<p><strong>ಬೆಂಗಳೂರು:</strong> `ಒಂದು ಕೋಟಿ ಜನರ ಭಾಷೆಯಾಗಿರುವ ತುಳು ಭಾಷೆಯನ್ನು ಸಂವಿಧಾನದ 8ನೇ ಪರಿಚ್ಛೇದದಲ್ಲಿ ಸೇರ್ಪಡೆಗೊಳಿಸಲು ಸಾಧ್ಯವಾಗದೇ ಇರುವುದು ನಾಚಿಕೆಗೇಡಿನ ಸಂಗತಿ' ಎಂದು ಬರಹಗಾರ ಡಾ.ಕಬ್ಬಿನಾಲೆ ವಸಂತ ಭಾರದ್ವಾಜ್ ಆಕ್ರೋಶ ವ್ಯಕ್ತಪಡಿಸಿದರು.<br /> <br /> ಬೆಂಗಳೂರು ತುಳುಕೂಟ ನಗರದಲ್ಲಿ ಭಾನುವಾರ ಆಯೋಜಿಸಿದ್ದ `ಬಿಸು ಹಬ್ಬ' ಕಾರ್ಯಕ್ರಮದಲ್ಲಿ `ತೌಳ ವಶ್ರೀ' ಪ್ರಶಸ್ತಿಯನ್ನು ಸ್ವೀಕರಿಸಿ ಅವರು ಮಾತನಾಡಿದರು.<br /> <br /> `22 ಲಕ್ಷ ಮಂದಿಯ ಭಾಷೆಯಾಗಿರುವ ನೇಪಾಳಿ, ಸಿಂಧಿ ಭಾಷೆಗಳನ್ನು ಪರಿಚ್ಛೇದದಲ್ಲಿ ಸೇರ್ಪಡೆ ಮಾಡಲಾಗಿದೆ. ಆದರೆ, ಬಹುಜನರ ಭಾಷೆ ಯಾದ ತುಳುವನ್ನು ನಿರ್ಲಕ್ಷ್ಯ ಮಾಡಿರುವುದು ಸರಿಯಲ್ಲ. ಈ ಬಗ್ಗೆ ಸೀತಾಕಾಂತ ಮಹಾಪಾತ್ರ ಸಮಿತಿ ವರದಿ ನೀಡಿದ್ದು, ಇದನ್ನು ಅನುಷ್ಠಾನಗೊಳಿಸುವ ಅಗತ್ಯವಿದೆ' ಎಂದು ಸಲಹೆ ನೀಡಿದರು.<br /> <br /> `ತುಳು ಭಾಷೆ ಹಾಗೂ ಕುಂದ ಕನ್ನಡದಲ್ಲಿ ಬಹುತೇಕ ಸಾಮ್ಯ ಪದಗಳಿವೆ. ಪಂಪನ ಕಾವ್ಯದಲ್ಲೂ ತುಳು ಪದದ ಪ್ರಯೋಗವಿದೆ. ಕನ್ನಡ ಭಾಷೆಯಷ್ಟೇ ತುಳು ಕೂಡ 2 ಸಾವಿರ ವರುಷಗಳಷ್ಟು ಪ್ರಾಚೀನ ಭಾಷೆ ಎಂಬುದಕ್ಕೆ ಹಲವು ದಾಖಲೆಗಳು ಪುಷ್ಟಿ ನೀಡುತ್ತವೆ' ಎಂದರು.<br /> `ಆಂಗ್ಲ ಮಾಧ್ಯಮದ ಪ್ರಭಾವ ತುಳು ಭಾಷೆಯ ಮೇಲೆ ಆಗಿದೆ. ಮುಂದಿನ ಜನಾಂಗಕ್ಕೂ ತುಳುಭಾಷೆಯ ಸೊಗಡು ತಲುಪುವಂತೆ ನೋಡಿಕೊಳ್ಳುವ ಜವಾಬ್ದಾರಿ ತುಳು ಭಾಷಿಗರ ಮೇಲಿದೆ' ಎಂದರು.<br /> <br /> ಕನ್ನಡ ಸಾಹಿತ್ಯ ಪರಿಷತ್ತಿನ ಅಧ್ಯಕ್ಷ ಪುಂಡಲೀಕ ಹಾಲಂಬಿ ಮಾತನಾಡಿ, `ತುಳು ಭಾಷಿಗರು ತುಳುವಿನೊಂದಿಗೆ ಕನ್ನಡವನ್ನು ಉಳಿಸುವತ್ತ ಹೆಚ್ಚಿನ ಆಸ್ಥೆ ವಹಿಸಬೇಕು ಎಂದರು.<br /> <br /> `ನನ್ನ ಮೂಲ ಬೇರುಗಳು ದಕ್ಷಿಣ ಕನ್ನಡದಲ್ಲಿ ಇರುವುದರಿಂದ ಈ ಭಾಗದ ಹೆಸರು ಕೇಳಿದರೆ ಮೈ ಪುಳಕಗೊಳ್ಳುತ್ತದೆ. ಈ ನೆಲದ ಸಂಸ್ಕೃತಿ, ಆಚಾರ ವಿಚಾರಗಳು ಎಂದಿಗೂ ಬದುಕಿನ ಅದಮ್ಯ ಪ್ರೀತಿಗೆ ಸಾಕ್ಷಿ' ಎಂದರು. ಸಮಾಜಸೇವಕ ಯು.ಭೋಜರಾಜ್ ಅವರಿಗೂ `ತೌಳವಶ್ರೀ' ಪ್ರದಾನ ಮಾಡಲಾಯಿತು. ಕನ್ನಡ ಮತ್ತು ಸಂಸ್ಕೃತಿ ಇಲಾಖೆಯ ಉಪಕಾರ್ಯದರ್ಶಿ ಕೆ.ಸುಧಾಕರಶೆಟ್ಟಿ ಇತರರು ಉಪಸ್ಥಿತರಿದ್ದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೆಂಗಳೂರು:</strong> `ಒಂದು ಕೋಟಿ ಜನರ ಭಾಷೆಯಾಗಿರುವ ತುಳು ಭಾಷೆಯನ್ನು ಸಂವಿಧಾನದ 8ನೇ ಪರಿಚ್ಛೇದದಲ್ಲಿ ಸೇರ್ಪಡೆಗೊಳಿಸಲು ಸಾಧ್ಯವಾಗದೇ ಇರುವುದು ನಾಚಿಕೆಗೇಡಿನ ಸಂಗತಿ' ಎಂದು ಬರಹಗಾರ ಡಾ.ಕಬ್ಬಿನಾಲೆ ವಸಂತ ಭಾರದ್ವಾಜ್ ಆಕ್ರೋಶ ವ್ಯಕ್ತಪಡಿಸಿದರು.<br /> <br /> ಬೆಂಗಳೂರು ತುಳುಕೂಟ ನಗರದಲ್ಲಿ ಭಾನುವಾರ ಆಯೋಜಿಸಿದ್ದ `ಬಿಸು ಹಬ್ಬ' ಕಾರ್ಯಕ್ರಮದಲ್ಲಿ `ತೌಳ ವಶ್ರೀ' ಪ್ರಶಸ್ತಿಯನ್ನು ಸ್ವೀಕರಿಸಿ ಅವರು ಮಾತನಾಡಿದರು.<br /> <br /> `22 ಲಕ್ಷ ಮಂದಿಯ ಭಾಷೆಯಾಗಿರುವ ನೇಪಾಳಿ, ಸಿಂಧಿ ಭಾಷೆಗಳನ್ನು ಪರಿಚ್ಛೇದದಲ್ಲಿ ಸೇರ್ಪಡೆ ಮಾಡಲಾಗಿದೆ. ಆದರೆ, ಬಹುಜನರ ಭಾಷೆ ಯಾದ ತುಳುವನ್ನು ನಿರ್ಲಕ್ಷ್ಯ ಮಾಡಿರುವುದು ಸರಿಯಲ್ಲ. ಈ ಬಗ್ಗೆ ಸೀತಾಕಾಂತ ಮಹಾಪಾತ್ರ ಸಮಿತಿ ವರದಿ ನೀಡಿದ್ದು, ಇದನ್ನು ಅನುಷ್ಠಾನಗೊಳಿಸುವ ಅಗತ್ಯವಿದೆ' ಎಂದು ಸಲಹೆ ನೀಡಿದರು.<br /> <br /> `ತುಳು ಭಾಷೆ ಹಾಗೂ ಕುಂದ ಕನ್ನಡದಲ್ಲಿ ಬಹುತೇಕ ಸಾಮ್ಯ ಪದಗಳಿವೆ. ಪಂಪನ ಕಾವ್ಯದಲ್ಲೂ ತುಳು ಪದದ ಪ್ರಯೋಗವಿದೆ. ಕನ್ನಡ ಭಾಷೆಯಷ್ಟೇ ತುಳು ಕೂಡ 2 ಸಾವಿರ ವರುಷಗಳಷ್ಟು ಪ್ರಾಚೀನ ಭಾಷೆ ಎಂಬುದಕ್ಕೆ ಹಲವು ದಾಖಲೆಗಳು ಪುಷ್ಟಿ ನೀಡುತ್ತವೆ' ಎಂದರು.<br /> `ಆಂಗ್ಲ ಮಾಧ್ಯಮದ ಪ್ರಭಾವ ತುಳು ಭಾಷೆಯ ಮೇಲೆ ಆಗಿದೆ. ಮುಂದಿನ ಜನಾಂಗಕ್ಕೂ ತುಳುಭಾಷೆಯ ಸೊಗಡು ತಲುಪುವಂತೆ ನೋಡಿಕೊಳ್ಳುವ ಜವಾಬ್ದಾರಿ ತುಳು ಭಾಷಿಗರ ಮೇಲಿದೆ' ಎಂದರು.<br /> <br /> ಕನ್ನಡ ಸಾಹಿತ್ಯ ಪರಿಷತ್ತಿನ ಅಧ್ಯಕ್ಷ ಪುಂಡಲೀಕ ಹಾಲಂಬಿ ಮಾತನಾಡಿ, `ತುಳು ಭಾಷಿಗರು ತುಳುವಿನೊಂದಿಗೆ ಕನ್ನಡವನ್ನು ಉಳಿಸುವತ್ತ ಹೆಚ್ಚಿನ ಆಸ್ಥೆ ವಹಿಸಬೇಕು ಎಂದರು.<br /> <br /> `ನನ್ನ ಮೂಲ ಬೇರುಗಳು ದಕ್ಷಿಣ ಕನ್ನಡದಲ್ಲಿ ಇರುವುದರಿಂದ ಈ ಭಾಗದ ಹೆಸರು ಕೇಳಿದರೆ ಮೈ ಪುಳಕಗೊಳ್ಳುತ್ತದೆ. ಈ ನೆಲದ ಸಂಸ್ಕೃತಿ, ಆಚಾರ ವಿಚಾರಗಳು ಎಂದಿಗೂ ಬದುಕಿನ ಅದಮ್ಯ ಪ್ರೀತಿಗೆ ಸಾಕ್ಷಿ' ಎಂದರು. ಸಮಾಜಸೇವಕ ಯು.ಭೋಜರಾಜ್ ಅವರಿಗೂ `ತೌಳವಶ್ರೀ' ಪ್ರದಾನ ಮಾಡಲಾಯಿತು. ಕನ್ನಡ ಮತ್ತು ಸಂಸ್ಕೃತಿ ಇಲಾಖೆಯ ಉಪಕಾರ್ಯದರ್ಶಿ ಕೆ.ಸುಧಾಕರಶೆಟ್ಟಿ ಇತರರು ಉಪಸ್ಥಿತರಿದ್ದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
