ರಾಮ ಮಂದಿರ ಶಿಲಾನ್ಯಾಸದ ದಿನವೇ ಟ್ರೆಂಡ್ ಆಗ್ತಿದೆ #LandOfRavanan
ಅಯೋಧ್ಯೆಯಲ್ಲಿ ರಾಮ ಮಂದಿರ ನಿರ್ಮಾಣಕ್ಕೆ ಭೂಮಿಪೂಜೆ ನಡೆಯುವ ದಿನವೇ ಟ್ವಿಟರ್‌ನಲ್ಲಿ #LandOfRavanan (ರಾವಣನ ಭೂಮಿ), #TamilsPrideRavanaa (ತಮಿಳರ ಹೆಮ್ಮೆ ರಾವಣ) ಹ್ಯಾಷ್‌ಟ್ಯಾಗ್‌ಗಳು ಟ್ರೆಂಡ್ ಆಗುತ್ತಿವೆ.
ಟ್ರೆಂಡಿಂಗ್ ಶುರುವಾದ ಆರಂಭದಲ್ಲಿ 'ತಮಿಳುನಾಡಿನಲ್ಲಿ ಶೀಘ್ರ ರಾವಣನ ದೇಗುಲ ನಿರ್ಮಿಸಲಾಗುವುದು. ರಾವಣ ಕೇವಲ ತಮಿಳುನಾಡಿನ ಹೆಮ್ಮೆಯಷ್ಟೇ ಅಲ್ಲ, ಅಖಂಡ ಭೂಮಂಡಲದ ಹೆಮ್ಮೆ' ಎಂದು ಕೆಲವರು ಟ್ವೀಟ್ ಮಾಡಿದ್ದರು.
'ನಾವು ತಮಿಳರು, ರಾವಣ ನಮ್ಮ ಪೂರ್ವಜ ಎಂದು ಹೆಮ್ಮೆಯಿಂದ ಹೇಳಿಕೊಳ್ಳುತ್ತೇವೆ' ಎಂದೂ ಕೆಲವರು ಟ್ವೀಟ್ ಮಾಡಿದ್ದರು.
ಸಾಕಷ್ಟು ಮಂದಿ ತಮಿಳಿನ ಅಕ್ಷರಗಳಿರುವ ಪೋಸ್ಟರ್‌ನೊಂದಿಗೆ ಈ ಧಾಟಿಯ ಒಕ್ಕಣೆ ಟ್ವೀಟ್ ಮಾಡಲು ಆರಂಭಿಸಿದ ನಂತರ ಅದೇ ಹ್ಯಾಷ್‌ಟ್ಯಾಗ್ ಬಳಸಿಕೊಂಡು 'ರಾಮಾಯಣವನ್ನು ಸುಳ್ಳು ಎನ್ನುವವರೇ ರಾವಣ ತಮ್ಮ ಪೂರ್ವಜ ಎಂದು ಹೇಳಿಕೊಳ್ಳುತ್ತಿದ್ದಾರೆ' ಎಂಬ ಟ್ವೀಟ್‌ಗಳು ಹರಿದುಬಂದವು.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.