<p>ಅಝಾನ್ ಕೂಗಿದರೂ ಮಸೀದಿಯತ್ತ<br />ತೆರಳುವುದು ಕಡಿಮೆ ಆದರೂ<br />ದಿನವೂ ಅಮ್ಮನ ಕಾಲಿಗೆ ನಮಸ್ಕರಿಸುತ್ತೇನೆ<br />ನಾನು ಒಳ್ಳೆಯ ಮಗನಲ್ಲ,<br />ಎದೆಹಾಲು ಕುಡಿಯುವಾಗ ಒದ್ದಿದ್ದೇನೆ ಅಮ್ಮನೆದೆಗೆ<br />ಅಂಬೆಗಾಲಿನ ಪಾದವೂರುವಾಗ ಆಯ ತಪ್ಪಿ ಕೈ<br />ಹಿಡಿಯ ಬಂದ ಅಮ್ಮನ ಸಿಂಡರಿಸಿ ನಡೆದಿದ್ದೇನೆ<br />ಹಾಲು ಅನ್ನ ಉಣ್ಣುತ್ತಾ ಮೈ ತುಂಬಾ<br />ಚೆಲ್ಲಿಕೊಳ್ಳುತ್ತಿರುವಾಗ ಬಾಯಿ ಒರೆಸಬಂದ ಅಮ್ಮನಿಗೇ ಅಣಕಿಸಿ ಓಡಿದ್ದೇನೆ<br />ಅಮ್ಮ ಎಷ್ಟು ನಕ್ಕಳೋ, ನೊಂದಳೋ, ಅತ್ತಳೋ ಗೊತ್ತಿಲ್ಲ;<br />ಮಸೀದಿಯ ಅಲ್ಲಾನಿಗೂ ಅಮ್ಮನ ಕಂಡರೆ ಅದೇನು ಒಲವೋ<br />ಅವನೂ ‘ಅಮ್ಮನಿಗೆ’ ಶರಣು<br />ನನ್ನ ನಮಸ್ಕಾರದೊಂದಿಗೆ!</p>.<p>ಮನೆಪಾಠ ಬರೆಯುವಾಗೆಲ್ಲ ತಿದ್ದಬಂದ ಅಮ್ಮನಿಗೆ ಮಿಸ್<br />ಹೇಳಿದ್ದೇ ಸರಿ ಅಂತ<br />ಕೆಂಪುಕಣ್ಣು ಬೀರಿದ್ದೇನೆ<br />ಉಣ್ಣೋ ಮುದ್ದೆ, ಉಡೋ ಬಟ್ಟೆಗೆಲ್ಲಾ ಖಂಡಿಸಿ, ಕಾಡಿಸಿ ಪೀಡಿಸಿ ಅಳಿಸಿದ್ದೇನೆ<br />ಅಪ್ಪನಿಗೆ ಕಾಣದೇ ತೆಗೆದಿರಿಸಿದ ಸಾಂಸಾರಿಕ ಚಿಲ್ಲರೆಗಳಿಗೆ<br />ಕಣ್ಣು ಮತ್ತು ಕೈ ಹಾಕಿದ್ದ ತಪ್ಪಿಗೆ<br />ಖುದಾ ಏನೂ ಮಾಡಲಾರ, ಅಮ್ಮನ ಕಾಲೇ ಸ್ವರ್ಗ<br />ಈಗೀಗ ಅವುಗಳೀಗೇ ನಮಸ್ಕಾರ ಹಾಕಿ ತಲೆ ಬಾಗುತ್ತಿದ್ದೇನೆ!</p>.<p>ಎದೆಯುಬ್ಬಿಸಿ ನಡೆ ಎಂದಾಗೆಲ್ಲಾ ಮುಖ ತಿರುಗಿಸಿದ್ದೆ<br />ನಾಲ್ಕು ಜನರಿಗೆ ನೆರಳಾಗು ಎಂದಾಗಲೂ ಆಕಾಶ ನೋಡಿದ್ದೆ<br />ಬಂದವಳನ್ನು ಬಾಳಿಸೆಂದ ಚಣವೂ ಮುನಿಸೆ<br />ಅಮ್ಮನ ಕಣ್ಣೀರ<br />ನನ್ನ ಕೆನ್ನೆಗಿಳಿಸಿಕೊಂಡದ್ದು ಕಡಿಮೆ; ದೇವರುಗಳು ಅವರ ಪಾಡಿಗಿರಲಿ<br />ಅಮ್ಮ ಅಂದರೆ ಸದರ(ವೇ?)<br />ಬಿಡದೇ ದಿನವೂ<br />ನಮಸ್ಕಾರ ಹಾಕುತ್ತಿದ್ದೇನೆ !</p>.<p>ಮೂಲೆ ಹಿಡಿದ ಅಮ್ಮನ ಹಿಡಿದಾಡಿ, ನಡೆದಾಡಿಸಿ<br />ನಾನು ಅಮ್ಮನಾಗಿದ್ದೇನೆ<br />ಅವಳು ಮಗುವಾಗಿದ್ದಾಳೆ<br />ಕಹಿ ಕಷಾಯ ಸಿಹಿಯೆಂದು ನಾ ಹನಿ ಕುಡಿದೇ ಅವಳಿಗೆ ಕುಡಿಸುವಾಗೆಲ್ಲಾ<br />ಮೈ ಮುಖ ಹಿಂಡಿ ಹಿಪ್ಪೆಯಾಗಿಸಿಕೊಂಡ ಅಮ್ಮನೆದುರು<br />ನಾನು ಅಪರಾಧಿ, ಅಲ್ಲಾ ಮಾಫ್ ಮಾಡಲಿ ನನ್ನ<br />ಸದಾ ಅಮ್ಮನ ಕಾಲ್ಮುಟ್ಟಿ ನಮಸ್ಕರಿಸುತ್ತೇನೆ!</p>.<p>ಬಾಬ ಹೋದರು......ಅಮ್ಮ ಅಕ್ಷರಶಃ ಒಂಟಿ<br />ಕಣ್ಣೀರೆ ಸಹವಾಸ, ದಿನಗಳ ಲೆಕ್ಕ ತಸ್ಬಿಯ ಮಣಿಗಳೆಣಿಕೆ<br />ಅನ್ನ-ನೀರು-ಔಷಧ ಗದರಿಸಿ ನೀಡಿದರೂ ಭಯದಿ<br />ಸೇವನೆ ಅಷ್ಟೆ; ನಾನೆಷ್ಟು ಕ್ರೂರಿ?!</p>.<p>ಅಮ್ಮನ ಬಿದ್ದ ಕೈಕಾಲು ನೀವುವಾಗೆಲ್ಲಾ ಸೋತ<br />ಬದುಕಿನ ಪುಟಗಳೇ ಕಣ್ಮುಂದೆ;<br />ಮಸೀದಿಯಲ್ಲಿ ನಾನೆಷ್ಟು ಬಾಗಿದರೇನು<br />ಅವಳ ಮುಖದಿ ಒಂದು ನಗು ತರಿಸುವುದು ದುಬಾರಿ ಸೈ!</p>.<p>ಎಷ್ಟೊಂದು ಮಾತುಗಳು ಅಮ್ಮನ ಕೊರಳಲ್ಲಿ<br />ಇಂಗಿದ್ದು, ಆಡಲು ಹೋಗಿ ತಡವರಿಸಿದ್ದು ಮತ್ತು<br />ಆಡದೇ ಎದೆಯಲ್ಲಿಯೇ ಸಮಾಧಿಯಾಗಿದ್ದು.....<br />ಐದು ಹೊತ್ತೂ ಅಲ್ಲಾ ಹು ಅಕ್ಬರ್ ದನಿಯಿದೆ<br />ಅಮ್ಮ ಈಗಿಲ್ಲ ಅಂತ ಹೇಗೆ ಹೇಳಲಿ?</p>.<p>ಕಂಪ್ಯೂಟರ್ ಪರದೆಯ ಮೇಲೆ ಇದೋ ಅಮ್ಮ ಮೌನವಾಗಿ ನಗುತ್ತಿದ್ದಾಳೆ ಪಟವಾಗಿ<br />ದಿನವೂ ಕಾಲ್ಮುಟ್ಟಿ ನಮಸ್ಕರಿಸುತ್ತೇನೆ<br />ತಪ್ಪು ಹೆಜ್ಜೆಗಳೇ ಕಾಡುತ್ತವೆ, ಕೊರೆಯುತ್ತವೆ<br />ಮತ್ತು ಇದ್ದೂ ಸತ್ತಂತೆ ಭಾಸವಾಗುತ್ತವೆ<br />ಅಮ್ಮನ ಕಾಲುಗಳೇ ನನ್ನ ಪಾಲಿನ ಹಜ್ ಯಾತ್ರೆಯ<br />ರಹದಾರಿಯಾಗಿ ಕಾಣುತ್ತವೆ........ಅಲ್ಲಾ-ಅಮ್ಮ- ಮತ್ತು ನಾನು ನಾಳೆಗಳಿಗೂ ಪ್ರಶ್ನೆಯಾಗಿ ಬೆನ್ನು ಹತ್ತುತ್ತೇವೆ!</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಅಝಾನ್ ಕೂಗಿದರೂ ಮಸೀದಿಯತ್ತ<br />ತೆರಳುವುದು ಕಡಿಮೆ ಆದರೂ<br />ದಿನವೂ ಅಮ್ಮನ ಕಾಲಿಗೆ ನಮಸ್ಕರಿಸುತ್ತೇನೆ<br />ನಾನು ಒಳ್ಳೆಯ ಮಗನಲ್ಲ,<br />ಎದೆಹಾಲು ಕುಡಿಯುವಾಗ ಒದ್ದಿದ್ದೇನೆ ಅಮ್ಮನೆದೆಗೆ<br />ಅಂಬೆಗಾಲಿನ ಪಾದವೂರುವಾಗ ಆಯ ತಪ್ಪಿ ಕೈ<br />ಹಿಡಿಯ ಬಂದ ಅಮ್ಮನ ಸಿಂಡರಿಸಿ ನಡೆದಿದ್ದೇನೆ<br />ಹಾಲು ಅನ್ನ ಉಣ್ಣುತ್ತಾ ಮೈ ತುಂಬಾ<br />ಚೆಲ್ಲಿಕೊಳ್ಳುತ್ತಿರುವಾಗ ಬಾಯಿ ಒರೆಸಬಂದ ಅಮ್ಮನಿಗೇ ಅಣಕಿಸಿ ಓಡಿದ್ದೇನೆ<br />ಅಮ್ಮ ಎಷ್ಟು ನಕ್ಕಳೋ, ನೊಂದಳೋ, ಅತ್ತಳೋ ಗೊತ್ತಿಲ್ಲ;<br />ಮಸೀದಿಯ ಅಲ್ಲಾನಿಗೂ ಅಮ್ಮನ ಕಂಡರೆ ಅದೇನು ಒಲವೋ<br />ಅವನೂ ‘ಅಮ್ಮನಿಗೆ’ ಶರಣು<br />ನನ್ನ ನಮಸ್ಕಾರದೊಂದಿಗೆ!</p>.<p>ಮನೆಪಾಠ ಬರೆಯುವಾಗೆಲ್ಲ ತಿದ್ದಬಂದ ಅಮ್ಮನಿಗೆ ಮಿಸ್<br />ಹೇಳಿದ್ದೇ ಸರಿ ಅಂತ<br />ಕೆಂಪುಕಣ್ಣು ಬೀರಿದ್ದೇನೆ<br />ಉಣ್ಣೋ ಮುದ್ದೆ, ಉಡೋ ಬಟ್ಟೆಗೆಲ್ಲಾ ಖಂಡಿಸಿ, ಕಾಡಿಸಿ ಪೀಡಿಸಿ ಅಳಿಸಿದ್ದೇನೆ<br />ಅಪ್ಪನಿಗೆ ಕಾಣದೇ ತೆಗೆದಿರಿಸಿದ ಸಾಂಸಾರಿಕ ಚಿಲ್ಲರೆಗಳಿಗೆ<br />ಕಣ್ಣು ಮತ್ತು ಕೈ ಹಾಕಿದ್ದ ತಪ್ಪಿಗೆ<br />ಖುದಾ ಏನೂ ಮಾಡಲಾರ, ಅಮ್ಮನ ಕಾಲೇ ಸ್ವರ್ಗ<br />ಈಗೀಗ ಅವುಗಳೀಗೇ ನಮಸ್ಕಾರ ಹಾಕಿ ತಲೆ ಬಾಗುತ್ತಿದ್ದೇನೆ!</p>.<p>ಎದೆಯುಬ್ಬಿಸಿ ನಡೆ ಎಂದಾಗೆಲ್ಲಾ ಮುಖ ತಿರುಗಿಸಿದ್ದೆ<br />ನಾಲ್ಕು ಜನರಿಗೆ ನೆರಳಾಗು ಎಂದಾಗಲೂ ಆಕಾಶ ನೋಡಿದ್ದೆ<br />ಬಂದವಳನ್ನು ಬಾಳಿಸೆಂದ ಚಣವೂ ಮುನಿಸೆ<br />ಅಮ್ಮನ ಕಣ್ಣೀರ<br />ನನ್ನ ಕೆನ್ನೆಗಿಳಿಸಿಕೊಂಡದ್ದು ಕಡಿಮೆ; ದೇವರುಗಳು ಅವರ ಪಾಡಿಗಿರಲಿ<br />ಅಮ್ಮ ಅಂದರೆ ಸದರ(ವೇ?)<br />ಬಿಡದೇ ದಿನವೂ<br />ನಮಸ್ಕಾರ ಹಾಕುತ್ತಿದ್ದೇನೆ !</p>.<p>ಮೂಲೆ ಹಿಡಿದ ಅಮ್ಮನ ಹಿಡಿದಾಡಿ, ನಡೆದಾಡಿಸಿ<br />ನಾನು ಅಮ್ಮನಾಗಿದ್ದೇನೆ<br />ಅವಳು ಮಗುವಾಗಿದ್ದಾಳೆ<br />ಕಹಿ ಕಷಾಯ ಸಿಹಿಯೆಂದು ನಾ ಹನಿ ಕುಡಿದೇ ಅವಳಿಗೆ ಕುಡಿಸುವಾಗೆಲ್ಲಾ<br />ಮೈ ಮುಖ ಹಿಂಡಿ ಹಿಪ್ಪೆಯಾಗಿಸಿಕೊಂಡ ಅಮ್ಮನೆದುರು<br />ನಾನು ಅಪರಾಧಿ, ಅಲ್ಲಾ ಮಾಫ್ ಮಾಡಲಿ ನನ್ನ<br />ಸದಾ ಅಮ್ಮನ ಕಾಲ್ಮುಟ್ಟಿ ನಮಸ್ಕರಿಸುತ್ತೇನೆ!</p>.<p>ಬಾಬ ಹೋದರು......ಅಮ್ಮ ಅಕ್ಷರಶಃ ಒಂಟಿ<br />ಕಣ್ಣೀರೆ ಸಹವಾಸ, ದಿನಗಳ ಲೆಕ್ಕ ತಸ್ಬಿಯ ಮಣಿಗಳೆಣಿಕೆ<br />ಅನ್ನ-ನೀರು-ಔಷಧ ಗದರಿಸಿ ನೀಡಿದರೂ ಭಯದಿ<br />ಸೇವನೆ ಅಷ್ಟೆ; ನಾನೆಷ್ಟು ಕ್ರೂರಿ?!</p>.<p>ಅಮ್ಮನ ಬಿದ್ದ ಕೈಕಾಲು ನೀವುವಾಗೆಲ್ಲಾ ಸೋತ<br />ಬದುಕಿನ ಪುಟಗಳೇ ಕಣ್ಮುಂದೆ;<br />ಮಸೀದಿಯಲ್ಲಿ ನಾನೆಷ್ಟು ಬಾಗಿದರೇನು<br />ಅವಳ ಮುಖದಿ ಒಂದು ನಗು ತರಿಸುವುದು ದುಬಾರಿ ಸೈ!</p>.<p>ಎಷ್ಟೊಂದು ಮಾತುಗಳು ಅಮ್ಮನ ಕೊರಳಲ್ಲಿ<br />ಇಂಗಿದ್ದು, ಆಡಲು ಹೋಗಿ ತಡವರಿಸಿದ್ದು ಮತ್ತು<br />ಆಡದೇ ಎದೆಯಲ್ಲಿಯೇ ಸಮಾಧಿಯಾಗಿದ್ದು.....<br />ಐದು ಹೊತ್ತೂ ಅಲ್ಲಾ ಹು ಅಕ್ಬರ್ ದನಿಯಿದೆ<br />ಅಮ್ಮ ಈಗಿಲ್ಲ ಅಂತ ಹೇಗೆ ಹೇಳಲಿ?</p>.<p>ಕಂಪ್ಯೂಟರ್ ಪರದೆಯ ಮೇಲೆ ಇದೋ ಅಮ್ಮ ಮೌನವಾಗಿ ನಗುತ್ತಿದ್ದಾಳೆ ಪಟವಾಗಿ<br />ದಿನವೂ ಕಾಲ್ಮುಟ್ಟಿ ನಮಸ್ಕರಿಸುತ್ತೇನೆ<br />ತಪ್ಪು ಹೆಜ್ಜೆಗಳೇ ಕಾಡುತ್ತವೆ, ಕೊರೆಯುತ್ತವೆ<br />ಮತ್ತು ಇದ್ದೂ ಸತ್ತಂತೆ ಭಾಸವಾಗುತ್ತವೆ<br />ಅಮ್ಮನ ಕಾಲುಗಳೇ ನನ್ನ ಪಾಲಿನ ಹಜ್ ಯಾತ್ರೆಯ<br />ರಹದಾರಿಯಾಗಿ ಕಾಣುತ್ತವೆ........ಅಲ್ಲಾ-ಅಮ್ಮ- ಮತ್ತು ನಾನು ನಾಳೆಗಳಿಗೂ ಪ್ರಶ್ನೆಯಾಗಿ ಬೆನ್ನು ಹತ್ತುತ್ತೇವೆ!</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
