ದಿನದ ಸೂಕ್ತಿ: ಅಲ್ಲೂ ಇಲ್ಲ, ಇಲ್ಲೂ ಇಲ್ಲ!

ಯೇ ಚ ಮೂಢತಮಾ ಲೋಕೇ ಯೇ ಚ ಬುದ್ಧೇಃ ಪರಂಗತಾಃ ।

. ತೇ ನರಾಃ ಸುಖಮೇಧಂತೇ ಕ್ಲಿಶ್ಯತ್ಯಂತರಿತೋ ಜನಃ ।।

. ಇದರ ತಾತ್ಪರ್ಯ ಹೀಗೆ:

. ‘ಲೋಕದಲ್ಲಿ ಯಾರು ಅತ್ಯಂತ ಮೂಢರೋ ಮತ್ತು ಯಾರೂ ಮಹಾಬುದ್ಧಿಶಾಲಿಗಳೋ ಅವರು ಸುಖವಾಗಿ ಏಳ್ಗೆಯನ್ನು ಹೊಂದುತ್ತಾರೆ; ಮಧ್ಯಮರು ಮಾತ್ರ ಕಷ್ಟಪಡುತ್ತಾರೆ.’

. ತುಂಬ ಹಣ ಇದ್ದರೂ ಚಿಂತೆಯಲ್ಲೂ, ಹಣವೇ ಇಲ್ಲದಿದ್ದರೂ ಚಿಂತೆಯಿಲ್ಲ; ಆದರೆ ಅಲ್ಪ ಸ್ವಲ್ಪ ದುಡ್ಡಿದ್ದವರಿಗೆ ಚಿಂತೆಯೋ ಚಿಂತೆ. ಇರುವ ಕಾಸಿನಲ್ಲಿ ಉಪ್ಪಿಗೆ ಕೊಟ್ಟರೆ ಮೆಣಸಿನಕಾಯಿಗೆ ಸಾಲದು, ಮೆಣಸಿನಕಾಯಿಗೆ ಕೊಟ್ಟರೆ ಉಪ್ಪಿಗೆ ಸಾಲದು – ಇದು ಅವರ ಪರಿಸ್ಥಿತಿ; ಹೀಗಾಗಿ ಚಿಂತೆ.

. ಸುಭಾಷಿತ ಹೇಳುತ್ತಿರುವುದು ಇನ್ನೊಂದು ವಿಧದ ವಿದ್ಯಮಾನವನ್ನು.

. ಯಾರು ಪೂರ್ಣ ದಡ್ಡರೋ ಅವರೂ ಸುಖವಾಗಿರುತ್ತಾರೆ. ಯಾರು ಪೂರ್ಣ ಬುದ್ಧಿವಂತರೋ ಅವರೂ ಸುಖವಾಗಿರುತ್ತಾರೆ. ಆದರೆ ಸ್ವಲ್ಪ ದಡ್ಡತನ, ಸ್ವಲ್ಪ ಬುದ್ಧಿವಂತತನ ಇದ್ದವರು ಮಾತ್ರ – ಎಂದರೆ ಮಧ್ಯಮರು – ತೊಂದರೆಯನ್ನು ಅನುಭವಿಸುತ್ತಿರುತ್ತಾರೆ.

. ಇದು ಹೇಗೆ? ಪೂರ್ಣ ದಡ್ಡರಿಗೆ ವಿಷಯವೇ ಗೊತ್ತಿರುವುದಿಲ್ಲ. ಹೀಗಾಗಿ ಅವರು ಯಾವುದರ ಬಗ್ಗೆಯೂ ಯೋಚಿಸುವುದಿಲ್ಲ; ಅವರು ನೆಮ್ಮದಿಯನ್ನೂ ಹಾಳುಮಾಡಿಕೊಳ್ಳುವುದಿಲ್ಲ. ಇನ್ನು ಪೂರ್ಣ ಬುದ್ಧಿವಂತರು; ಅವರಿಗೆ ವಿಷಯದ ಪರಿಜ್ಞಾನ ಚೆನ್ನಾಗಿರುತ್ತದೆ. ಆದ್ದರಿಂದ ಅವರು ಯಾವ ಸಂದರ್ಭದಲ್ಲಿ ಹೇಗೆ ನಡೆದುಕೊಳ್ಳಬೇಕು ಎನ್ನುವುದರ ಸ್ಪಷ್ಟತೆ ಕೂಡ ಇರುತ್ತದೆ. ಹೀಗಾಗಿ ಇವರೂ ನೆಮ್ಮದಿಯಿಂದ ಇರಬಲ್ಲರು.

. ಆದರೆ ಸ್ವಲ್ಪ ಬುದ್ಧಿ, ಸ್ವಲ್ಪ ಮೌಢ್ಯ ಇದ್ದವರು ಮಾತ್ರ, ಪಾಪ, ನೆಮ್ಮದಿಯನ್ನು ಕಳೆದುಕೊಂಡು ಸಂಕಟಪಡುತ್ತಿರುತ್ತಾರೆ. ಅವರಿಗೆ ಪೂರ್ಣವಾದ ಮಾಹಿತಿ ಇದೆ ಎನ್ನುವಂತೆಯೂ ಇಲ್ಲ, ಇಲ್ಲ ಎನ್ನುವಂತೆಯೂ ಇಲ್ಲ; ಹೀಗಾಗಿ ಅವರಿಗೆ ಸಂಕಟ ತಪ್ಪಿದ್ದಲ್ಲ.

. ಉದಾಹರಣೆಯೊಂದಿಗೆ ಇಲ್ಲಿ ವಿಶ್ಲೇಷಣೆ ನಡೆಸಬಹುದು. ಕೊವಿಡ್ ಬಗ್ಗೆ ಪೂರ್ಣವಾದ ಮಾಹಿತಿ ಇರುವವನು ಎಚ್ಚರಿಕೆಯಿಂದ ಇರಬಲ್ಲ; ಅವನಿಗೆ ಆತಂಕ ಇಲ್ಲ. ಏನೂ ಗೊತ್ತಿಲ್ಲದವನು, ಅವನಿಗೆ ಕೋವಿಡ್–19 ಎಂಬ ರೋಗ ಇದೆ ಎನ್ನುವ ಸಂಗತಿಯೇ ಗೊತ್ತಿಲ್ಲ. ಹೀಗಾಗಿ ಅವನಿಗೂ ಆತಂಕವಿಲ್ಲ; ಅವನು ನೆಮ್ಮದಿಯನ್ನೂ ಕಳೆದುಕೊಳ್ಳುವುದಿಲ್ಲ. ಆದರೆ ಕೊವಿಡ್ ಬಗ್ಗೆ ಅಲ್ಪಸ್ವಲ್ಪ ತಿಳಿದುಕೊಂಡನಿಗೆ ಸಂಕಟವೋ ಸಂಕಟ! ಇವನಿಗೆ ಕೈ ಚೆನ್ನಾಗಿ ತೊಳೆದುಕೊಳ್ಳಬೇಕೆಂದು ಗೊತ್ತಿರುತ್ತದೆ. ಆದರೆ ಸೋಪ್ನಿಂದ ತೊಳೆದುಕೊಂಡರೆ ಒಳ್ಳೆಯದೋ ಸ್ಯಾನಿಟೈಸರ್ನಿಂದ ತೊಳೆದುಕೊಂಡರೆ ಒಳ್ಳೆಯದೋ – ಈ ವಿಷಯದಲ್ಲಿ ಅವನಿಗೆ ಗೊಂದಲ. ಈ ಕಾರಣದಿಂದ ಅವನಿಗೆ ಆತಂಕವೂ ಎದುರಾಗುತ್ತದೆ; ನೆಮ್ಮದಿಯೂ ಹಾಳಾಗುತ್ತದೆ.

. ಹಾಗಾದರೆ ನಾವು ಏನು ಮಾಡಬೇಕು? ಪೂರ್ಣವಾದ ಬುದ್ಧಿಯನ್ನು ಸಂಪಾದಿಸುವುದು ಸುಲಭವಲ್ಲ. ಆದುದರಿಂದ ನಾವೆಲ್ಲರೂ ಪರಿಶ್ರಮವನ್ನು ಪಡದೆ ಪೂರ್ಣ ಮೌಢ್ಯದಲ್ಲಿಯೇ ಇದ್ದುಬಿಡೋಣವೆ?

. ಸುಭಾಷಿತ ಇಲ್ಲಿ ಅದನ್ನು ಹೇಳುತ್ತಿರುವುದಲ್ಲ. ನಾವು ಚೂರೋ ಪಾರೋ ವಿಷಯವನ್ನು ತಿಳಿದುಕೊಂಡು ಬೃಹಸ್ಪತಿಗಳಂತೆ ವರ್ತಿಸತೊಡಗಿದರೆ, ಅದರಿಂದ ನಮಗೆ ದುಃಖ ತಪ್ಪಿದ್ದಲ್ಲ!

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ದಿನದ ಸೂಕ್ತಿ: ಅಲ್ಲೂ ಇಲ್ಲ, ಇಲ್ಲೂ ಇಲ್ಲ!

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

₹10 ಲಕ್ಷ ಲಂಚದೊಂದಿಗೆ ಲೋಕಾಯುಕ್ತ ಪೊಲೀಸರ ಬಲೆಗೆ ಬಿದ್ದ ಬುಡಾ ಆಯುಕ್ತ

ಚಿನ್ನ: 10 ಗ್ರಾಂಗೆ ₹1,100 ಏರಿಕೆ

ಚುರುಮುರಿ: ಐಪಿಎಲ್- ಬಿಪಿಎಲ್!

Perth Test: ಬೂಮ್ರಾಗೆ ಐದು ವಿಕೆಟ್, ಆಸೀಸ್ 104ಕ್ಕೆ ಆಲೌಟ್, ಭಾರತಕ್ಕೆ ಮುನ್ನಡೆ

ಚಿನ್ನಸ್ವಾಮಿ ಕ್ರೀಡಾಂಗಣದ ಸ್ಟ್ಯಾಂಡ್‌ಗಳಿಗೆ ದಿಗ್ಗಜ ಕ್ರಿಕೆಟಿಗರ ಹೆಸರು?

ಅಂಧರ ಚೆಸ್: ತೆಲಂಗಾಣದ ಆಕಾಶ್‌ಗೆ ಪ್ರಶಸ್ತಿ

ಅಖಿಲ ಭಾರತ ಅಂತರ ವಿವಿ ‍ಪುರುಷರ ಕಬಡ್ಡಿ: ದಕ್ಷಿಣದ ತಂಡಗಳಿಗೆ ಉತ್ತರದ ಪೆಟ್ಟು

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

₹10 ಲಕ್ಷ ಲಂಚದೊಂದಿಗೆ ಲೋಕಾಯುಕ್ತ ಪೊಲೀಸರ ಬಲೆಗೆ ಬಿದ್ದ ಬುಡಾ ಆಯುಕ್ತ

ಚಿನ್ನ: 10 ಗ್ರಾಂಗೆ ₹1,100 ಏರಿಕೆ

ಚುರುಮುರಿ: ಐಪಿಎಲ್- ಬಿಪಿಎಲ್!