ಹೊಸ ಶಿಯೋಮಿ 11ಟಿ ಸರಣಿ, ಶಿಯೋಮಿ ಪ್ಯಾಡ್ 5 ಬಿಡುಗಡೆ
ಬೆಂಗಳೂರು: ಸ್ಮಾರ್ಟ್‌ಫೋನ್ ಮಾರುಕಟ್ಟೆಯಲ್ಲಿ ಜನಪ್ರಿಯ ಬ್ರ್ಯಾಂಡ್ ಶಿಯೋಮಿ, ಎರಡು ನೂತನ ಫೋನ್‌ಗಳನ್ನು ಪರಿಚಯಿಸಿದೆ.
ಶಿಯೋಮಿ 11ಟಿ ಮತ್ತು 11ಟಿ ಪ್ರೊ ಎಂಬ ಎರಡು ನೂತನ ಸ್ಮಾರ್ಟ್‌ಫೋನ್ ಜತೆಗೆ, ಶಿಯೋಮಿ ಪ್ಯಾಡ್ 5 ಟ್ಯಾಬ್ಲೆಟ್ ಕೂಡ ಬಿಡುಗಡೆಯಾಗಿದೆ.
ಶಿಯೋಮಿ, ಎಂಐ ಬ್ರ್ಯಾಂಡಿಂಗ್ ಅನ್ನು ತೆಗೆದುಹಾಕಿ, ಪ್ರೀಮಿಯಂ ಫೋನ್‌ಗಳಿಗೆ ಶಿಯೋಮಿ ಹೆಸರನ್ನೇ ಬಳಸಲು ಮುಂದಾಗಿದೆ. ಅದರಂತೆ ಹೊಸದಾಗಿ ಬಿಡುಗಡೆಯಾಗಿರುವ 11 ಸರಣಿ ಫೋನ್‌ಗಳಿಗೆ ಶಿಯೋಮಿ ಹೆಸರನ್ನೇ ಬಳಸಿದೆ.
ಪ್ರಸ್ತುತ ಯುರೋಪ್ ಮಾರುಕಟ್ಟೆಯಲ್ಲಿ ಶಿಯೋಮಿ, 11ಟಿ ಸರಣಿ ಬಿಡುಗಡೆಯಾಗಿದೆ. 8 GB + 128 GB ಮಾದರಿಗೆ ಅಲ್ಲಿನ ದರಕ್ಕೆ ಹೋಲಿಸಿದರೆ, ದೇಶದಲ್ಲಿ ಅಂದಾಜು ₹43,300 ಇದೆ. ಶಿಯೋಮಿ 11ಟಿ ಪ್ರೊ, ₹56,400 ಮತ್ತು ಶಿಯೋಮಿ ಪ್ಯಾಡ್ 5 ದರ, ₹30,300 ಇದೆ.
ದೇಶದ ಮಾರುಕಟ್ಟೆಯಲ್ಲಿ ಬಿಡುಗಡೆ ಮತ್ತು ಬೆಲೆ ವಿವರವನ್ನು ಕಂಪನಿ ಇನ್ನೂ ಬಹಿರಂಗಪಡಿಸಿಲ್ಲ.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.