<p><strong>ಬೆಂಗಳೂರು: </strong>ನಗರದಲ್ಲಿ ಮೊಳೆ ಮಾಫಿಯಾ ಹಾವಳಿ ಜೋರಾಗಿದ್ದು, ಸುಸಜ್ಜಿತ ರಸ್ತೆಗಳಲ್ಲಿ ಪ್ರತಿದಿನವೂ ನೂರಾರು ವಾಹನಗಳು ಪಂಕ್ಚರ್ ಆಗುತ್ತಿವೆ. ಈ ಬಗ್ಗೆ ಹಲವು ಠಾಣೆಗಳಲ್ಲಿ ದೂರು ದಾಖಲಾದರೂ ಮಾಫಿಯಾದ ಕೃತ್ಯ ಮಾತ್ರ ನಿಂತಿಲ್ಲ.<br /> <br /> ಇಂಥ ಮಾಫಿಯಾದಿಂದ ಕಷ್ಟ ಅನುಭವಿಸಿದ್ದ ಸಾಫ್ಟ್ವೇರ್ ಎಂಜಿನಿಯರ್ 42 ವರ್ಷದ ಬೆನಡಿಕ್ಟ್ ಜೆಬಕುಮಾರ್, ಆ ಬಗ್ಗೆ ಜನರಲ್ಲಿ ಜಾಗೃತಿ ಮೂಡಿಸುತ್ತಿದ್ದಾರೆ. ಇದುವರೆಗೂ ರಸ್ತೆಯಲ್ಲಿ ಎಸೆದಿದ್ದ 75 ಕೆ.ಜಿಯಷ್ಟು ಮೊಳೆಗಳನ್ನು ಅವರು ಸಂಗ್ರಹಿಸಿದ್ದಾರೆ.<br /> <br /> ಇಕೊ ಸ್ಪೇಸ್ನ ಕಂಪೆನಿಯಲ್ಲಿ ಕೆಲಸ ಮಾಡುತ್ತಿರುವ ಜೆಬಕುಮಾರ್, ಬನಶಂಕರಿಯಲ್ಲಿ ವಾಸವಿದ್ದಾರೆ. ಪ್ರತಿದಿನವೂ ಹೊರವರ್ತುಲ ರಸ್ತೆ ಮೂಲಕ ಸೈಕಲ್ನಲ್ಲಿ ಕಚೇರಿಗೆ ಹೋಗುತ್ತಾರೆ. ಮಾರ್ಗಮಧ್ಯೆ ಆಯಸ್ಕಾಂತ್ ನೆರವಿನಿಂದ ಮೊಳೆಗಳನ್ನು ಪತ್ತೆ ಮಾಡುತ್ತಿದ್ದಾರೆ. <br /> <br /> ಬೆಳಿಗ್ಗೆ 7ರ ಸುಮಾರಿಗೆ ಮನೆಯಿಂದ ಹೊರಡುವ ಜೆಬಕುಮಾರ್, ಎರಡು ಗಂಟೆಗಳವರೆಗೆ ಮೊಳೆ ಸಂಗ್ರಹಿಸುತ್ತಾರೆ. ಅವರ ಕೆಲಸಕ್ಕೆ ಸಹಕಾರ ನೀಡಿರುವ ಮಗ, 5 ಅಡಿ ಉತ್ತದ ಆಯಸ್ಕಾಂತದ ಕೋಲು ಸಿದ್ಧಪಡಿಸಿ ಕೊಟ್ಟಿದ್ದಾನೆ.<br /> <br /> ‘2014ರಿಂದ ಈ ಕೆಲಸ ಸಂಗ್ರಹ ಮಾಡುತ್ತಿದ್ದೇನೆ. ದಿನಕ್ಕೆ ಕನಿಷ್ಠ 200 ಗ್ರಾಂ ಹಾಗೂ ಗರಿಷ್ಠ 800 ಗ್ರಾಂನಷ್ಟು ಮೊಳೆ ಸಿಕ್ಕಿವೆ. ಚಪ್ಪಲಿಗೆ ಬಡಿಯುವ ಮೊಳೆಗಳೇ ಹೆಚ್ಚು. ಸದ್ಯ ಸಂಗ್ರಹಿಸಿದ ಮೊಳೆಗಳ ತೂಕ 70 ಕೆ.ಜಿ ಆಗಿದೆ’ ಎಂದು ಬೆನಡಿಕ್ಟ್ ಜೆಬಕುಮಾರ್ ‘ಪ್ರಜಾವಾಣಿ’ಗೆ ತಿಳಿಸಿದರು.<br /> <br /> ‘2013ರಲ್ಲಿ ಕೆಲಸ ಸಿಕ್ಕಿತು. ಬನಶಂಕರಿಯಿಂದ ಸಿಲ್ಕ್ಬೋರ್ಡ್ ಮಾರ್ಗವಾಗಿ ಇಕೊ ಸ್ಪೇಸ್ನಲ್ಲಿರುವ ಕಚೇರಿಗೆ ಬೈಕ್ನಲ್ಲಿ ಹೋಗುತ್ತಿದ್ದೆ. ನಾಲ್ಕೇ ವಾರದಲ್ಲಿ ಆರು ಬಾರಿ ಬೈಕ್ ಟೈರ್ಗಳು ಪಂಕ್ಚರ್ ಆದವು’<br /> <br /> ‘ರಸ್ತೆ ಪಕ್ಕದ ಪಂಕ್ಚರ್ ಅಂಗಡಿಯವರು ₹200ರಿಂದ ₹300 ಕೇಳುತ್ತಿದ್ದರು. ಒಂದೇ ಅಂಗಡಿ ಇದ್ದಿದ್ದರಿಂದ ವಿಧಿಯಿಲ್ಲದೆ ಹಣ ಕೊಡುತ್ತಿದೆ’ ಎಂದರು.<br /> <br /> ಠಾಣೆಗೆ ದೂರು ಕೊಟ್ಟಿದ್ದರು: ರಸ್ತೆಯಲ್ಲಿ ಮೊಳೆ ಕಂಡುಬರುತ್ತಿದ್ದರಿಂದ ನುಮಾನಗೊಂಡ ಜೆಬಕುಮಾರ್, ಸಂಚಾರ ಠಾಣೆಗೆ ದೂರು ಕೊಟ್ಟಿದ್ದರು.<br /> <br /> ‘ರಸ್ತೆಯ ಅಕ್ಕ–ಪಕ್ಕದ ಪಂಕ್ಚರ್ ಅಂಗಡಿಯವರು ಈ ಕೃತ್ಯ ಎಸಗುತ್ತಿದ್ದಾರೆ ಎಂಬುದು ಗೊತ್ತಾಗಿತ್ತು. ಆ ಬಗ್ಗೆ ಠಾಣೆಗೆ ದೂರು ಕೊಟ್ಟಿದ್ದೆ. ಪೊಲೀಸರು ಮೂವರನ್ನು ಬಂಧಿಸಿ ಜೈಲಿಗೆ ಕಳುಹಿಸಿದ್ದರು’<br /> <br /> ‘ಬಂಧನದ ಬಳಿಕವೂ ರಸ್ತೆಯಲ್ಲಿ ಮೊಳೆ ಬೀಳುವುದು ತಪ್ಪಿಲ್ಲ. ಪ್ರಯಾಣಿಕರು ಪ್ರತಿದಿನವೂ ನರಕಯಾತನೆ ಅನುಭವಿಸುತ್ತಿದ್ದಾರೆ’ ಎಂದು ಜೆಬಕುಮಾರ್ ವಿವರಿಸಿದರು.<br /> <br /> <strong>ಶಾಶ್ವತ ಪರಿಹಾರ ಅಗತ್ಯ:</strong> ‘ಕೆಲ ಸೇತುವೆಗಳಲ್ಲಿ ಸಿ.ಸಿ ಟಿ.ವಿ ಕ್ಯಾಮೆರಾ ಹಾಗೂ ಯಾವುದೇ ಮುಂಜಾಗ್ರತಾ ಕ್ರಮಗಳನ್ನು ಕೈಗೊಂಡಿಲ್ಲ. ಪ್ರತಿದಿನಕ್ಕೆ 50ಕ್ಕೂ ಹೆಚ್ಚು ವಾಹನಗಳು ಇಂಥ ಮೊಳೆಗಳಿಂದ ಪಂಕ್ಚರ್ ಆಗುತ್ತಿವೆ. ಕಚೇರಿ ಹಾಗೂ ಇತರೆ ಕೆಲಸಕ್ಕೆ ಹೋಗುವರು ಅದರಿಂದ ಕಂಗಾಲಾಗಿದ್ದಾರೆ. ಈ ಸಮಸ್ಯೆಗೆ ಶಾಶ್ವತ ಪರಿಹಾರ ಕಂಡುಕೊಳ್ಳಬೇಕು. ಆ ನಿಟ್ಟಿನಲ್ಲಿ ಸಂಚಾರ ಪೊಲೀಸರು ಹಾಗೂ ಬಿಬಿಎಂಪಿ ಅಧಿಕಾರಿಗಳು ಒಂದಾಗಿ ಚಿಂತನೆ ನಡೆಯಬೇಕು’ ಎಂದು ಜೆಬಕುಮಾರ್ ಅಭಿಪ್ರಾಯಪಟ್ಟರು.<br /> *<br /> <strong>‘ಮೈ ರೋಡ್ ಮೈ ರೆಸ್ಪಾನ್ಸಿಬಿಲಿಟಿ’ ಪೇಜ್</strong><br /> ಮೊಳೆ ಬಗ್ಗೆ ಜಾಗೃತಿ ಮೂಡಿಸುವುದಕ್ಕಾಗಿ ಜೆಬಕುಮಾರ್ ಅವರು ‘ಮೈ ರೋಡ್ ಮೈ ರೆಸ್ಪಾನ್ಸಿಬಿಲಿಟಿ’ ಫೇಸ್ಬುಕ್ ಪೇಜ್ ಹುಟ್ಟುಹಾಕಿದ್ದಾರೆ.<br /> 8,771 ಮಂದಿ ಈ ಪೇಜ್ ಲೈಕ್ ಮಾಡಿದ್ದಾರೆ. ಅವರಲ್ಲಿ ಕೆಲವರು, ಮೊಳೆ ಸಂಗ್ರಹಿಸಿ ಅದರ ಭಾವಚಿತ್ರಗಳನ್ನು ಸಹ ಅಪ್ಲೋಡ್ ಮಾಡುತ್ತಿದ್ದಾರೆ. ಈ ಪೇಜ್ ಮೂಲಕವೇ ಮತ್ತಷ್ಟು ಜನರನ್ನು ತಲುಪಲು ಪ್ರಯತ್ನಿಸುತ್ತಿದ್ದೇನೆ ಎಂದು ಜೆಬಕುಮಾರ್ ಅವರು ಹೇಳುತ್ತಾರೆ.<br /> *<br /> <strong>ಮೈಸೂರು ರಸ್ತೆಯಲ್ಲೂ ಮೊಳೆ ಹಾವಳಿ</strong><br /> ಮೈಸೂರು ರಸ್ತೆಯ ಬಾಲಗಂಗಾಧರನಾಥ ಸ್ವಾಮೀಜಿ ಮೇಲ್ಸೇತುವೆಯಲ್ಲೂ ಮೊಳೆ ಹಾವಳಿ ಹೆಚ್ಚಿದೆ. ಈ ಬಗ್ಗೆ ಚಾಮರಾಜಪೇಟೆ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಾಗಿದೆ. ಇದುವರೆಗೂ ಆರೋಪಿಗಳ ಪತ್ತೆ ಆಗಿಲ್ಲ. ಮೊಳೆ ಬೀಳುವುದು ತಪ್ಪುತ್ತಿಲ್ಲ ಎಂದು ಪ್ರಯಾಣಿಕರು ದೂರುತ್ತಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೆಂಗಳೂರು: </strong>ನಗರದಲ್ಲಿ ಮೊಳೆ ಮಾಫಿಯಾ ಹಾವಳಿ ಜೋರಾಗಿದ್ದು, ಸುಸಜ್ಜಿತ ರಸ್ತೆಗಳಲ್ಲಿ ಪ್ರತಿದಿನವೂ ನೂರಾರು ವಾಹನಗಳು ಪಂಕ್ಚರ್ ಆಗುತ್ತಿವೆ. ಈ ಬಗ್ಗೆ ಹಲವು ಠಾಣೆಗಳಲ್ಲಿ ದೂರು ದಾಖಲಾದರೂ ಮಾಫಿಯಾದ ಕೃತ್ಯ ಮಾತ್ರ ನಿಂತಿಲ್ಲ.<br /> <br /> ಇಂಥ ಮಾಫಿಯಾದಿಂದ ಕಷ್ಟ ಅನುಭವಿಸಿದ್ದ ಸಾಫ್ಟ್ವೇರ್ ಎಂಜಿನಿಯರ್ 42 ವರ್ಷದ ಬೆನಡಿಕ್ಟ್ ಜೆಬಕುಮಾರ್, ಆ ಬಗ್ಗೆ ಜನರಲ್ಲಿ ಜಾಗೃತಿ ಮೂಡಿಸುತ್ತಿದ್ದಾರೆ. ಇದುವರೆಗೂ ರಸ್ತೆಯಲ್ಲಿ ಎಸೆದಿದ್ದ 75 ಕೆ.ಜಿಯಷ್ಟು ಮೊಳೆಗಳನ್ನು ಅವರು ಸಂಗ್ರಹಿಸಿದ್ದಾರೆ.<br /> <br /> ಇಕೊ ಸ್ಪೇಸ್ನ ಕಂಪೆನಿಯಲ್ಲಿ ಕೆಲಸ ಮಾಡುತ್ತಿರುವ ಜೆಬಕುಮಾರ್, ಬನಶಂಕರಿಯಲ್ಲಿ ವಾಸವಿದ್ದಾರೆ. ಪ್ರತಿದಿನವೂ ಹೊರವರ್ತುಲ ರಸ್ತೆ ಮೂಲಕ ಸೈಕಲ್ನಲ್ಲಿ ಕಚೇರಿಗೆ ಹೋಗುತ್ತಾರೆ. ಮಾರ್ಗಮಧ್ಯೆ ಆಯಸ್ಕಾಂತ್ ನೆರವಿನಿಂದ ಮೊಳೆಗಳನ್ನು ಪತ್ತೆ ಮಾಡುತ್ತಿದ್ದಾರೆ. <br /> <br /> ಬೆಳಿಗ್ಗೆ 7ರ ಸುಮಾರಿಗೆ ಮನೆಯಿಂದ ಹೊರಡುವ ಜೆಬಕುಮಾರ್, ಎರಡು ಗಂಟೆಗಳವರೆಗೆ ಮೊಳೆ ಸಂಗ್ರಹಿಸುತ್ತಾರೆ. ಅವರ ಕೆಲಸಕ್ಕೆ ಸಹಕಾರ ನೀಡಿರುವ ಮಗ, 5 ಅಡಿ ಉತ್ತದ ಆಯಸ್ಕಾಂತದ ಕೋಲು ಸಿದ್ಧಪಡಿಸಿ ಕೊಟ್ಟಿದ್ದಾನೆ.<br /> <br /> ‘2014ರಿಂದ ಈ ಕೆಲಸ ಸಂಗ್ರಹ ಮಾಡುತ್ತಿದ್ದೇನೆ. ದಿನಕ್ಕೆ ಕನಿಷ್ಠ 200 ಗ್ರಾಂ ಹಾಗೂ ಗರಿಷ್ಠ 800 ಗ್ರಾಂನಷ್ಟು ಮೊಳೆ ಸಿಕ್ಕಿವೆ. ಚಪ್ಪಲಿಗೆ ಬಡಿಯುವ ಮೊಳೆಗಳೇ ಹೆಚ್ಚು. ಸದ್ಯ ಸಂಗ್ರಹಿಸಿದ ಮೊಳೆಗಳ ತೂಕ 70 ಕೆ.ಜಿ ಆಗಿದೆ’ ಎಂದು ಬೆನಡಿಕ್ಟ್ ಜೆಬಕುಮಾರ್ ‘ಪ್ರಜಾವಾಣಿ’ಗೆ ತಿಳಿಸಿದರು.<br /> <br /> ‘2013ರಲ್ಲಿ ಕೆಲಸ ಸಿಕ್ಕಿತು. ಬನಶಂಕರಿಯಿಂದ ಸಿಲ್ಕ್ಬೋರ್ಡ್ ಮಾರ್ಗವಾಗಿ ಇಕೊ ಸ್ಪೇಸ್ನಲ್ಲಿರುವ ಕಚೇರಿಗೆ ಬೈಕ್ನಲ್ಲಿ ಹೋಗುತ್ತಿದ್ದೆ. ನಾಲ್ಕೇ ವಾರದಲ್ಲಿ ಆರು ಬಾರಿ ಬೈಕ್ ಟೈರ್ಗಳು ಪಂಕ್ಚರ್ ಆದವು’<br /> <br /> ‘ರಸ್ತೆ ಪಕ್ಕದ ಪಂಕ್ಚರ್ ಅಂಗಡಿಯವರು ₹200ರಿಂದ ₹300 ಕೇಳುತ್ತಿದ್ದರು. ಒಂದೇ ಅಂಗಡಿ ಇದ್ದಿದ್ದರಿಂದ ವಿಧಿಯಿಲ್ಲದೆ ಹಣ ಕೊಡುತ್ತಿದೆ’ ಎಂದರು.<br /> <br /> ಠಾಣೆಗೆ ದೂರು ಕೊಟ್ಟಿದ್ದರು: ರಸ್ತೆಯಲ್ಲಿ ಮೊಳೆ ಕಂಡುಬರುತ್ತಿದ್ದರಿಂದ ನುಮಾನಗೊಂಡ ಜೆಬಕುಮಾರ್, ಸಂಚಾರ ಠಾಣೆಗೆ ದೂರು ಕೊಟ್ಟಿದ್ದರು.<br /> <br /> ‘ರಸ್ತೆಯ ಅಕ್ಕ–ಪಕ್ಕದ ಪಂಕ್ಚರ್ ಅಂಗಡಿಯವರು ಈ ಕೃತ್ಯ ಎಸಗುತ್ತಿದ್ದಾರೆ ಎಂಬುದು ಗೊತ್ತಾಗಿತ್ತು. ಆ ಬಗ್ಗೆ ಠಾಣೆಗೆ ದೂರು ಕೊಟ್ಟಿದ್ದೆ. ಪೊಲೀಸರು ಮೂವರನ್ನು ಬಂಧಿಸಿ ಜೈಲಿಗೆ ಕಳುಹಿಸಿದ್ದರು’<br /> <br /> ‘ಬಂಧನದ ಬಳಿಕವೂ ರಸ್ತೆಯಲ್ಲಿ ಮೊಳೆ ಬೀಳುವುದು ತಪ್ಪಿಲ್ಲ. ಪ್ರಯಾಣಿಕರು ಪ್ರತಿದಿನವೂ ನರಕಯಾತನೆ ಅನುಭವಿಸುತ್ತಿದ್ದಾರೆ’ ಎಂದು ಜೆಬಕುಮಾರ್ ವಿವರಿಸಿದರು.<br /> <br /> <strong>ಶಾಶ್ವತ ಪರಿಹಾರ ಅಗತ್ಯ:</strong> ‘ಕೆಲ ಸೇತುವೆಗಳಲ್ಲಿ ಸಿ.ಸಿ ಟಿ.ವಿ ಕ್ಯಾಮೆರಾ ಹಾಗೂ ಯಾವುದೇ ಮುಂಜಾಗ್ರತಾ ಕ್ರಮಗಳನ್ನು ಕೈಗೊಂಡಿಲ್ಲ. ಪ್ರತಿದಿನಕ್ಕೆ 50ಕ್ಕೂ ಹೆಚ್ಚು ವಾಹನಗಳು ಇಂಥ ಮೊಳೆಗಳಿಂದ ಪಂಕ್ಚರ್ ಆಗುತ್ತಿವೆ. ಕಚೇರಿ ಹಾಗೂ ಇತರೆ ಕೆಲಸಕ್ಕೆ ಹೋಗುವರು ಅದರಿಂದ ಕಂಗಾಲಾಗಿದ್ದಾರೆ. ಈ ಸಮಸ್ಯೆಗೆ ಶಾಶ್ವತ ಪರಿಹಾರ ಕಂಡುಕೊಳ್ಳಬೇಕು. ಆ ನಿಟ್ಟಿನಲ್ಲಿ ಸಂಚಾರ ಪೊಲೀಸರು ಹಾಗೂ ಬಿಬಿಎಂಪಿ ಅಧಿಕಾರಿಗಳು ಒಂದಾಗಿ ಚಿಂತನೆ ನಡೆಯಬೇಕು’ ಎಂದು ಜೆಬಕುಮಾರ್ ಅಭಿಪ್ರಾಯಪಟ್ಟರು.<br /> *<br /> <strong>‘ಮೈ ರೋಡ್ ಮೈ ರೆಸ್ಪಾನ್ಸಿಬಿಲಿಟಿ’ ಪೇಜ್</strong><br /> ಮೊಳೆ ಬಗ್ಗೆ ಜಾಗೃತಿ ಮೂಡಿಸುವುದಕ್ಕಾಗಿ ಜೆಬಕುಮಾರ್ ಅವರು ‘ಮೈ ರೋಡ್ ಮೈ ರೆಸ್ಪಾನ್ಸಿಬಿಲಿಟಿ’ ಫೇಸ್ಬುಕ್ ಪೇಜ್ ಹುಟ್ಟುಹಾಕಿದ್ದಾರೆ.<br /> 8,771 ಮಂದಿ ಈ ಪೇಜ್ ಲೈಕ್ ಮಾಡಿದ್ದಾರೆ. ಅವರಲ್ಲಿ ಕೆಲವರು, ಮೊಳೆ ಸಂಗ್ರಹಿಸಿ ಅದರ ಭಾವಚಿತ್ರಗಳನ್ನು ಸಹ ಅಪ್ಲೋಡ್ ಮಾಡುತ್ತಿದ್ದಾರೆ. ಈ ಪೇಜ್ ಮೂಲಕವೇ ಮತ್ತಷ್ಟು ಜನರನ್ನು ತಲುಪಲು ಪ್ರಯತ್ನಿಸುತ್ತಿದ್ದೇನೆ ಎಂದು ಜೆಬಕುಮಾರ್ ಅವರು ಹೇಳುತ್ತಾರೆ.<br /> *<br /> <strong>ಮೈಸೂರು ರಸ್ತೆಯಲ್ಲೂ ಮೊಳೆ ಹಾವಳಿ</strong><br /> ಮೈಸೂರು ರಸ್ತೆಯ ಬಾಲಗಂಗಾಧರನಾಥ ಸ್ವಾಮೀಜಿ ಮೇಲ್ಸೇತುವೆಯಲ್ಲೂ ಮೊಳೆ ಹಾವಳಿ ಹೆಚ್ಚಿದೆ. ಈ ಬಗ್ಗೆ ಚಾಮರಾಜಪೇಟೆ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಾಗಿದೆ. ಇದುವರೆಗೂ ಆರೋಪಿಗಳ ಪತ್ತೆ ಆಗಿಲ್ಲ. ಮೊಳೆ ಬೀಳುವುದು ತಪ್ಪುತ್ತಿಲ್ಲ ಎಂದು ಪ್ರಯಾಣಿಕರು ದೂರುತ್ತಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
