<p>ಅವಳು ಗೊಂದಲಕ್ಕೆ ಬಿದ್ದಿದ್ದಾಳೆ<br />ಆರಿಸಲಿ ಯಾವುದು? ಇದ್ದ ಬಣ್ಣ, ರೂಪ ತೆಗೆದಿರಿಸಿ<br />ಇಲ್ಲದ್ದಕ್ಕೆ ಕಣ್ಣು ಚೂಪಾಗಿಸಿಕೊಂಡಿದ್ದಾಳೆ<br />ಅಂಗಡಿ ಹುಡುಗ ಇವಳೆದುರು ಮೂಕ<br />ತೆಗೆದಷ್ಟೂ ಸಾಲದು, ರಾಶಿ ಪೇರಿಸಿದಷ್ಟು ಊಹ್ಞುಂ.... ಸಮಾಧಾನವಿಲ್ಲ<br />ಆಕಾಶವಾಣಿಯಲ್ಲಿ ಎಂದೋ ಕೇಳಿದ ಹಾಡಲ್ಲ;<br />ಥಟ್ಟಂತ ನಾಲಗೆಗೆ ಸಖನಾಗಲು!</p>.<p>ಬಟ್ಟೆ ಆಯುವುದೆಂದರೆ<br />ಹೊಸ ಮಳೆಗೆ ರೈತ ನೇಗಿಲು ಹೂಡಿದಂತೆ;<br />ಒಳ ಸಡಗರ ಮತ್ತು ಬಿತ್ತಿ ಬೆಳೆವ ಧ್ಯಾನಸ್ಥ<br />ಮನ ಬಟ್ಟೆ ಅಂಗಡಿ ಹೊಲದಲ್ಲಿ!</p>.<p>ಬಚ್ಚಿಟ್ಟ ಮನದ ಮಾತುಗಳಂತೆ ಮಡಚಿಟ್ಟಿದ್ದ<br />ಸೀರೆಗಳನ್ನು ಎಳೆದೆಳೆದು ಹಾಕುವಾಗ<br />ದುಶ್ಯಾಸನ ಅಂಗಡಿ ಹುಡುಗ; ಕಪ್ಪು ಅಪಶಕುನ ಬೇಡ<br />ಬಿಳಿ ಗಲೀಜು ಬೇಗ, ಹಳದಿ ಗೋಧಿ ಚರ್ಮಕ್ಕೆ ಒಗ್ಗದು<br />ಗುಲಾಬಿ ಕಳೆದ ದೀಪಾವಳಿಯಲ್ಲಿ ಕೊಂಡದ್ದು ಹ್ಯಾಂಗರಲ್ಲಿ ನೇತಾಡುತ್ತಿದೆ<br />ಇದಕ್ಕೆ ಬಾರ್ಡರು ಜರಿ ಕಮ್ಮಿ, ಅದಕ್ಕೆ ಹೂ ಕುಚ್ಚ ಬೇಕಿತ್ತು<br />ಇನ್ನು ಇದು ಸೆರಗು ಇಷ್ಟೇ..... ಸಾಲದು, ಕುಸರಿ ಕೆಲಸ ಅದಕ್ಕೆ ಹೆಚ್ಚಾಯಿತು<br />ಬರಿ ಗೊಣಗಾಟ ಆಯ್ಕೆ ಅಷ್ಟು ಸಲೀಸಾ?</p>.<p>ಡಾಕ್ಟರ್ ಕೊಟ್ಟ ಕಂಬಳಿಹುಳದಕ್ಷರ ಮೆಡಿಕಲ್ ಶಾಪಿನವ ಓದಿ<br />ಕೊಟ್ಟ ಯಾವುದೋ ಔಷಧ ತಂದಂತೆ<br />ಸೀರೆತರಲಾದೀತೇ?<br />ನಂಬಿಕೆ ಜೀವದ್ದು, ಹುಡುಕಾಟ ಜೀವನದ್ದು ಅಷ್ಟೇ!</p>.<p>ಬಂದ ಗಂಡು ಜೀವಗಳು ಯುಟ್ಯೂಬ್ ಬಿಚ್ಚಿ<br />ಕೂತಿದ್ದಾರೆ ಯಾವುದೋ ಮೂಲೆಯಲ್ಲಿ,<br />ಕೆಲವರು ಕೂಸು ಕಂಕುಳಲೆತ್ತಿ ತಳ್ಳುಗಾಡಿಯೆದುರು<br />ಐಸಿಗೆ ನಾಲಗೆ ಹಚ್ಚಿದ್ದಾರೆ!<br />ಎಂದೋ ಮುಟ್ಟಿ ಬಿಟ್ಟ ನೂರಾರು ಸೀರೆ, ನೈಟಿ,<br />ಚೂಡಿ ಬೀರು ಸಾಮ್ರಾಜ್ಯಗಳಲ್ಲಿ<br />ಆಳ್ವಿಕೆ ಮಾಡುತ್ತಿದ್ದರೂ ಹಬ್ಬಕ್ಕೆ ಹೊಸ ಸೀರೆಯ<br />ಅರ್ಜಿಯ ಮೇಲೆ ರಾಯರ ಮರ್ಜಿ ಮುದ್ರೆಯೊತ್ತಿದೆ<br />ಹುಡುಕಾಟ ಜಾರಿಯಿದೆ<br />ಇಡೀ ಅಂಗಡಿ ಕಣ್ಣಳತೆಗೆ ಬಂದರೂ ಇಷ್ಟದ ಬಟ್ಟೆ ಎಟಕುತ್ತಿಲ್ಲ<br />ಆಯ್ಕೆ ಮನಸಿನದ, ಬಟ್ಟೆಯದಾ ರಂಗೋಲಿಯಾಗದ ಚುಕ್ಕಿ<br />ಮನಸ್ಸು!</p>.<p>ಆರಿಸುವುದೆಂದರೆ ಅವ್ವ, ಬಿದಿರ ಮೊರದಿ ಅಕ್ಕಿ<br />ಸುರಿದು ಕಲ್ಲು ಭತ್ತ ತೆಗೆದೆಸೆದಂತಲ್ಲ<br />ಸ್ವಾಮಿ, ಸೀರೆಯಿದು ಕಣ್ ಕುಕ್ಕುವ ಭರದಿ ಮನಪಟವಾಗುವ<br />ದಿಲ್ ದಾರ್ ಆಯ್ಕೆಯಿದು, ಇದು ಇಂದಿನ ಕಥೆಯಲ್ಲ<br />ನೂರು ಜಿಂಕೆಯಿದ್ದರೂ ಸೀತೆ ಕನಸಿದ್ದು ಚಿನ್ನದ್ದನ್ನೆ;<br />ಅಹಲ್ಯೆಯ ಮನ ಮಥನಗೈದದ್ದು, ಇದ್ದುದ ಬಿಟ್ಟು<br />ಕಲ್ಲಾಗಿದ್ದು!</p>.<p>ಬಟ್ಟೆ ಅಂಗಡಿ ನೆಪ, ನಮ್ಮ ನಡುವಿನ ನೂರು ಆಯ್ಕೆಗೆ<br />ಸಾವಿರ ಕಣ್ಣು;<br />ಅವಳ ಗೊಂದಲ ನಮ್ಮ ಗೊಂದಲ ನಡೆದಿದೆ ದಿನಾ ಹುಡುಕಾಟ<br />ಬೇಕಾದ್ದು ಸಿಕ್ಕ ಕ್ಷಣ ಅಂಗಡಿ ಬಂದ್!!</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಅವಳು ಗೊಂದಲಕ್ಕೆ ಬಿದ್ದಿದ್ದಾಳೆ<br />ಆರಿಸಲಿ ಯಾವುದು? ಇದ್ದ ಬಣ್ಣ, ರೂಪ ತೆಗೆದಿರಿಸಿ<br />ಇಲ್ಲದ್ದಕ್ಕೆ ಕಣ್ಣು ಚೂಪಾಗಿಸಿಕೊಂಡಿದ್ದಾಳೆ<br />ಅಂಗಡಿ ಹುಡುಗ ಇವಳೆದುರು ಮೂಕ<br />ತೆಗೆದಷ್ಟೂ ಸಾಲದು, ರಾಶಿ ಪೇರಿಸಿದಷ್ಟು ಊಹ್ಞುಂ.... ಸಮಾಧಾನವಿಲ್ಲ<br />ಆಕಾಶವಾಣಿಯಲ್ಲಿ ಎಂದೋ ಕೇಳಿದ ಹಾಡಲ್ಲ;<br />ಥಟ್ಟಂತ ನಾಲಗೆಗೆ ಸಖನಾಗಲು!</p>.<p>ಬಟ್ಟೆ ಆಯುವುದೆಂದರೆ<br />ಹೊಸ ಮಳೆಗೆ ರೈತ ನೇಗಿಲು ಹೂಡಿದಂತೆ;<br />ಒಳ ಸಡಗರ ಮತ್ತು ಬಿತ್ತಿ ಬೆಳೆವ ಧ್ಯಾನಸ್ಥ<br />ಮನ ಬಟ್ಟೆ ಅಂಗಡಿ ಹೊಲದಲ್ಲಿ!</p>.<p>ಬಚ್ಚಿಟ್ಟ ಮನದ ಮಾತುಗಳಂತೆ ಮಡಚಿಟ್ಟಿದ್ದ<br />ಸೀರೆಗಳನ್ನು ಎಳೆದೆಳೆದು ಹಾಕುವಾಗ<br />ದುಶ್ಯಾಸನ ಅಂಗಡಿ ಹುಡುಗ; ಕಪ್ಪು ಅಪಶಕುನ ಬೇಡ<br />ಬಿಳಿ ಗಲೀಜು ಬೇಗ, ಹಳದಿ ಗೋಧಿ ಚರ್ಮಕ್ಕೆ ಒಗ್ಗದು<br />ಗುಲಾಬಿ ಕಳೆದ ದೀಪಾವಳಿಯಲ್ಲಿ ಕೊಂಡದ್ದು ಹ್ಯಾಂಗರಲ್ಲಿ ನೇತಾಡುತ್ತಿದೆ<br />ಇದಕ್ಕೆ ಬಾರ್ಡರು ಜರಿ ಕಮ್ಮಿ, ಅದಕ್ಕೆ ಹೂ ಕುಚ್ಚ ಬೇಕಿತ್ತು<br />ಇನ್ನು ಇದು ಸೆರಗು ಇಷ್ಟೇ..... ಸಾಲದು, ಕುಸರಿ ಕೆಲಸ ಅದಕ್ಕೆ ಹೆಚ್ಚಾಯಿತು<br />ಬರಿ ಗೊಣಗಾಟ ಆಯ್ಕೆ ಅಷ್ಟು ಸಲೀಸಾ?</p>.<p>ಡಾಕ್ಟರ್ ಕೊಟ್ಟ ಕಂಬಳಿಹುಳದಕ್ಷರ ಮೆಡಿಕಲ್ ಶಾಪಿನವ ಓದಿ<br />ಕೊಟ್ಟ ಯಾವುದೋ ಔಷಧ ತಂದಂತೆ<br />ಸೀರೆತರಲಾದೀತೇ?<br />ನಂಬಿಕೆ ಜೀವದ್ದು, ಹುಡುಕಾಟ ಜೀವನದ್ದು ಅಷ್ಟೇ!</p>.<p>ಬಂದ ಗಂಡು ಜೀವಗಳು ಯುಟ್ಯೂಬ್ ಬಿಚ್ಚಿ<br />ಕೂತಿದ್ದಾರೆ ಯಾವುದೋ ಮೂಲೆಯಲ್ಲಿ,<br />ಕೆಲವರು ಕೂಸು ಕಂಕುಳಲೆತ್ತಿ ತಳ್ಳುಗಾಡಿಯೆದುರು<br />ಐಸಿಗೆ ನಾಲಗೆ ಹಚ್ಚಿದ್ದಾರೆ!<br />ಎಂದೋ ಮುಟ್ಟಿ ಬಿಟ್ಟ ನೂರಾರು ಸೀರೆ, ನೈಟಿ,<br />ಚೂಡಿ ಬೀರು ಸಾಮ್ರಾಜ್ಯಗಳಲ್ಲಿ<br />ಆಳ್ವಿಕೆ ಮಾಡುತ್ತಿದ್ದರೂ ಹಬ್ಬಕ್ಕೆ ಹೊಸ ಸೀರೆಯ<br />ಅರ್ಜಿಯ ಮೇಲೆ ರಾಯರ ಮರ್ಜಿ ಮುದ್ರೆಯೊತ್ತಿದೆ<br />ಹುಡುಕಾಟ ಜಾರಿಯಿದೆ<br />ಇಡೀ ಅಂಗಡಿ ಕಣ್ಣಳತೆಗೆ ಬಂದರೂ ಇಷ್ಟದ ಬಟ್ಟೆ ಎಟಕುತ್ತಿಲ್ಲ<br />ಆಯ್ಕೆ ಮನಸಿನದ, ಬಟ್ಟೆಯದಾ ರಂಗೋಲಿಯಾಗದ ಚುಕ್ಕಿ<br />ಮನಸ್ಸು!</p>.<p>ಆರಿಸುವುದೆಂದರೆ ಅವ್ವ, ಬಿದಿರ ಮೊರದಿ ಅಕ್ಕಿ<br />ಸುರಿದು ಕಲ್ಲು ಭತ್ತ ತೆಗೆದೆಸೆದಂತಲ್ಲ<br />ಸ್ವಾಮಿ, ಸೀರೆಯಿದು ಕಣ್ ಕುಕ್ಕುವ ಭರದಿ ಮನಪಟವಾಗುವ<br />ದಿಲ್ ದಾರ್ ಆಯ್ಕೆಯಿದು, ಇದು ಇಂದಿನ ಕಥೆಯಲ್ಲ<br />ನೂರು ಜಿಂಕೆಯಿದ್ದರೂ ಸೀತೆ ಕನಸಿದ್ದು ಚಿನ್ನದ್ದನ್ನೆ;<br />ಅಹಲ್ಯೆಯ ಮನ ಮಥನಗೈದದ್ದು, ಇದ್ದುದ ಬಿಟ್ಟು<br />ಕಲ್ಲಾಗಿದ್ದು!</p>.<p>ಬಟ್ಟೆ ಅಂಗಡಿ ನೆಪ, ನಮ್ಮ ನಡುವಿನ ನೂರು ಆಯ್ಕೆಗೆ<br />ಸಾವಿರ ಕಣ್ಣು;<br />ಅವಳ ಗೊಂದಲ ನಮ್ಮ ಗೊಂದಲ ನಡೆದಿದೆ ದಿನಾ ಹುಡುಕಾಟ<br />ಬೇಕಾದ್ದು ಸಿಕ್ಕ ಕ್ಷಣ ಅಂಗಡಿ ಬಂದ್!!</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
