Tecno Pova 4: ಬಜೆಟ್ ದರದ ಆಕರ್ಷಕ ಸ್ಮಾರ್ಟ್ಫೋನ್ ಬಿಡುಗಡೆ
ಟೆಕ್‌ನೊ ಪೊವಾ ಸರಣಿಯಲ್ಲಿ ಹೊಸ ಸ್ಮಾರ್ಟ್ಫೋನ್
ಬೆಂಗಳೂರು: ದೇಶದ ಸ್ಮಾರ್ಟ್ಫೋನ್ ಮಾರುಕಟ್ಟೆಯಲ್ಲಿ ವಿವಿಧ ಮಾದರಿಗಳನ್ನು ಪರಿಚಯಿಸಿರುವ ಟೆಕ್‌ನೊ ಬ್ರ್ಯಾಂಡ್, ಪೊವಾ ಸರಣಿಯಲ್ಲಿ ಹೊಸ ಪೊವಾ 4 ಪರಿಚಯಿಸಿದೆ.
13 GB RAM ಮತ್ತು 128 GB ಸ್ಟೋರೇಜ್ ಹೊಸ ಟೆಕ್‌ನೊ ಪೊವಾ 4 ವಿಶೇಷತೆಯಾಗಿದೆ ಎಂದು ಕಂಪನಿ ಹೇಳಿದೆ.
ನೂತನ ಟೆಕ್‌ನೊ ಪೊವಾ 4 ಸ್ಮಾರ್ಟ್‌ಫೋನ್‌ನಲ್ಲಿ 6.8 ಇಂಚಿನ ಡಿಸ್‌ಪ್ಲೇ, ಹಿಲಿಯೊ G99 ಪ್ರೊಸೆಸರ್, ಒಕ್ಟಾ ಕೋರ್ Arm Cortex-A76 CPU ಬೆಂಬಲ, 6000 mAh ಬ್ಯಾಟರಿ ಮತ್ತು 18W ಫಾಸ್ಟ್ ಚಾರ್ಜಿಂಗ್ ಬೆಂಬಲ ಹೊಂದಿದೆ.
ಟೆಕ್‌ನೊ ಪೊವಾ 4 ಸ್ಮಾರ್ಟ್ಫೋನ್ ಕ್ರಯೋಲೈಟ್ ಬ್ಲೂ, ಉರಾನೊಲಿತ್ ಗ್ರೇ ಮತ್ತು ಮ್ಯಾಗ್ಮಾ ಆರೆಂಜ್ ಎಂಬ ಮೂರು ಬಣ್ಣಗಳಲ್ಲಿ ಲಭ್ಯವಾಗಲಿದೆ.
ಹಿಂಭಾಗದಲ್ಲಿ 50 ಮೆಗಾಪಿಕ್ಸೆಲ್ ಮುಖ್ಯ ಕ್ಯಾಮೆರಾ ಜತೆಗೆ ನೂತನ ಸ್ಮಾರ್ಟ್ಫೋನ್ ಲಭ್ಯವಾಗಲಿದೆ.
ಹೊಸ ಟೆಕ್‌ನೊ ಪೊವಾ 4, ಡಿಸೆಂಬರ್ 13ರಿಂದ ಅಮೆಜಾನ್ ಮತ್ತು ಜಿಯೊ ಮಾರ್ಟ್ ಮೂಲಕ ಲಭ್ಯವಾಗಲಿದೆ ಎಂದು ಕಂಪನಿ ತಿಳಿಸಿದೆ.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.