‘ತರ್ಲೆ’ಗಳ ತಿರುಗಾಟ ಶುರು: ತರ್ಲೆ ಬಾಕ್ಸ್‌ ತಂಡದ ನವೆಂಬರ್ ಕಾರ್ಯಕ್ರಮಗಳು

ಬೆಂಗಳೂರು: ಜನಪ್ರಿಯ ಹಾಸ್ಯ ಕಾರ್ಯಕ್ರಮಗಳ ಯುಟ್ಯೂಬ್‌ ಚಾನೆಲ್‌ ತಂಡ ‘ತರ್ಲೆ ಬಾಕ್ಸ್‌’ ನವೆಂಬರ್‌ನ ತಿರುಗಾಟ ಆರಂಭಿಸಿದೆ. ರಾಜ್ಯೋತ್ಸವದ ಹಿನ್ನೆಲೆಯಲ್ಲಿ ಈ ತಂಡ ಪ್ರವಾಸ ಆರಂಭಿಸಿದೆ.

ನವೆಂಬರ್‌ 6ರಿಂದ 27ರವರೆಗೆ ಈ ತಂಡದ ತಿರುಗಾಟ ಇರಲಿದೆ.

ಎಲ್ಲೆಲ್ಲಿ ಕಾರ್ಯಕ್ರಮಗಳು?

ನ. 6– ಚಿಕ್ಕಮಗಳೂರು, ನ. 13– ಶಿವಮೊಗ್ಗ, ನ. 20– ತುಮಕೂರು ನ. 27– ವಿಜಯಪುರ. ಈ ದಿನಗಳಲ್ಲಿ ಒಟ್ಟು 16 ಸ್ಟ್ಯಾಂಡ್‌ ಅಪ್‌ ಕಾಮಿಡಿ ಪ್ರದರ್ಶನಗಳನ್ನು ಈ ತಂಡ ಹಮ್ಮಿಕೊಂಡಿದೆ.

ಹಾಸ್ಯಕಲಾವಿದರಾದ ಸುಹಾಸ್ ನವರತ್ನ, ಶ್ರವಣ್ ಪಿ., ಗಣೇಶ್ ಕಶ್ಯಪ್, ನಿತಿನ್ ಕಾಮತ್ ಮತ್ತು ಅಶ್ವಿನಿ ರವೀಂದ್ರ ಈ ತಿಂಗಳ ಪ್ರತಿ ಭಾನುವಾರ ಒಂದೊಂದು ನಗರದಲ್ಲಿ ತಮ್ಮ ಹಾಸ್ಯ ಕಾರ್ಯಕ್ರಮಗಳನ್ನು ನಡೆಸಲಿದ್ದಾರೆ. ಟಿಕೆಟ್‌ಗಳನ್ನು ಬುಕ್‌ಮೈ ಶೋ ಡಾಟ್‌ ಕಾಂನಿಂದ ಖರೀದಿಸಬಹುದು ಎಂದು ಪ್ರಕಟಣೆ ತಿಳಿಸಿದೆ.