ಪ್ರಜಾವಾಣಿ ವೆಬ್‌ ಡೆಸ್ಕ್‌
ಸಿಟಡೆಲ್ ಹನಿ ಬನ್ನಿ (Citadel Honey Bunny)
ನ.7ರಂದು ಅಮೆಜಾನ್‌ ಪ್ರೈಮ್‌ನಲ್ಲಿ ಸಿಟಡೆಲ್ ಸರಣಿ ಬಿಡುಗಡೆಯಾಗಿದೆ. ಇದು ಆಕ್ಷನ್‌ ಥ್ರಿಲ್ಲರ್‌ ಸರಣಿಯಾಗಿದೆ. ವರುಣ್‌ ಧವನ್‌, ಸಮಂತಾ ಮುಖ್ಯ ಭೂಮಿಕೆಯಲ್ಲಿ ಕಾಣಿಸಿಕೊಂಡಿದ್ದಾರೆ. ಹಿಂದಿ, ಕನ್ನಡ, ತೆಲುಗು, ತಮಿಳು, ಇಂಗ್ಲೀಷ್‌ ಸೇರಿ ಹಲವು ಭಾಷೆಗಳಲ್ಲಿ ಇದು ಲಭ್ಯವಿದೆ.
ದಿ ಬಕಿಂಗ್‌ ಹ್ಯಾಮ್‌ ಮರ್ಡರ್ಸ್‌
ಬಾಲಿವುಡ್‌ ನಟಿ ಕರೀನಾ ಕಪೂರ್‌ ಮುಖ್ಯಭೂಮಿಕೆಯಲ್ಲಿ ಕಾಣಿಸಿಕೊಂಡಿರುವ ‘ದಿ ಬಕಿಂಗ್‌ ಹ್ಯಾಮ್‌ ಮರ್ಡರ್ಸ್‌’ ಚಿತ್ರ ನ.8 ರಂದು ನೆಟ್‌ಫ್ಲಿಕ್ಸ್‌ನಲ್ಲಿ ಬಿಡುಗಡೆಯಾಗಿದೆ. ತನಿಖಾಧಿಖಾರಿಯಾಗಿ ಕರೀನಾ ಕಾಣಿಸಿಕೊಂಡಿದ್ದಾರೆ. ಇಂಗ್ಲೀಷ್‌, ಹಿಂದಿ ಭಾಷೆಗಳನ್ನು ಸಿನಿಮಾ ವೀಕ್ಷಣೆಗೆ ಲಭ್ಯವಿದೆ.
ವೆಟ್ಟಿಯಾನ್
ಅಮೆಜಾನ್‌ ಪ್ರೈಮ್‌ನಲ್ಲಿ ವೆಟ್ಟಿಯಾನ್ ಸಿನಿಮಾ ಬಿಡುಗಡೆಯಾಗಿದೆ. ತಮಿಳು ಸೂಪರ್‌ ಸ್ಟಾರ್‌ ರಜನಿಕಾಂತ್‌ ನಟನೆಯ ಈ ಚಿತ್ರ ತಮಿಳು, ತೆಲುಗು, ಮಲಯಾಳಂ, ಕನ್ನಡ, ಹಿಂದಿ ಸೇರಿ ಹಲವು ಭಾಷೆಗಳಲ್ಲಿ ಲಭ್ಯವಿದೆ. ಚಿತ್ರದಲ್ಲಿ ಬಾಲಿವುಡ್‌ ನಟ ಅಮಿತಾಬ್‌ ಬಚ್ಚನ್‌, ಕನ್ನಡದ ಕಿಶೋರ್‌, ಫಹಾದ್‌ ಫಾಸಿಲ್‌, ರಾಣಾ ದಗ್ಗುಬಾಟಿ ಹಲವು ಕಾಣಿಸಿಕೊಂಡಿದ್ದಾರೆ.
ದೇವರ
ಜೂ.ಎನ್‌ಟಿಆರ್‌, ಜಾಹ್ನವಿ ಕಪೂರ್‌, ಸೈಫ್‌ ಅಲಿ ಖಾನ್‌ ನಟನೆಯ ‘ದೇವರ’ ಚಿತ್ರ ನೆಟ್‌ಫ್ಲಿಕ್ಸ್‌ನಲ್ಲಿ ಬಿಡುಗಡೆಯಾಗಿದೆ. ಕನ್ನಡ, ತಮಿಳು, ತೆಲುಗು ಸೇರಿ ಹಲವು ಭಾಷೆಗಳಲ್ಲಿ ಚಿತ್ರ ವೀಕ್ಷಿಸಬಹುದು, ಆದರೆ ಹಿಂದಿಯಲ್ಲಿ ಸಿನಿಮಾ ಲಭ್ಯವಿಲ್ಲ.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.
ಇನ್ನುಳಿದಂತೆ ಹಾಟ್‌ಸ್ಟಾರ್‌ನಲ್ಲಿ ಕಾಗಜ್‌–2, ಎ.ಆರ್‌.ಎಂ, ಜಿ5ನಲ್ಲಿ ವೆಬ್‌ ಸರಣಿ ‘ಮಿಥ್ಯಾ’ ಸೇರಿ ಹಲವು ಸಿನಿಮಾ, ಸರಣಿಗಳು ಬಿಡುಗಡೆಯಾಗಿವೆ.