.
ಆಂಡ್ರಾಯ್ಡ್ 11 ಗೊ ಆಧಾರಿತ HiOS 7.6 ಕಾರ್ಯಚರಣೆ ವ್ಯವಸ್ಥೆ ಇದರಲ್ಲಿದ್ದು, 2 GB RAM ಮತ್ತು 32 GB ಸ್ಟೋರೇಜ್ ಒಳಗೊಂಡಿದೆ.
ಬೆಲೆ ಮತ್ತು ಲಭ್ಯತೆ
ಅಮೆಜಾನ್ ಮೂಲಕ ಜನವರಿ 16ರಿಂದ ಹೊಸ ಟೆಕ್ನೋ ಪಾಪ್ 5 ಎಲ್‌ಟಿಇ ಸ್ಮಾರ್ಟ್‌ಫೋನ್ ದೊರೆಯಲಿದ್ದು, ₹6,299 ಆರಂಭಿಕ ವಿಶೇಷ ದರ ಹೊಂದಿದೆ ಎಂದು ಕಂಪನಿ ಹೇಳಿದೆ.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.