ಬಾಡಿಗಾರ್ಡ್ ಇಲ್ಲದೆಯೇ ಟಾಟಾ ನ್ಯಾನೋದಲ್ಲಿ ತಾಜ್ ಹೋಟೆಲ್‌ಗೆ ಬಂದ ರತನ್ ಟಾಟಾ
ಬೆಂಗಳೂರು: ಟಾಟಾ ಸಮೂಹದ ಉದ್ಯಮಿ ರತನ್ ಟಾಟಾ ಅವರ ಸರಳತೆಗೆ ಮತ್ತೊಮ್ಮೆ ನೆಟ್ಟಿಗರು ಫಿದಾ ಆಗಿದ್ದಾರೆ.
ಬಹುಕೋಟಿ ಉದ್ಯಮಗಳ ಒಡೆಯರಾಗಿದ್ದರೂ ರತನ್ ಟಾಟಾ ಅವರು ಅತ್ಯಂತ ಸರಳ ಬದುಕಿನ ಮೂಲಕ ಎಲ್ಲರಿಗೂ ಮಾದರಿಯಾಗುವಂತಹ ಜೀವನ ನಡೆಸುತ್ತಿದ್ದಾರೆ.
ಅವರ ಸರಳತೆಯನ್ನು ಮತ್ತೊಮ್ಮೆ ಜನರು ಕಂಡು, ಕೊಂಡಾಡಿದ್ದಾರೆ.
ಮುಂಬೈನ ತಾಜ್ ಹೋಟೆಲ್‌ಗೆ ಯಾವುದೇ ಭದ್ರತಾ ಸಿಬ್ಬಂದಿ, ಆಪ್ತ ಸಹಾಯಕರ ನೆರವಿಲ್ಲದೆ ಟಾಟಾ ನ್ಯಾನೋ ಕಾರಿನಲ್ಲಿ ಬಂದ ರತನ್ ಟಾಟಾ, ನಂತರ ಅಲ್ಲಿನ ಸಿಬ್ಬಂದಿ ಜತೆಗೆ ವಾಪಸ್ ತೆರಳುತ್ತಿರುವ ವಿಡಿಯೊ ಒಂದು ಇಂಟರ್‌ನೆಟ್‌ನಲ್ಲಿ ವೈರಲ್ ಆಗಿದೆ.
ವೈರಲ್ ಭಯಾನಿ ಅವರು ಈ ವಿಡಿಯೊವನ್ನು ಸಾಮಾಜಿಕ ತಾಣಗಳಲ್ಲಿ ಹಂಚಿಕೊಂಡಿದ್ದು, ರತನ್ ಟಾಟಾ ಅವರ ಸರಳತೆಗೆ ಇದೊಂದು ನಿದರ್ಶನ ಎಂದಿದ್ದಾರೆ.
ಟಾಟಾ ಸಮೂಹ ತಾಜ್ ಹೋಟೆಲ್‌ಗಳ ಒಡೆತನ ಹೊಂದಿದೆ. ಅಲ್ಲದೆ, ಟಾಟಾ ಮೋಟಾರ್ಸ್ ತಯಾರಿಸಿರುವ ಕಡಿಮೆ ಬೆಲೆಯ, ಸರಳ ಕಾರು ಎಂದೇ ಹೆಸರು ಗಳಿಸಿದ ಟಾಟಾ ನ್ಯಾನೋ ಕಾರನ್ನೇ ರತನ್ ಟಾಟಾ ಬಳಸುತ್ತಿದ್ದಾರೆ. ಹೀಗಾಗಿ ಅವರ ಸರಳತೆ ಕಂಡು ನೆಟ್ಟಿಗರು, ಫಿದಾ ಆಗಿದ್ದಾರೆ.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.