ಕ್ಷುದ್ರಗ್ರಹಕ್ಕೆ ಗಗನನೌಕೆ ಡಿಕ್ಕಿ: ಬಾಹ್ಯಾಕಾಶದಲ್ಲಿ ಹರಡಿದ ಶಿಲಾ ಅವಶೇಷಗಳು
Published 5 ಅಕ್ಟೋಬರ್ 2022, 14:35 IST
ಡಿಮಾರ್ಫೋಸ್‌ ಕ್ಷುದ್ರಗ್ರಹಕ್ಕೆ ನಾಸಾದ ‘ಡಾರ್ಟ್‌’ ಬಾಹ್ಯಾಕಾಶ ನೌಕೆ ಡಿಕ್ಕಿ ಹೊಡೆದ ನಂತರ ಕ್ಷುದ್ರಗ್ರಹದಿಂದ ಹೊಮ್ಮಿದ ದೂಳು ಹಾಗೂ ಶಿಲಾಚೂರುಗಳು ಕಾಣಿಸಿಕೊಂಡಿದ್ದು ಹೀಗೆ –ಪಿಟಿಐ ಚಿತ್ರ
ವಾಶಿಂಗ್ಟನ್‌: ನಾಸಾದ ಬಾಹ್ಯಾಕಾಶ ನೌಕೆ ‘ಡಾರ್ಟ್‌’, ಕ್ಷುದ್ರಗ್ರಹಕ್ಕೆ ಡಿಕ್ಕಿ ಹೊಡೆದ ಪರಿಣಾಮವಾಗಿ ಬಾಹ್ಯಾಕಾಶಲ್ಲಿ ಸಾವಿರಾರು ಕಿ.ಮೀ. ವರೆಗೂ ಕ್ಷುದ್ರಗ್ರಹದಿಂದ ಹೊಮ್ಮಿದ ದೂಳು ಹಾಗೂ ಶಿಲೆಗಳ ಚೂರುಗಳು ಚದುರಿವೆ. ಈ ವಿದ್ಯಮಾನದ ಚಿತ್ರಗಳನ್ನು ಚಿಲಿಯಲ್ಲಿರುವ ದೂರದರ್ಶಕ ಸೆರೆಹಿಡಿದಿದೆ.
ಸಂಭಾವ್ಯ ಅಪಾಯವನ್ನು ತಪ್ಪಿಸಲು, ಸೆಪ್ಟೆಂಬರ್‌ 26ರಂದು ‘ಡಾರ್ಟ್‌’ ನೌಕೆಯಿಂದ ಉದ್ದೇಶಪೂರ್ವಕವಾಗಿ ಡಿಮಾರ್ಫೋಸ್‌ ಕ್ಷುದ್ರಗ್ರಹಕ್ಕೆ ಡಿಕ್ಕಿ ಹೊಡೆಸಲಾಗಿತ್ತು. ಕ್ಷುದ್ರಗ್ರಹದ ಕಕ್ಷೆಯನ್ನು ಮಾರ್ಪಡಿಸಲು ಕೈಗೊಂಡ ಮೊದಲ ಗ್ರಹಗಳ ರಕ್ಷಣಾ ಪರೀಕ್ಷೆ ಇದಾಗಿದೆ.
ಈ ಪರೀಕ್ಷೆಯ ಎರಡು ದಿನಗಳ ನಂತರ, ಖಗೋಳವಿಜ್ಞಾನಿಗಳು ಚಿಲಿಯಲ್ಲಿರುವ ‘ಸೌಥ್ ಆಸ್ಟ್ರೋಫಿಸಿಕಲ್ ರಿಸರ್ಚ್‌ ಟೆಲಿಸ್ಕೋಪ್‌’ (ಎಸ್‌ಒಎಆರ್‌) ಮೂಲಕ ಚಿತ್ರಗಳನ್ನು ಸೆರೆ ಹಿಡಿದಿದ್ದಾರೆ.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.