ಸಂಗೀತಕ್ಕೆ ಗಡಿಯಿಲ್ಲ: ತಾಂಜಾನಿಯಾದ ಯುವಕನ ಹಾಡಿನ ವಿಡಿಯೊ ವೈರಲ್!
Published 30 ನವೆಂಬರ್ 2021, 7:06 IST
ಸಾಮಾಜಿಕ ತಾಣಗಳಲ್ಲಿ ಕಿಲಿ ಪಾಲ್ ವಿಡಿಯೊ ವೈರಲ್
ಬೆಂಗಳೂರು: ಟಿಕ್‌ಟಾಕ್ ಬಂದ ಬಳಿಕ ಹಲವು ಮಂದಿಯ ಪ್ರತಿಭೆಗಳು ಬೆಳಕಿಗೆ ಬಂದವು. ಕೆಲವರು ಟಿಕ್‌ಟಾಕ್ ದುರುಪಯೋಗಪಡಿಸಿಕೊಂಡರೆ ಮತ್ತೆ ಹಲವರು ಅದನ್ನು ಸದುಪಯೋಗಮಾಡಿಕೊಂಡಿದ್ದಾರೆ.
ತಾಂಜಾನಿಯಾ ಮೂಲದ ಯುವಕ ಕಿಲಿ ಪಾಲ್, ತನ್ನ ಸಹೋದರಿಯ ಜತೆಗೂಡಿ ಇಂತಹ ಹಲವು ಮ್ಯೂಸಿಕ್ ಮತ್ತು ಡ್ಯಾನ್ಸ್ ವಿಡಿಯೊಗಳನ್ನು ಟಿಕ್‌ಟಾಕ್ ಮೂಲಕ ಪೋಸ್ಟ್ ಮಾಡಿದ್ದಾರೆ.
ಇತ್ತೀಚೆಗೆ ಕಿಲಿ ಪಾಲ್, ತನ್ನ ಸಹೋದರಿಯ ಜತೆಗೆ 'ಶೇರ್‌ಶಾ' ಚಿತ್ರದ ಜನಪ್ರಿಯ ರಾತನ್ ಲಂಬಿಯಾನ್ ಹಾಡು ಹಾಡಿ ಅದಕ್ಕೆ ನೃತ್ಯ ಮಾಡಿದ್ದಾರೆ.
ಬಾಲಿವುಡ್ ಹಾಡಿನ ಮೇಲಿನ ಪ್ರೀತಿ ಮತ್ತು ಭಾಷೆ ತಿಳಿಯದಿದ್ದರೂ ಅಭಿಮಾನದಿಂದ ನೃತ್ಯ ಮಾಡಿದ ಕಿಲಿ ಪಾಲ್ ವಿಡಿಯೊ ಈಗ ವೈರಲ್ ಆಗಿದೆ.
ಜತೆಗೆ ಸಾಮಾಜಿಕ ತಾಣಗಳಲ್ಲೂ ಹಲವರು ಕಿಲಿ ಪಾಲ್ ವಿಡಿಯೊ ಹಂಚಿಕೊಂಡು ಸಂಭ್ರಮ ಪಟ್ಟಿದ್ದಾರೆ.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.