<p>ಕೊಬ್ಬಿದ ಕನಸೊಂದು ಏರಿ ಬಂದು<br />ಮಬ್ಬಿನ ಬೆಳಕನ್ನು ಸುಲಿದು ಮೇಯ್ದು<br />ನಿಬ್ಬೆರಗಿನ ಸುಳಿವುಗೊಡದೆ ಹೆಬ್ಬಿರುಳಿಗೆ ಜಾರಿತು!</p>.<p>ಉಬ್ಬಿಲ್ಲದ ದಾರಿಯೊಳು ಕೊಂಬಿಲ್ಲದ ಹೋರಿ<br />ತನ್ನ ತಾನೇ ಗುಮ್ಮುತ್ತಾ ಬಂದಿತು<br />ಗೊರಸು ಕಾಲಿನಿಂದ ಮಿಂಚೊಂದ ಗೀರುತ್ತಾ<br />ಬಿರುಸು ಬಯಕೆಗಳನ್ನುಕ್ಕಿಸಿ ಗಾಳಿಗೆ ಹಾರಿತು!</p>.<p>ಇಬ್ಬಾಗಿಲುಗಳು ಒಮ್ಮೆಲೇ ತೆರೆದವು<br />ಕೆನ್ನಾಲಿಗೆಗಳು ತಂತಾನೇ ಚಾಚಿಕೊಂಡವು<br />ಬಾವುಲಿಗಳು ಬೆಳ್ಳಗಾದವು; ಉರಿಗದ್ದುಗೆಗಳು ತಣ್ಣಗಾದವು<br />ಹೆಬ್ಬಾವುಗಳ ಉಸಿರುಘಮಲಿಗೆ ಬಿರಿದವು ಹೂವುಗಳು!</p>.<p>ಒಬ್ಬೊಬ್ಬರಾಗಿ ಬಂದವರು ಇಬ್ಬಿಬ್ಬರಾಗಿ ಕಂಡರು<br />ಉಗುರು ಎಬ್ಬಿರುವ ಕೈಗಳಲಿ ನೀರು ಮೊಗೆದರು<br />ರಕ್ತಗಂಪಿನ ನೀರು; ಹಸಿರು ಕಳಚಿದ ಪೈರು<br />ರೈತರು ತರುಗಳಾದರು, ತರಗೆಲೆಗಳಾದರು,<br />ಕಿಕ್ಕಿರಿದರು, ಕಿರಿದಾದರು, ಕುರುಹುಗಳನ್ನೇ ಕಳಕೊಂಡರು!</p>.<p>ನಂಬಿದ ದ್ಯಾವರೇ ಕೊಂಬೆಯ ಕಡಿದಂತೆ<br />ತುಂಬಿದ ಹೊಳೆಯೊಳು ದಾವುರ ಉಕ್ಕಿದಂತೆ<br />ತಬ್ಬಿಬ್ಬು ಚಿಟ್ಟೆಯ ರೆಕ್ಕೆ ಸಪ್ಪಳಕ್ಕೆ ಮುಗಿಲು ಕಳಚಿದಂತೆ<br />ಅವನಿವಳಾದಳು; ಇವಳವನಾದನು<br />ಹಿಮಬೆಟ್ಟದೊಳು ಧ್ಯಾನಕ್ಕೆ ಕುಂತವನು<br />ಧಗೆಯಿಂದ ಸತ್ತನು!</p>.<p>ಕವುಚಿಟ್ಟ ಕೋಳಿಗಳ ಕೂಗಿಗೆ ಪಂಜರ ಬೆಚ್ಚಿದ್ದು<br />ನೋವುಗಳ ನೇಯ್ದ ಲಾಳಿಗಳು ತೊಳಲಾಡಿದ್ದು<br />ಗೆಬರಲು ಬಂದ ರಣಹದ್ದುಗಳನ್ನೇ<br />ಬೇಟೆಯಾಡಿದ ಗುಬ್ಬಚ್ಚಿಗಳು ಆಗಸಕೆ ರೆಕ್ಕೆ ಬಡಿದದ್ದು<br />ಎಲ್ಲೆಲ್ಲೂ ಸದ್ದು ಸದ್ದು; ಅದೆಂತಹ ಮಹಾ ಘನ ಸದ್ದೆಂದರೆ<br />ಹಸಿ ಮಡಕೆಯ ಮಣ್ಣು ಚಿಗುರುವ ಸದ್ದು!<br /><br />ಎದುರಿದ್ದ ದಾರಿ ಹಿಂದುಮುಂದಾಯಿತು<br />ಕಣ್ಣೆವೆಗೆ ತಾಗಿದ ಗುರಿ ಮುಗ್ಗರಿಸಿ ಬಿದ್ದಿತು<br />ನೋಟ ನೆಟ್ಟಷ್ಟೂ ಬಟಾಬಯಲು ಮರುಹುಟ್ಟು ಹಾಕಿತು<br />ಕುಲ ಹೊಲ ಸಕಲ ಕೆಟ್ಟಷ್ಟೂ ಹೊಸ ಸೃಷ್ಟಿಯಾಯಿತು<br />ಹೀಗಾಯಿತು ಹಾಗಾಯಿತು ಲಗಾಯತ್ತಿನಿಂದಲೂ<br />ಕನಸುಗಳು ಎತ್ತರಕ್ಕೆ ಜಿಗಿದು ಧುತ್ತರಕ್ಕೆ ಇಳಿದು<br />ಇಲ್ಲದಂತೆಯೇ ಇದ್ದು ಇರುವಂತೆಯೇ ಇಲ್ಲವಾಯಿತು!</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಕೊಬ್ಬಿದ ಕನಸೊಂದು ಏರಿ ಬಂದು<br />ಮಬ್ಬಿನ ಬೆಳಕನ್ನು ಸುಲಿದು ಮೇಯ್ದು<br />ನಿಬ್ಬೆರಗಿನ ಸುಳಿವುಗೊಡದೆ ಹೆಬ್ಬಿರುಳಿಗೆ ಜಾರಿತು!</p>.<p>ಉಬ್ಬಿಲ್ಲದ ದಾರಿಯೊಳು ಕೊಂಬಿಲ್ಲದ ಹೋರಿ<br />ತನ್ನ ತಾನೇ ಗುಮ್ಮುತ್ತಾ ಬಂದಿತು<br />ಗೊರಸು ಕಾಲಿನಿಂದ ಮಿಂಚೊಂದ ಗೀರುತ್ತಾ<br />ಬಿರುಸು ಬಯಕೆಗಳನ್ನುಕ್ಕಿಸಿ ಗಾಳಿಗೆ ಹಾರಿತು!</p>.<p>ಇಬ್ಬಾಗಿಲುಗಳು ಒಮ್ಮೆಲೇ ತೆರೆದವು<br />ಕೆನ್ನಾಲಿಗೆಗಳು ತಂತಾನೇ ಚಾಚಿಕೊಂಡವು<br />ಬಾವುಲಿಗಳು ಬೆಳ್ಳಗಾದವು; ಉರಿಗದ್ದುಗೆಗಳು ತಣ್ಣಗಾದವು<br />ಹೆಬ್ಬಾವುಗಳ ಉಸಿರುಘಮಲಿಗೆ ಬಿರಿದವು ಹೂವುಗಳು!</p>.<p>ಒಬ್ಬೊಬ್ಬರಾಗಿ ಬಂದವರು ಇಬ್ಬಿಬ್ಬರಾಗಿ ಕಂಡರು<br />ಉಗುರು ಎಬ್ಬಿರುವ ಕೈಗಳಲಿ ನೀರು ಮೊಗೆದರು<br />ರಕ್ತಗಂಪಿನ ನೀರು; ಹಸಿರು ಕಳಚಿದ ಪೈರು<br />ರೈತರು ತರುಗಳಾದರು, ತರಗೆಲೆಗಳಾದರು,<br />ಕಿಕ್ಕಿರಿದರು, ಕಿರಿದಾದರು, ಕುರುಹುಗಳನ್ನೇ ಕಳಕೊಂಡರು!</p>.<p>ನಂಬಿದ ದ್ಯಾವರೇ ಕೊಂಬೆಯ ಕಡಿದಂತೆ<br />ತುಂಬಿದ ಹೊಳೆಯೊಳು ದಾವುರ ಉಕ್ಕಿದಂತೆ<br />ತಬ್ಬಿಬ್ಬು ಚಿಟ್ಟೆಯ ರೆಕ್ಕೆ ಸಪ್ಪಳಕ್ಕೆ ಮುಗಿಲು ಕಳಚಿದಂತೆ<br />ಅವನಿವಳಾದಳು; ಇವಳವನಾದನು<br />ಹಿಮಬೆಟ್ಟದೊಳು ಧ್ಯಾನಕ್ಕೆ ಕುಂತವನು<br />ಧಗೆಯಿಂದ ಸತ್ತನು!</p>.<p>ಕವುಚಿಟ್ಟ ಕೋಳಿಗಳ ಕೂಗಿಗೆ ಪಂಜರ ಬೆಚ್ಚಿದ್ದು<br />ನೋವುಗಳ ನೇಯ್ದ ಲಾಳಿಗಳು ತೊಳಲಾಡಿದ್ದು<br />ಗೆಬರಲು ಬಂದ ರಣಹದ್ದುಗಳನ್ನೇ<br />ಬೇಟೆಯಾಡಿದ ಗುಬ್ಬಚ್ಚಿಗಳು ಆಗಸಕೆ ರೆಕ್ಕೆ ಬಡಿದದ್ದು<br />ಎಲ್ಲೆಲ್ಲೂ ಸದ್ದು ಸದ್ದು; ಅದೆಂತಹ ಮಹಾ ಘನ ಸದ್ದೆಂದರೆ<br />ಹಸಿ ಮಡಕೆಯ ಮಣ್ಣು ಚಿಗುರುವ ಸದ್ದು!<br /><br />ಎದುರಿದ್ದ ದಾರಿ ಹಿಂದುಮುಂದಾಯಿತು<br />ಕಣ್ಣೆವೆಗೆ ತಾಗಿದ ಗುರಿ ಮುಗ್ಗರಿಸಿ ಬಿದ್ದಿತು<br />ನೋಟ ನೆಟ್ಟಷ್ಟೂ ಬಟಾಬಯಲು ಮರುಹುಟ್ಟು ಹಾಕಿತು<br />ಕುಲ ಹೊಲ ಸಕಲ ಕೆಟ್ಟಷ್ಟೂ ಹೊಸ ಸೃಷ್ಟಿಯಾಯಿತು<br />ಹೀಗಾಯಿತು ಹಾಗಾಯಿತು ಲಗಾಯತ್ತಿನಿಂದಲೂ<br />ಕನಸುಗಳು ಎತ್ತರಕ್ಕೆ ಜಿಗಿದು ಧುತ್ತರಕ್ಕೆ ಇಳಿದು<br />ಇಲ್ಲದಂತೆಯೇ ಇದ್ದು ಇರುವಂತೆಯೇ ಇಲ್ಲವಾಯಿತು!</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
