ಆಷಾಢ: ಗುಳ್ಳವನ ಪೂಜೆಯ ಸಂಭ್ರಮ

ಬೈಲಹೊಂಗಲ: ಆಷಾಢ ಮಾಸದ ಮಂಗಳವಾರ ಎಂದರೆ ಉತ್ತರ ಕರ್ನಾಟಕದ ಹಳ್ಳಿಯ ಮಹಿಳೆಯರಿಗೆ ಎಲ್ಲಿಲ್ಲದ ಸಡಗರ. ಈ ದಿನಗಳಲ್ಲಿ ಮನೆ, ಮನೆಗಳಲ್ಲಿ ಗುಳ್ಳವ್ವನ ಪೂಜೆ ನಡೆಯುತ್ತದೆ.

. ಪಟ್ಟಣ ಸೇರಿದಂತೆ ತಾಲ್ಲೂಕಿನಾದ್ಯಂತ ಕುಂಬಾರರು ತಯಾರಿಸಿದ ಗುಳ್ಳವ್ವ, ಈಶ್ವರ, ಬಸವಣ್ಣನ ಮೂರ್ತಿಗಳನ್ನು ಜನರು ಮಂಗಳವಾರ ಮನೆಗೆ ಕೊಂಡೊಯ್ದು ಪೂಜೆ ಸಲ್ಲಿಸಿದರು. ಗುಳ್ಳವ್ವನನ್ನು ಗುಲಗಂಜಿ, ಜೋಳ, ಅಗಸಿ, ಗೋಧಿ, ವಿವಿಧ ಧಾನ್ಯಗಳಿಂದ ಸಿಂಗರಿಸಲಾಗಿತ್ತ. ಜಾಲಿಗಿಡದ ಹಸಿರು ಮೊಗ್ಗು, ಹಳದಿ, ಹೂವುಗಳಿಂದಲೂ ಅಲಂಕರಿಸಲಾಗಿತ್ತು.

. ಆಷಾಢ ಮಾಸದ ಪ್ರತಿ ಮಂಗಳವಾರ ಮಣ್ಣಿನ ಗುಳ್ಳವ್ವಗಳನ್ನು ತಯಾರಿಸಿ ಪೂಜಿಸುವುದು ಸಂಪ್ರದಾಯ. ಮೊದಲೆಲ್ಲ ಮಹಿಳೆಯರು ನದಿ, ಕೆರೆಯ ದಡದ ಮಣ್ಣು ತಂದು ಸೋಮವಾರದಿಂದಲೇ ಗುಳ್ಳವ್ವನನ್ನು ತಯಾರಿಸುತ್ತಿದ್ದರು. ನಂತರ ಕುಂಬಾರರು ತಯಾರಿಸಿ ಮಣೆ ಮೇಲೆ ಮಣ್ಣಿನ ಗುಳ್ಳವ್ವಗಳನ್ನು ಸಾಲಾಗಿ ಜೋಡಿಸಿಕೊಂಡು ತಲೆ ಮೇಲೆ ಹೊತ್ತು ಮನೆ ಬಾಗಿಲಿಗೆ ತಂದು ಮಾರುವ ರೂಢಿ ಬೆಳೆದು ಬಂತು.

. ಮಳೆ ತರುವ ದೇವತೆ ಎಂದು ನಂಬಲಾಗುವ ಗುಳ್ಳವ್ವನಿಗೆ ಜೋಳದಿಂದ ತಯಾರಿಸಿದ ಅರಳು, ಉಸುಳಿ, ವಿವಿಧ ನೈವೇದ್ಯ ತಯಾರಿಸಿ ಮನೆ, ಮನೆಗೆ ಹೋಗಿ ಆರತಿ ಬೆಳಗಿ ಸಾಮೂಹಿಕವಾಗಿ ಪೂಜಿಸಲಾಯಿತು.

. ‘ಆಷಾಢ ಮಾಸದ ಕೊನೆಯ ಮಂಗಳವಾರ ವಿಶೇಷ ಖಾದ್ಯ ತಯಾರಿಸಿ ಗುಳ್ಳವ್ವನೊಂದಿಗೆ ಇನ್ನುಳಿದ ದೇವರ ಪ್ರತಿಮೆಗಳನ್ನು ತೆಗೆದುಕೊಂಡು ಜಮೀನು, ಉದ್ಯಾನಗಳಿಗೆ ತೆರಳಿ ಸಾಮೂಹಿಕ ಪೂಜೆ ಸಲ್ಲಿಸಿ ಭೋಜನದ ಮೂಲಕ ಆಚರಣೆಗೆ ತೆರೆ ಎಳೆಯುತ್ತಾರೆ’ ಎಂದು ಹಿರಿಯ ಅಜ್ಜಿ ಸಿದ್ಧಮ್ಮ ಹೋಟಿ 'ಪ್ರಜಾವಾಣಿ'ಗೆ ತಿಳಿಸಿದರು.

. ‘ಗುಳ್ಳವ್ವ, ಈಶ್ವರ, ಬಸವಣ್ಣನ ಪ್ರತಿಮೆಗಳಿಗೆ ₹50 ನಿಗದಿ ಮಾಡಲಾಗಿದೆ. ಮೊದಲು 100–200 ಪ್ರತಿಮೆಗಳು ಮಾರಾಟವಾಗುತ್ತಿದ್ದವು. ಕ್ರಮೇಣ ಕಡಿಮೆ ಆಗಿದೆ’ ಎಂದರು ಮೂರ್ತಿ ತಯಾರಕರಾದ ಶಾಂತವ್ವ ಕುಂಬಾರ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಆಷಾಢ: ಗುಳ್ಳವನ ಪೂಜೆಯ ಸಂಭ್ರಮ

ಚಿನಕುರುಳಿ | ಶನಿವಾರ, ನವೆಂಬರ್ 23 2024

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

₹10 ಲಕ್ಷ ಲಂಚದೊಂದಿಗೆ ಲೋಕಾಯುಕ್ತ ಪೊಲೀಸರ ಬಲೆಗೆ ಬಿದ್ದ ಬುಡಾ ಆಯುಕ್ತ

ಚಿನ್ನ: 10 ಗ್ರಾಂಗೆ ₹1,100 ಏರಿಕೆ

Perth Test: ಬೂಮ್ರಾಗೆ ಐದು ವಿಕೆಟ್, ಆಸೀಸ್ 104ಕ್ಕೆ ಆಲೌಟ್, ಭಾರತಕ್ಕೆ ಮುನ್ನಡೆ

ಚಿನ್ನಸ್ವಾಮಿ ಕ್ರೀಡಾಂಗಣದ ಸ್ಟ್ಯಾಂಡ್‌ಗಳಿಗೆ ದಿಗ್ಗಜ ಕ್ರಿಕೆಟಿಗರ ಹೆಸರು?

ಅಂಧರ ಚೆಸ್: ತೆಲಂಗಾಣದ ಆಕಾಶ್‌ಗೆ ಪ್ರಶಸ್ತಿ

ಅಖಿಲ ಭಾರತ ಅಂತರ ವಿವಿ ‍ಪುರುಷರ ಕಬಡ್ಡಿ: ದಕ್ಷಿಣದ ತಂಡಗಳಿಗೆ ಉತ್ತರದ ಪೆಟ್ಟು

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶನಿವಾರ, ನವೆಂಬರ್ 23 2024

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

₹10 ಲಕ್ಷ ಲಂಚದೊಂದಿಗೆ ಲೋಕಾಯುಕ್ತ ಪೊಲೀಸರ ಬಲೆಗೆ ಬಿದ್ದ ಬುಡಾ ಆಯುಕ್ತ

ಚಿನ್ನ: 10 ಗ್ರಾಂಗೆ ₹1,100 ಏರಿಕೆ