<p><strong>ಬೆಂಗಳೂರು</strong>: ಮಾನವ ಕಳ್ಳ ಸಾಗಣೆ ವಿರುದ್ಧ 2013ರಿಂದ 2020ರ ಜೂನ್ವರೆಗೆ ರಾಜ್ಯದಲ್ಲಿ ನಡೆಸಿದ ಕಾರ್ಯಾಚರಣೆಯಲ್ಲಿ 1,373 ಜನರನ್ನು ರಕ್ಷಿಸಲಾಗಿದೆ.</p>.<p>ಹೊರ ರಾಜ್ಯದ ಇವರನ್ನು ಹಣದ ಆಮಿಷವೊಡ್ಡಿ ಕಳ್ಳ ಸಾಗಣೆ ಮೂಲಕ ರಾಜ್ಯಕ್ಕೆ ಕರೆತಂದು ಜೀತಕ್ಕೆ ದೂಡಲಾಗಿತ್ತು. ಯುವತಿಯರನ್ನು ವೇಶ್ಯಾವಾಟಿಕೆಗೆ ಬಳಸಿಕೊಳ್ಳಲಾಗುತ್ತಿತ್ತು. ಇವರಲ್ಲಿ ಬಹುತೇಕರು ಒಡಿಶಾದವರಾಗಿದ್ದರು.</p>.<p>ಪೊಲೀಸ್ ಇಲಾಖೆ, ಸಿಐಡಿ, ರೈಲ್ವೆ ರಕ್ಷಣಾ ದಳ (ಆರ್ಪಿಎಫ್), ಜಿಲ್ಲಾಡಳಿತಗಳು, ಮಾನವ ಕಳ್ಳ ಸಾಗಣೆ ವಿರೋಧಿ ಘಟಕಗಳು (ಎಎಚ್ಟಿಯು) ಹಾಗೂ ಇಂಟರ್ನ್ಯಾಷನಲ್ ಜಸ್ಟಿಸ್ ಮಿಷನ್ (ಐಜೆಎಂ) ಸ್ವಯಂ ಸೇವಾ ಸಂಸ್ಥೆ ಜಂಟಿಯಾಗಿ ಕಾರ್ಯಾಚರಣೆ ನಡೆಸಿ ಜನರನ್ನು ರಕ್ಷಿಸಿ ಪುನರ್ವಸತಿ ಕಲ್ಪಿಸಿವೆ.</p>.<p>ಕೇಂದ್ರದ ಕಾರ್ಮಿಕ ಹಾಗೂ ಉದ್ಯೋಗ ಸಚಿವಾಲಯ ಬಿಡುಗಡೆ ಮಾಡಿರುವ ಅಂಕಿ–ಅಂಶಗಳ ಪ್ರಕಾರ, ಮಾನವ ಕಳ್ಳ ಸಾಗಣೆಗೆ ಸಿಲುಕಿದ್ದವರನ್ನು ಗುರುತಿಸುವುದು ಹಾಗೂ ರಕ್ಷಿಸುವಲ್ಲಿ ಕರ್ನಾಟಕವೇ ಮೊದಲ ಸ್ಥಾನದಲ್ಲಿದೆ.</p>.<p>ಮಾನವ ಕಳ್ಳ ಸಾಗಣೆ ಮಾಡುವರ ವಿರುದ್ಧ ಐಪಿಸಿ ಸೆಕ್ಷನ್ 370ರ ಅನ್ವಯ ಪ್ರಕರಣ ದಾಖಲಿಸಿಕೊಳ್ಳಲಾಗುತ್ತದೆ. ಮಾನವ ಹಕ್ಕುಗಳಿಗೆ ವಿರುದ್ಧವಾಗಿ ದುರುದ್ದೇಶದಿಂದ ಬೆದರಿಕೆಯೊಡ್ಡಿ ಬಲವಂತದಿಂದ ಅಪಹರಣ ಮಾಡಿ ಮಾನವರನ್ನು ಸಾಗಣೆ ಮಾಡುವುದು ಅಪರಾಧವಾಗುತ್ತದೆ.</p>.<p>ಕಳ್ಳ ಸಾಗಣೆ ಮೂಲಕ ಜನರನ್ನು ಜೀತಕ್ಕೆ ನಿಯೋಜಿಸಿಕೊಳ್ಳುವ ಮಾಲೀಕರು ಹಾಗೂ ಸಂಬಂಧಪಟ್ಟವರ ವಿರುದ್ಧ ಜೀತ ಕಾರ್ಮಿಕ ಪದ್ಧತಿ (ನಿರ್ಮೂಲನೆ) ಕಾಯ್ದೆ ಅಡಿಯೂ ಪ್ರಕರಣ ದಾಖಲಿಸಲು ಅವಕಾಶವಿದೆ.</p>.<p><strong>53 ಪ್ರಕರಣ- ಕಳ್ಳ ಸಾಗಣೆ ವಿರುದ್ಧ 2013ರಿಂದ 2020ರ ಜೂನ್ವರೆಗೆ ದಾಖಲಾದ ಪ್ರಕರಣಗಳು</strong></p>.<p>–– –</p>.<p><strong>ಕಳ್ಳ ಸಾಗಣೆ ವಿರುದ್ಧ ವರ್ಷವಾರು ಕಾರ್ಯಾಚರಣೆ</strong></p>.<p>2013; 14</p>.<p>2014; 17</p>.<p>2015; 8</p>.<p>2016; 19</p>.<p>2017; 10</p>.<p>(ಆಧಾರ: ರಾಷ್ಟ್ರೀಯ ಅಪರಾಧ ದಾಖಲಾತಿ ಘಟಕ (ಎನ್ಸಿಆರ್ಬಿ)</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೆಂಗಳೂರು</strong>: ಮಾನವ ಕಳ್ಳ ಸಾಗಣೆ ವಿರುದ್ಧ 2013ರಿಂದ 2020ರ ಜೂನ್ವರೆಗೆ ರಾಜ್ಯದಲ್ಲಿ ನಡೆಸಿದ ಕಾರ್ಯಾಚರಣೆಯಲ್ಲಿ 1,373 ಜನರನ್ನು ರಕ್ಷಿಸಲಾಗಿದೆ.</p>.<p>ಹೊರ ರಾಜ್ಯದ ಇವರನ್ನು ಹಣದ ಆಮಿಷವೊಡ್ಡಿ ಕಳ್ಳ ಸಾಗಣೆ ಮೂಲಕ ರಾಜ್ಯಕ್ಕೆ ಕರೆತಂದು ಜೀತಕ್ಕೆ ದೂಡಲಾಗಿತ್ತು. ಯುವತಿಯರನ್ನು ವೇಶ್ಯಾವಾಟಿಕೆಗೆ ಬಳಸಿಕೊಳ್ಳಲಾಗುತ್ತಿತ್ತು. ಇವರಲ್ಲಿ ಬಹುತೇಕರು ಒಡಿಶಾದವರಾಗಿದ್ದರು.</p>.<p>ಪೊಲೀಸ್ ಇಲಾಖೆ, ಸಿಐಡಿ, ರೈಲ್ವೆ ರಕ್ಷಣಾ ದಳ (ಆರ್ಪಿಎಫ್), ಜಿಲ್ಲಾಡಳಿತಗಳು, ಮಾನವ ಕಳ್ಳ ಸಾಗಣೆ ವಿರೋಧಿ ಘಟಕಗಳು (ಎಎಚ್ಟಿಯು) ಹಾಗೂ ಇಂಟರ್ನ್ಯಾಷನಲ್ ಜಸ್ಟಿಸ್ ಮಿಷನ್ (ಐಜೆಎಂ) ಸ್ವಯಂ ಸೇವಾ ಸಂಸ್ಥೆ ಜಂಟಿಯಾಗಿ ಕಾರ್ಯಾಚರಣೆ ನಡೆಸಿ ಜನರನ್ನು ರಕ್ಷಿಸಿ ಪುನರ್ವಸತಿ ಕಲ್ಪಿಸಿವೆ.</p>.<p>ಕೇಂದ್ರದ ಕಾರ್ಮಿಕ ಹಾಗೂ ಉದ್ಯೋಗ ಸಚಿವಾಲಯ ಬಿಡುಗಡೆ ಮಾಡಿರುವ ಅಂಕಿ–ಅಂಶಗಳ ಪ್ರಕಾರ, ಮಾನವ ಕಳ್ಳ ಸಾಗಣೆಗೆ ಸಿಲುಕಿದ್ದವರನ್ನು ಗುರುತಿಸುವುದು ಹಾಗೂ ರಕ್ಷಿಸುವಲ್ಲಿ ಕರ್ನಾಟಕವೇ ಮೊದಲ ಸ್ಥಾನದಲ್ಲಿದೆ.</p>.<p>ಮಾನವ ಕಳ್ಳ ಸಾಗಣೆ ಮಾಡುವರ ವಿರುದ್ಧ ಐಪಿಸಿ ಸೆಕ್ಷನ್ 370ರ ಅನ್ವಯ ಪ್ರಕರಣ ದಾಖಲಿಸಿಕೊಳ್ಳಲಾಗುತ್ತದೆ. ಮಾನವ ಹಕ್ಕುಗಳಿಗೆ ವಿರುದ್ಧವಾಗಿ ದುರುದ್ದೇಶದಿಂದ ಬೆದರಿಕೆಯೊಡ್ಡಿ ಬಲವಂತದಿಂದ ಅಪಹರಣ ಮಾಡಿ ಮಾನವರನ್ನು ಸಾಗಣೆ ಮಾಡುವುದು ಅಪರಾಧವಾಗುತ್ತದೆ.</p>.<p>ಕಳ್ಳ ಸಾಗಣೆ ಮೂಲಕ ಜನರನ್ನು ಜೀತಕ್ಕೆ ನಿಯೋಜಿಸಿಕೊಳ್ಳುವ ಮಾಲೀಕರು ಹಾಗೂ ಸಂಬಂಧಪಟ್ಟವರ ವಿರುದ್ಧ ಜೀತ ಕಾರ್ಮಿಕ ಪದ್ಧತಿ (ನಿರ್ಮೂಲನೆ) ಕಾಯ್ದೆ ಅಡಿಯೂ ಪ್ರಕರಣ ದಾಖಲಿಸಲು ಅವಕಾಶವಿದೆ.</p>.<p><strong>53 ಪ್ರಕರಣ- ಕಳ್ಳ ಸಾಗಣೆ ವಿರುದ್ಧ 2013ರಿಂದ 2020ರ ಜೂನ್ವರೆಗೆ ದಾಖಲಾದ ಪ್ರಕರಣಗಳು</strong></p>.<p>–– –</p>.<p><strong>ಕಳ್ಳ ಸಾಗಣೆ ವಿರುದ್ಧ ವರ್ಷವಾರು ಕಾರ್ಯಾಚರಣೆ</strong></p>.<p>2013; 14</p>.<p>2014; 17</p>.<p>2015; 8</p>.<p>2016; 19</p>.<p>2017; 10</p>.<p>(ಆಧಾರ: ರಾಷ್ಟ್ರೀಯ ಅಪರಾಧ ದಾಖಲಾತಿ ಘಟಕ (ಎನ್ಸಿಆರ್ಬಿ)</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
