ಬಳಕೆದಾರರಿಗೆ ಮತ್ತೊಂದು ಫೀಚರ್ ನೀಡಲು ಸಿದ್ದವಾದ ವಾಟ್ಸ್ಆ್ಯಪ್: ಏನದು?
ಸ್ಯಾನ್‌ಫ್ರಾನ್ಸಿಸ್ಕೊ:ಮೆಟಾ ಕಂಪನಿ ಮಾಲೀಕತ್ವದ ಮೆಸೇಜಿಂಗ್ ಆ್ಯಪ್ ‘ವಾಟ್ಸ್ಆ್ಯಪ್’ ಆಗಾಗ ತನ್ನ ಬಳಕೆದಾರರಿಗೆ ಹಿತವಾದ ಅಪ್ಡೇಟ್‌ಗಳನ್ನು ಕೊಡುವುದರಲ್ಲಿ ಸದಾ ಮುಂದು.
ಈಗ ವಾಟ್ಸ್ಆ್ಯಪ್ ಮತ್ತೊಂದು ಫೀಚರ್ ಅನ್ನು ಪರಿಚಯಿಸುತ್ತಿದೆ. ಸದ್ಯ ವಾಟ್ಸ್‌ಆ್ಯಪ್ಗ್ರೂಪ್‌ಗಳಲ್ಲಿ ಗ್ರೂಪ್‌ನಿಂದ ಹೊರ ಹೋಗುವವರು ಅಂದರೆ ಲೆಫ್ಟ್‌ ಆದಾಗ ಅದು ಆ ಗ್ರೂಪ್‌ನಲ್ಲಿ ಎಲ್ಲರಿಗೂ ಗೊತ್ತಾಗುತ್ತಿದೆ. ಇದೀಗ ಗ್ರೂಪ್‌ನಿಂದ ಸೈಲೆಂಟ್ ಆಗಿ ಲೆಫ್ಟ್‌ ಆಗುವ ಅವಕಾಶವನ್ನುಈ ಜನಪ್ರಿಯ ಮೆಸೆಂಜರ್ ನೀಡುತ್ತಿದೆ.
ಅಂದರೆ ಗ್ರೂಪ್‌ ಅಡ್ಮಿನ್‌ಗಳನ್ನು ಹೊರತುಪಡಿಸಿ ಆ ಗ್ರೂಪ್‌ನ ಇತರೆ ಸದಸ್ಯರಿಗೆ ಗೊತ್ತಾಗದಂತೆ ಗ್ರೂಪ್‌ತೊರೆಯಬಹುದು. ಈ ರೀತಿಯ ಒಂದು ಫೀಚರ್ ಸಿದ್ದತೆಯಲ್ಲಿ ಇದ್ದು ಪ್ರಾಯೋಗಿಕವಾಗಿ ಜಾರಿಯಾದ ನಂತರ ಅದು ಎಲ್ಲರಿಗೂ ಲಭ್ಯವಾಗಲಿದೆ ಎಂದುWABetaInfo ವರದಿ ಮಾಡಿದೆ.
ಹಾಗೆಯೇ ವಾಟ್ಸ್ಆ್ಯಪ್ ಗ್ರುಪ್‌ಅಡ್ಮಿನ್‌ಗಳ ಮಿತಿಯನ್ನು ಹೆಚ್ಚಳ ಮಾಡಲು ಮೆಟಾ ಕ್ರಮ ಕೈಗೊಳ್ಳುತ್ತಿದೆ ಎಂದು ವರದಿ ತಿಳಿಸಿದೆ.
ಇನ್ನೊಂದು ವಿಶೇಷತೆ ಎಂದರೆ ಕಳಿಸಿದ ಮೆಸೇಜ್‌ಗಳನ್ನು ಹಿಂದಕ್ಕೆ ತೆಗೆದುಕೊಳ್ಳಲು ಅಥವಾ ಡಿಲೀಟ್ ಮಾಡಲು 1 ತಾಸು 8 ನಿಮಿಷ ಸಮಯ ಇದೆ. ಆದರೆ ಈ ಸಮಯವನ್ನು ಗರಿಷ್ಠ 2 ದಿನ ಅಂದರೆ 48 ಗಂಟೆವರೆಗೆ ಕೊಡಲು ವಾಟ್ಸ್ಆ್ಯಪ್ ಮುಂದಾಗಿದೆ ಎಂದು ಕೂಡ ವರದಿ ತಿಳಿಸಿದೆ.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.