ಗುರುಗ್ರಹದ ಉಪಗ್ರಹ ಯುರೋಪಾ ಅಧ್ಯಯನ: ನಾಸಾ ಅನುಮೋದನೆ

ಕೇಪ್‌ ಕನಾವೆರಲ್‌: ಗುರುಗ್ರಹದ ಉಪಗ್ರಹವಾದ ಯುರೋಪಾ ಅಧ್ಯಯನಕ್ಕೆ ತೆರಳಲಿರುವ ಬಾಹ್ಯಾಕಾಶ ನೌಕೆಯನ್ನು ಮುಂದಿನ ತಿಂಗಳು ಉಡಾವಣೆ ಮಾಡಲು ನಾಸಾ ಸೋಮವಾರ ಅನುಮೋದನೆ ನೀಡಿದೆ.

ಗುರುಗ್ರಹದಲ್ಲಿ ವಿಕಿರಣಶೀಲತೆ ಹೆಚ್ಚಾಗಿರುತ್ತದೆ. ನೌಕೆಯು ಈ ವಿಕಿರಣಶೀಲತೆ ತಾಳುವಿಕೆಯ ಸಾಮರ್ಥ್ಯ ಹೊಂದಿದೆಯೇ ಎಂದು ಪರಿಶೀಲಿಸಿದ ನಂತರ ನಾಸಾ ಒಪ್ಪಿಗೆ ನೀಡಿದೆ.

ಅಕ್ಟೋಬರ್‌ 10ರಂದು ಸ್ಪೇಸ್ಎಕ್ಸ್‌ ಫಾಲ್ಕನ್ ನೌಕೆ ಉಡಾವಣೆಗೆ ಸಿದ್ಧತೆ ನಡೆಸಲಾಗಿದೆ. 

ಯುರೋಪವು ಜೀವಿಗಳ ವಾಸಕ್ಕೆ ಯೋಗ್ಯವಾಗಿದೆಯೇ ಎಂದು ಪರೀಕ್ಷಿಸಲು ಈ ಯೋಜನೆ ಕೈಗೊಳ್ಳಲಾಗುತ್ತಿದೆ.