ಸಂತೇಮರಹಳ್ಳಿ: ಜೈನ ಧರ್ಮದ ಚರಿತ್ರೆ ಸಾರುವ ಕುದೇರು ಬಸದಿ

ಸಂತೇಮರಹಳ್ಳಿ: ಹೋಬಳಿಯ ಕುದೇರು ಗ್ರಾಮದಲ್ಲಿರುವ ಜೈನ ಬಸದಿಯು 800 ವರ್ಷಗಳ ಹಿಂದಿನ ಜೈನರ ಇತಿಹಾಸವನ್ನು ಸಾರುತ್ತಿದೆ.

. 12ನೇ ಶತಮಾನದಲ್ಲಿರುವ ನಿರ್ಮಾಣವಾಗಿರುವ ಈ ಬಸದಿ ಕೆಲವು ವರ್ಷಗಳವರೆಗೂ ಶಿಥಿಲಾವಸ್ಥೆಯಲ್ಲಿತ್ತು. ಆರು ವರ್ಷಗಳ ಹಿಂದೆ ಜೀರ್ಣೋದ್ಧಾರಗೊಂಡು ಗತ ಚರಿತ್ರೆಯನ್ನು ಮತ್ತೆ ಜನರ ಮುಂದಿಡುತ್ತಿದೆ.

. ಗಂಗರ ಕಾಲದಲ್ಲಿ ಈ ಜೈನ ದೇವಾಲಯ ನಿರ್ಮಾಣವಾಗಿದೆ. ತಮಿಳುನಾಡಿನ ದೀಪಂಗ್ ಗುಡಿಯಲ್ಲಿದ್ದ ಜೈನ ಮುನಿಗಳಿಂದಾಗಿ ಇಲ್ಲಿ ಬಸದಿ ತಲೆ ಎತ್ತಿದೆ ಎಂದು ಹೇಳುತ್ತಾರೆ ಹಿರಿಯರು.

. ಆ ಸಮಯದಲ್ಲಿ ತಮಿಳುನಾಡಿನಲ್ಲಿ ತೀವ್ರ ಬರಗಾಲ ಉಂಟಾಯಿತು. ಅಲ್ಲಿಂದ ಹೊರಟ ಜೈನಮುನಿಗಳ ಯಾತ್ರೆ, ಕುದೇರು ಗ್ರಾಮದಲ್ಲಿ ತಲುಪುತ್ತದೆ. ಬ್ರಹ್ಮದೇವರ ವಿಗ್ರಹವನ್ನೂ ಜೊತೆಗೆ ತಂದಿದ್ದ ಮುನಿಗಳು ಇಲ್ಲೇ ನೆಲೆಸುತ್ತಾರೆ ಎಂದು ಹೇಳುತ್ತದೆ ಇತಿಹಾಸ.

. ದಿನಗಳು ಕಳೆದಂತೆ ಜೈನ ಮುನಿಗಳು ಕುದೇರು, ಉಮ್ಮತ್ತೂರು ಸೇರಿದಂತೆ ಸುತ್ತಮುತ್ತಲಿನ ಪ್ರದೇಶಗಳಲ್ಲಿ ಜೈನಧರ್ಮ ಪ್ರಚಾರ ನಡೆಸಿದ್ದರು. ಅದೇ ಸಮಯದಲ್ಲಿ ಗಂಗರು ಆಡಳಿತ ನಡೆಸುತ್ತಿದ್ದರು. ಅವರೇ ಜೈನ ಬಸದಿ ನಿರ್ಮಿಸಿ ವೃಷಭನಾಥ ತೀರ್ಥಂಕರರ (ಆದಿನಾಥ) ಮೂರ್ತಿಯನ್ನು ಪ್ರತಿಷ್ಠಾಪಿಸಿದರು.

. ಚಿಕ್ಕ ದೇವಸ್ಥಾನವಾಗಿದ್ದ ಈ ಬಸದಿಯನ್ನು 15ನೇ ಶತಮಾನದಲ್ಲಿ ಮೇಲ್ದರ್ಜೆಗೆ ಏರಿಸಲಾಯಿತು. ಆ ಸಮಯದಲ್ಲಿ ಕೃಷ್ಣದೇವರಾಯನ ಆಡಳಿತ ಜಾರಿಯಲ್ಲಿತ್ತು. ಬಸದಿಯನ್ನು ಮತ್ತಷ್ಟು ವಿಸ್ತರಿಸಿ ಈ ಭಾಗದಲ್ಲಿ ಜೈನಧರ್ಮ ಮತ್ತಷ್ಟು ಪ್ರವರ್ಧಮಾನಕ್ಕೆ ಬರಲು ಕೃಷ್ಣದೇವರಾಯನ ಸಹಕಾರ ಇದೆ ಎಂದು ಹೇಳುತ್ತಾರೆ ಇತಿಹಾಸಕಾರರು.

. ಕಲ್ಲಿನ ಮಂದಿರ: ಬಸದಿಯು ಸಂಪೂರ್ಣ ಕಲ್ಲಿನಿಂದ ನಿರ್ಮಿಸಲಾಗಿದೆ. ಗರ್ಭಗುಡಿಯಲ್ಲಿ ವೃಷಭನಾಥ ತೀರ್ಥಂಕರ ಮೂರ್ತಿಯ ಇದೆ. ಹಜಾರದಲ್ಲಿ, ಮೂರ್ತಿಯ ಬಲ ಭಾಗದಲ್ಲಿ ಬ್ರಹ್ಮಯಕ್ಷ ಹಾಗೂ ಎಡ ಭಾಗದಲ್ಲಿ ಚಕ್ರೇಶ್ವರಿ ಮೂರ್ತಿಯ ಸುಂದರ ವಿಗ್ರಹಗಳಿವೆ.

. ಬಸದಿಯ ಮೇಲಿನ ಎರಡೂ ಭಾಗಗಳಲ್ಲಿ ಸಿಂಹದ ಪ್ರತಿಕೃತಿ ಕೆತ್ತಲಾಗಿದೆ. ಇದು ಅಂದಿನ ರಾಜ ಲಾಂಛನವಾಗಿರಬಹುದು ಎಂದು ಊಹಿಸಲಾಗಿದೆ. ಮಧ್ಯದಲ್ಲಿ ತೀರ್ಥಂಕರ ವಿಗ್ರಹವೊಂದು ಕೈ ಮುಗಿಯುವ ಶೈಲಿಯಲ್ಲಿದೆ. ಮುಖ್ಯ ದ್ವಾರದ ಹೆಬ್ಬಾಗಿಲಿನಲ್ಲಿ ವೃಷಭನಾಥ ಧ್ಯಾನಸ್ಥನಾಗಿರುವ ಮೂರ್ತಿ ಇದೆ.

. ಬಸದಿಯು ಶಿಥಿಲಾವಸ್ಥೆ ತಲುಪಿದ್ದ ವಿಚಾರ ಆರು ವರ್ಷಗಳ ಹಿಂದೆ ಧರ್ಮಸ್ಥಳದ ಧರ್ಮಾಧಿಕಾರಿ ವೀರೇಂದ್ರ ಹೆಗ್ಗಡೆಯವರ ಗಮನಕ್ಕೆ ಬಂತು. ಜೀರ್ಣೋದ್ಧಾರಕ್ಕೆ ಅವರು ಧನಸಹಾಯ ನೀಡಲು ಮುಂದಾದರು. ಜೊತೆಗೆ ಸರ್ಕಾರವೂ ನೆರವಾಯಿತು.

. ಇಂದು ಬಸದಿಯ ಹೆಸರಿನಲ್ಲಿ ಟ್ರಸ್ಟ್ ರಚಿತವಾಗಿದೆ. ಆಡಳಿತ ನಿರ್ವಹಣೆಯನ್ನು ಟ್ರಸ್ಟ್ ನೋಡಿಕೊಳ್ಳುತ್ತಿದೆ. ಪ್ರತಿದಿನ ಪೂಜೆ ಪುನಸ್ಕಾರಗಳು ನಡೆಯುತ್ತಿವೆ. ಪ್ರತಿ ಅಮಾವಾಸ್ಯೆಯಂದು ಪಂಚಕಜ್ಜಾಯ ವಿಶೇಷ ಪೂಜೆ ನಡೆಸಲಾಗುತ್ತದೆ. ಪ್ರತಿ ವರ್ಷದ ನವೆಂಬರ್ ಹಾಗೂ ಡಿಸೆಂಬರ್ನಲ್ಲಿ ವಾರ್ಷಿಕ ಮಹಾಪೂಜೆ ನಡೆಸಲಾಗುತ್ತದೆ. ಈ ಸಮಯದಲ್ಲಿ ನೆರೆಯ ತಮಿಳುನಾಡು ಹಾಗೂ ಕೇರಳ ರಾಜ್ಯಗಳಿಂದಲೂ ಭಕ್ತಾದಿಗಳು ಬರುತ್ತಾರೆ. ಜತೆಗೆ ಮೈಸೂರು, ಮಂಡ್ಯ, ತುಮಕೂರು, ಬೆಂಗಳೂರು ಜಿಲ್ಲೆಗಳಿಂದ ಪ್ರತಿ ದಿನ ಭಕ್ತರು ಬರುತ್ತಾರೆ.

. ದಿಗಂಬರ ಜೈನ ಮುನಿಗಳು ಪಾದಯಾತ್ರೆ ಮೂಲಕ ತಮ್ಮ ಅನುಯಾಯಿಗಳೊಡನೆ ಇಲ್ಲಿಗೆ ಬಂದು ತಂಗಿದ್ದು, ಪ್ರವಚನ ನಡೆಸಿ ಮುಂದಿನ ಜೈನ ದೇವಾಲಯಗಳಿಗೆ ಪ್ರಯಾಣ ಬೆಳೆಸುತ್ತಾರೆ.

. ‘ಪ್ರವಾಸಿ ತಾಣವನ್ನಾಗಿ ಮಾಡಿ’

. ‘ಗ್ರಾಮದಲ್ಲಿರುವ ಜೈನ ಬಸದಿ ಸುವ್ಯವಸ್ಥಿತವಾಗಿದೆ. ಹೆಚ್ಚು ಹೆಚ್ಚು ಭಕ್ತರು ಇಲ್ಲಿಗೆ ಬರುತ್ತಿದ್ದಾರೆ. ಹಾಗಾಗಿ, ಇದನ್ನು ಪ್ರವಾಸಿ ತಾಣವನ್ನಾಗಿ ಮಾಡಬೇಕು’ ಎಂದು ಗ್ರಾಮದ ಪಣಿರಾಜು ಅವರು ‘ಪ್ರಜಾವಾಣಿ’ಗೆ ತಿಳಿಸಿದರು.

. ‘ವಂಶಪಾರಂಪರ್ಯವಾಗಿ ಪೂರ್ವಜರಿಂದ ಈ ದೇವಸ್ಥಾನದಲ್ಲಿ ಪೂಜೆ ಸಲ್ಲಿಸಿಕೊಂಡು ಬರುತ್ತಿದ್ದೇವೆ. ಭಕ್ತರ ಹೊತ್ತುಕೊಂಡಿರುವ ಹರಕೆಗಳನ್ನು ತೀರ್ಥಂಕರರು ಈಡೇರಿಸುತ್ತಿದ್ದಾರೆ. ಹಾಗಾಗಿ ಸಾಕಷ್ಟು ಸಂಖ್ಯೆಯಲ್ಲಿ ಭಕ್ತರು ಬರುತ್ತಾರೆ’ ಎಂದು ಬಸದಿಯನ್ನು ನಿರ್ವಹಿಸುತ್ತಿರುವ ವಸುಪಾಲ್ ಅವರು ಮಾಹಿತಿ ನೀಡಿದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಸಂತೇಮರಹಳ್ಳಿ: ಜೈನ ಧರ್ಮದ ಚರಿತ್ರೆ ಸಾರುವ ಕುದೇರು ಬಸದಿ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

₹10 ಲಕ್ಷ ಲಂಚದೊಂದಿಗೆ ಲೋಕಾಯುಕ್ತ ಪೊಲೀಸರ ಬಲೆಗೆ ಬಿದ್ದ ಬುಡಾ ಆಯುಕ್ತ

ಚಿನ್ನ: 10 ಗ್ರಾಂಗೆ ₹1,100 ಏರಿಕೆ

ಚುರುಮುರಿ: ಐಪಿಎಲ್- ಬಿಪಿಎಲ್!

Perth Test: ಬೂಮ್ರಾಗೆ ಐದು ವಿಕೆಟ್, ಆಸೀಸ್ 104ಕ್ಕೆ ಆಲೌಟ್, ಭಾರತಕ್ಕೆ ಮುನ್ನಡೆ

ಚಿನ್ನಸ್ವಾಮಿ ಕ್ರೀಡಾಂಗಣದ ಸ್ಟ್ಯಾಂಡ್‌ಗಳಿಗೆ ದಿಗ್ಗಜ ಕ್ರಿಕೆಟಿಗರ ಹೆಸರು?

ಅಂಧರ ಚೆಸ್: ತೆಲಂಗಾಣದ ಆಕಾಶ್‌ಗೆ ಪ್ರಶಸ್ತಿ

ಅಖಿಲ ಭಾರತ ಅಂತರ ವಿವಿ ‍ಪುರುಷರ ಕಬಡ್ಡಿ: ದಕ್ಷಿಣದ ತಂಡಗಳಿಗೆ ಉತ್ತರದ ಪೆಟ್ಟು

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

₹10 ಲಕ್ಷ ಲಂಚದೊಂದಿಗೆ ಲೋಕಾಯುಕ್ತ ಪೊಲೀಸರ ಬಲೆಗೆ ಬಿದ್ದ ಬುಡಾ ಆಯುಕ್ತ

ಚಿನ್ನ: 10 ಗ್ರಾಂಗೆ ₹1,100 ಏರಿಕೆ

ಚುರುಮುರಿ: ಐಪಿಎಲ್- ಬಿಪಿಎಲ್!