ಆ್ಯಪ್ ಸ್ಪರ್ಧೆಯ ಅಂತಿಮ ಸುತ್ತಿಗೆ ‘ಕೂ’

ಬೆಂಗಳೂರು: ಆತ್ಮನಿರ್ಭರ ಕಿರು ತಂತ್ರಾಂಶ (ಆ್ಯಪ್) ಸ್ಪರ್ಧೆಯ ಅಂತಿಮ ಸ್ಪರ್ಧೆಯಲ್ಲಿ ಕನ್ನಡ ಭಾಷೆಯಲ್ಲಿನ ಮೈಕ್ರೊ ಬ್ಲಾಗಿಂಗ್‌ ಕೂ (Koo) ಆ್ಯಪ್ ಆಯ್ಕೆಯಾಗಿದೆ. ಬೆಂಗಳೂರಿನ ಅಪ್ರಮೇಯ ರಾಧಾಕೃಷ್ಣ ಅವರು ಇದರ ರೂವಾರಿ. ಸ್ಟಾರ್ಟ್‌ಅಪ್, ಉದ್ಯಮಿಗಳಲ್ಲಿ ಡಿಜಿಟಲ್ ಬಳಕೆ ಹೆಚ್ಚಿಸಲು 8 ಡಿಜಿಟಲ್ ವಿಭಾಗದಲ್ಲಿ ಸ್ಪರ್ಧೆ ಆಯೋಜಿಸಲಾಗಿದೆ. ಕೂ ಆ್ಯಪ್ ಸಾಮಾಜಿಕ ಅಪ್ಲಿಕೇಷನ್ ವಿಭಾಗದಲ್ಲಿ ಅಂತಿಮ ಸುತ್ತಿಗೆ ಆಯ್ಕೆಯಾಗಿದೆ.