<p><strong>ಯಳಂದೂರು:</strong> ತಾಲ್ಲೂಕಿನಲ್ಲಿ ವಾರದಿಂದ ಸುರಿದ ಮಳೆಗೆ ಭೂಮಿ ಹದಗೊಂಡಿದೆ. ಕೃಷಿಕರು ಬಿತ್ತನೆ ಚಟುವಟಿಕೆ ಆರಂಭಿಸಿದ್ದಾರೆ. ಮುಂಗಾರಿಗೂ ಮೊದಲು ಭೂಮಿಗೆ ಗೊಬ್ಬರ ಸೇರಿಸಿ ಭೂಮಿ ಹದ ಮಾಡುತ್ತಿದ್ದಾರೆ. ಅದರಲ್ಲೂ ಅರಿಶಿನ ನಾಟಿಗೆ ವೇಗ ದೊರೆತಿದ್ದು, ಉತ್ತಮ ತಳಿಯ ಬಿತ್ತನೆ ಬೀಜಕ್ಕೆ ಹುಡುಕಾಟ ನಡೆಸಿದ್ದಾರೆ.</p>.<p>ಹಲವು ವರ್ಷಗಳಿಂದ ಅರಿಶಿನಕ್ಕೆ ಅಷ್ಟಾಗಿ ಬೇಡಿಕೆ ಇರಲಿಲ್ಲ. ಇಳುವರಿ ಕೊರತೆ, ಹೆಚ್ಚಾದ ಖರ್ಚು ಮತ್ತು ನಿರ್ವಹಣೆಯ ಸಮಸ್ಯೆಯಿಂದ ಬಹುತೇಕ ಬೆಳೆಗಾರರು ಬೆಳೆಯಿಂದ ವಿಮುಖವಾಗಿದ್ದರು. ಆದರೆ, ಕಳೆದ ವರ್ಷ ಅರಿಶಿನಕ್ಕೆ ದಿಢೀರ್ ಏರಿದ ಬೆಲೆಯಿಂದ ಮತ್ತೆ ನಾಟಿಗೆ ಮುಂದಾಗಿದ್ದು, ಭೂಮಿ ಸಿದ್ಧತೆಯಲ್ಲಿ ತೊಡಗಿದ್ದಾರೆ.</p>.<p>ಕಳೆದ ಜೂನ್ನಲ್ಲಿ ಕ್ವಿಂಟಲ್ ಒಂದಕ್ಕೆ ₹ 6 ಸಾವಿರದಿಂದ ₹22 ಸಾವಿರ ತನಕ ಅರಿಶಿನ ಧಾರಣೆ ಏರಿಕೆ ಕಂಡಿತ್ತು. ಪೂರೈಕೆ ಕೊರೆತೆಯಿಂದ ಬೆಲೆ ಮತ್ತು ಬೇಡಿಕೆ ಏರುಮುಖ ಆಗಿತ್ತು. ಇದನ್ನು ಮನಗಂಡ ಬೇಸಾಯಗಾರರು ಮತ್ತೆ ಅರಿಶಿನ ನಾಟಿಗೆ ಮುಂದಾಗಿದ್ದಾರೆ. ತರಕಾರಿ ನಾಟಿ ಮಾಡುತ್ತಿದ್ದ ಹಿಡುವಳಿಗಳಲ್ಲಿ ಈ ಬಾರಿ ಅರಿಶಿನ ಬಿತ್ತನೆಗೆ ಒಲವು ತೋರಿದ್ದಾರೆ ಎಂದು ಅಂಬಳೆ ಶಿವಮೂರ್ತಿ ಹೇಳಿದರು.</p>.<p>ಏರಿದ ನಾಟಿ ಅರಿಶಿನ ದರ: ಗುಂಡ್ಲುಪೇಟೆ ಹಾಗೂ ತೆರಕಣಾಂಬಿ ಸುತ್ತಮುತ್ತಲ ಪ್ರದೇಶಗಳಲ್ಲಿ ಉತ್ತಮ ದರ್ಜೆಯ ಬೀಜ ಸಿಗುವ ಭರವಸೆ ಇದೆ. ಮೇ ಅಂತ್ಯದಲ್ಲಿ ನಾಟಿ ಪ್ರಕ್ರಿಯೆ ಮುಗಿಯುವ ಧಾವಂತವೂ ಇದೆ. 2023ರಲ್ಲಿ ಉತ್ತಮ ದರ್ಜೆಯ ಬಿತ್ತನೆ ಅರಿಶಿನ ಕ್ವಿಂಟಲ್ ಒಂದಕ್ಕೆ ₹ 2 ಸಾವಿರ ಇತ್ತು. ಈ ಸಲ ₹ 4500ರಿಂದ ₹5500ಕ್ಕೆ ಏರಿಕೆ ಕಂಡಿದೆ. ಜೊತೆಗೆ ಸಾಗಣೆ ವೆಚ್ಚವೂ ಸೇರಿ ದರ ಹೆಚ್ಚಾಗುತ್ತದೆ. 2 ವರ್ಷಗಳಿಂದ ನೀರಿನ ಕೊರತೆ, ಬರ ಮತ್ತಿತರ ಕಾರಣಗಳಿಂದ ಅರಿಶಿನ ಬಿತ್ತನೆ ಸಾಧ್ಯ ಆಗಿರಲಿಲ್ಲ. ಆದರೆ, ಮುಂದಿನ ಸಲ ಅರಿಶಿನಕ್ಕೆ ಮತ್ತೆ ಬೆಲೆ ಮತ್ತು ಬೇಡಿಕೆ ಹೆಚ್ಚಾಗುವ ನಿರೀಕ್ಷೆಯಿಂದ ಬಿತ್ತನೆಗೆ ಸಿದ್ಧತೆ ಆರಂಭಿಸಿದ್ಧೇವೆ ಎನ್ನುತ್ತಾರೆ ಹೊನ್ನೂರು ಕೃಷಿಕ ಮಹೇಶ್.</p>.<p>ಅರಿಶಿನಕ್ಕೆ ಬೇಡಿಕೆ ಹೆಚ್ಚಿದ್ದಾಗ ಸರ್ಕಾರ ಬೆಲೆ ನಿರ್ಧರಿಸುತ್ತದೆ. ಸದ್ಯ ಮೈಸೂರು ಇಲವಾಲದಲ್ಲಿ ಪ್ರಾತ್ಯಕ್ಷಿಕೆಗಾಗಿ ಅರಿಶಿಣ ನೀಡಲಾಗುತ್ತದೆ. ಹಾಗಾಗಿ, ರೈತರಿಗೆ ವಿತರಿಸುವ ಬೆಲೆ ಅಂತಿಮಗೊಂಡಿಲ್ಲ ಎಂದು ತೋಟಗಾರಿಕಾ ಇಲಾಖೆ ಸಹಾಯಕ ನಿರ್ದೇಶಕ ಜಿ.ಎಸ್.ರಾಜು ‘ಪ್ರಜಾವಾಣಿ’ಗೆ ತಿಳಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಯಳಂದೂರು:</strong> ತಾಲ್ಲೂಕಿನಲ್ಲಿ ವಾರದಿಂದ ಸುರಿದ ಮಳೆಗೆ ಭೂಮಿ ಹದಗೊಂಡಿದೆ. ಕೃಷಿಕರು ಬಿತ್ತನೆ ಚಟುವಟಿಕೆ ಆರಂಭಿಸಿದ್ದಾರೆ. ಮುಂಗಾರಿಗೂ ಮೊದಲು ಭೂಮಿಗೆ ಗೊಬ್ಬರ ಸೇರಿಸಿ ಭೂಮಿ ಹದ ಮಾಡುತ್ತಿದ್ದಾರೆ. ಅದರಲ್ಲೂ ಅರಿಶಿನ ನಾಟಿಗೆ ವೇಗ ದೊರೆತಿದ್ದು, ಉತ್ತಮ ತಳಿಯ ಬಿತ್ತನೆ ಬೀಜಕ್ಕೆ ಹುಡುಕಾಟ ನಡೆಸಿದ್ದಾರೆ.</p>.<p>ಹಲವು ವರ್ಷಗಳಿಂದ ಅರಿಶಿನಕ್ಕೆ ಅಷ್ಟಾಗಿ ಬೇಡಿಕೆ ಇರಲಿಲ್ಲ. ಇಳುವರಿ ಕೊರತೆ, ಹೆಚ್ಚಾದ ಖರ್ಚು ಮತ್ತು ನಿರ್ವಹಣೆಯ ಸಮಸ್ಯೆಯಿಂದ ಬಹುತೇಕ ಬೆಳೆಗಾರರು ಬೆಳೆಯಿಂದ ವಿಮುಖವಾಗಿದ್ದರು. ಆದರೆ, ಕಳೆದ ವರ್ಷ ಅರಿಶಿನಕ್ಕೆ ದಿಢೀರ್ ಏರಿದ ಬೆಲೆಯಿಂದ ಮತ್ತೆ ನಾಟಿಗೆ ಮುಂದಾಗಿದ್ದು, ಭೂಮಿ ಸಿದ್ಧತೆಯಲ್ಲಿ ತೊಡಗಿದ್ದಾರೆ.</p>.<p>ಕಳೆದ ಜೂನ್ನಲ್ಲಿ ಕ್ವಿಂಟಲ್ ಒಂದಕ್ಕೆ ₹ 6 ಸಾವಿರದಿಂದ ₹22 ಸಾವಿರ ತನಕ ಅರಿಶಿನ ಧಾರಣೆ ಏರಿಕೆ ಕಂಡಿತ್ತು. ಪೂರೈಕೆ ಕೊರೆತೆಯಿಂದ ಬೆಲೆ ಮತ್ತು ಬೇಡಿಕೆ ಏರುಮುಖ ಆಗಿತ್ತು. ಇದನ್ನು ಮನಗಂಡ ಬೇಸಾಯಗಾರರು ಮತ್ತೆ ಅರಿಶಿನ ನಾಟಿಗೆ ಮುಂದಾಗಿದ್ದಾರೆ. ತರಕಾರಿ ನಾಟಿ ಮಾಡುತ್ತಿದ್ದ ಹಿಡುವಳಿಗಳಲ್ಲಿ ಈ ಬಾರಿ ಅರಿಶಿನ ಬಿತ್ತನೆಗೆ ಒಲವು ತೋರಿದ್ದಾರೆ ಎಂದು ಅಂಬಳೆ ಶಿವಮೂರ್ತಿ ಹೇಳಿದರು.</p>.<p>ಏರಿದ ನಾಟಿ ಅರಿಶಿನ ದರ: ಗುಂಡ್ಲುಪೇಟೆ ಹಾಗೂ ತೆರಕಣಾಂಬಿ ಸುತ್ತಮುತ್ತಲ ಪ್ರದೇಶಗಳಲ್ಲಿ ಉತ್ತಮ ದರ್ಜೆಯ ಬೀಜ ಸಿಗುವ ಭರವಸೆ ಇದೆ. ಮೇ ಅಂತ್ಯದಲ್ಲಿ ನಾಟಿ ಪ್ರಕ್ರಿಯೆ ಮುಗಿಯುವ ಧಾವಂತವೂ ಇದೆ. 2023ರಲ್ಲಿ ಉತ್ತಮ ದರ್ಜೆಯ ಬಿತ್ತನೆ ಅರಿಶಿನ ಕ್ವಿಂಟಲ್ ಒಂದಕ್ಕೆ ₹ 2 ಸಾವಿರ ಇತ್ತು. ಈ ಸಲ ₹ 4500ರಿಂದ ₹5500ಕ್ಕೆ ಏರಿಕೆ ಕಂಡಿದೆ. ಜೊತೆಗೆ ಸಾಗಣೆ ವೆಚ್ಚವೂ ಸೇರಿ ದರ ಹೆಚ್ಚಾಗುತ್ತದೆ. 2 ವರ್ಷಗಳಿಂದ ನೀರಿನ ಕೊರತೆ, ಬರ ಮತ್ತಿತರ ಕಾರಣಗಳಿಂದ ಅರಿಶಿನ ಬಿತ್ತನೆ ಸಾಧ್ಯ ಆಗಿರಲಿಲ್ಲ. ಆದರೆ, ಮುಂದಿನ ಸಲ ಅರಿಶಿನಕ್ಕೆ ಮತ್ತೆ ಬೆಲೆ ಮತ್ತು ಬೇಡಿಕೆ ಹೆಚ್ಚಾಗುವ ನಿರೀಕ್ಷೆಯಿಂದ ಬಿತ್ತನೆಗೆ ಸಿದ್ಧತೆ ಆರಂಭಿಸಿದ್ಧೇವೆ ಎನ್ನುತ್ತಾರೆ ಹೊನ್ನೂರು ಕೃಷಿಕ ಮಹೇಶ್.</p>.<p>ಅರಿಶಿನಕ್ಕೆ ಬೇಡಿಕೆ ಹೆಚ್ಚಿದ್ದಾಗ ಸರ್ಕಾರ ಬೆಲೆ ನಿರ್ಧರಿಸುತ್ತದೆ. ಸದ್ಯ ಮೈಸೂರು ಇಲವಾಲದಲ್ಲಿ ಪ್ರಾತ್ಯಕ್ಷಿಕೆಗಾಗಿ ಅರಿಶಿಣ ನೀಡಲಾಗುತ್ತದೆ. ಹಾಗಾಗಿ, ರೈತರಿಗೆ ವಿತರಿಸುವ ಬೆಲೆ ಅಂತಿಮಗೊಂಡಿಲ್ಲ ಎಂದು ತೋಟಗಾರಿಕಾ ಇಲಾಖೆ ಸಹಾಯಕ ನಿರ್ದೇಶಕ ಜಿ.ಎಸ್.ರಾಜು ‘ಪ್ರಜಾವಾಣಿ’ಗೆ ತಿಳಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
